JEREMIAH 10:7 - LEKHARABU INTHENG (BSI)

⁷ Jât rakip reng nang hi tu’n mo akaja mak sik che? Nang chu kaja sik a narahōi kae. Nang kapō tûte om mak, jât rakip a mikasinghei kâra, khana anrenghei kâr a’m om mak.

JEREMIAH 10:7 ပူးပေါင်းရင်းမြစ်များ

RENGHEI INHNINA 17:39

Nangni’n Rōngpu nan-Pathen, kei ṭong nantajui sik kae khana ke’n nan-indōipui heia inphut kahuksōt sik chei kae.”

THUHMINGHEI INKHATNA 16:25

Rōngpu kha kalen inshângtak a manpâk sik kae; ama kha pathen rakip hei kanek a kakhea kaja sik kae.

ESTHER 1:13

Tûnchu dân chungchânga a’nhret hei hnenga der sik hi rengpa tlongai leikachang, khava jâra heimo tlo sik tia a’nhret mansena kaneihei kha ama’n aleibek hei.

HLAHEI 147:5

Ni-Rōngpu kha akalen leh akahrat kae; asingna kha tetor emak.

HLAHEI 22:28

Rōngpu chu reng kae, khana jât-hlop hei chunga vai arôn.

HLAHEI 47:3

Ama’n mihei torna sik ratha apek me; ama’n jât rakip chunga vai karôna asyem me.

HLAHEI 72:11

Rn rakip ahmai kunga inkun sik hei, jât rakip in ama anrazen sik.

HLAHEI 76:7

Tâk-kha, Rōngpu, nang chu mi rakip in anṭit che. Nahnuk anat pha nahmai kunga tûte ngir tor mak.

HLAHEI 86:8

Nang kapō Pathen lak tûte om mak, O Rōngpu, nang tatlo kapōa tûte’n tlotor mak hei.

HLAHEI 86:9

Naleisyem jât rakip hei kha kahong sik hei khana nahnenga hong-inkun sik hei; nalenna kha anchoi ka-ân sik jo.

HLAHEI 89:6

Marvâna nang kapō tûte inkhatbek om mak, Rōngpu; marvâna ka-om inkhatbek in nang in-angpui om mak.

SŌKSŌT 8:10

Rengpa’n amasôn, “Jîng kania aderpek roh.” Moses’n ati, “Nangekna eng dungjuia katlo sik, khava pha Rōngpu kan-Pathen tei loa Pathen alak tûte om mak ti kha nang in namanhret sik jo.

SŌKSŌT 9:14

Tûna chunga karâkna hi naṭōn karônhei leh, namipuihei chung rōk a changmak ning, raleichung pumpuia kei kapō inkhatbek om mak ti namanhret theina sik a nang um kakarâksa sik che kae.

ISAIAH 2:4

Ama’n jât kalenhei kâra innâkna ṭong atanpek sik hei. Anmani’n anchemjâm hei kha lôngkhuma ankheng sik hei khan chu ankasei hei kha thing bâk thlâkna chemcha a ankheng sik hei. Jât-hei kha re katuk se nôk hêrmak jo hei ning, re tlona sik a intluk hêrmak jo hei ning.

JEREMIAH 10:6

Rōngpu, nang kapō inkhatbek om mak; nang chu kahrat che, khana narahming kha kalen khana ratha kaneitak kae.

JEREMIAH 5:22

Kei Rōngpu eng kae, heisik a mo nantaṭit mak eng? Heisik a mo kahma kunga ṭitpum a a’nnok mak chei? Tuipui ramri sik a ke’n nêrdi hei kha kabuk hei, arakantor mak sik, aka-om ṭhak sik a ramri kae. Tui-ôngpui in asuk lele, tâk-kha khavakha khe tor mak; tui in-nông kha ka-ông thei sik, tâk-kha suk khōitor mak a kae.

DANIEL 2:27

Daniel in amasôn, “Reng Kalûr, khava intheitor ṭōn inralak katlohei, dôi kathemhei, tla kasânhei, a-emak leh ârsi lekha kathemhei om mak hei.

DANIEL 2:28

Tâk a’n-ip kaphôngsōt tor marvân Pathen inkhat ka-om. Ama’n Reng Kalûr nahnenga hnunga ahong kasōk sik kha ahri pek che kae. Tûn narahmang kha hripek che rong, khava najelaia rahmang kha.

HABAKKUK 3:2

O Rōngpu, naleitlo rakip kha kathei jo, nang ṭit leh kajana kasip eng. Nang in ṭōn kalen naleitlo hei kha, tûn keini pha hin tlo nôk roh. Nahnuk anat jo tâk inum lungset them roh.

ZECHARIAH 2:11

Khava pha khan Rōngpu ângshunga jât katamtak hongkahlut sik jo hei khana ami hongkachang sik jo hei. Ama kha nankâra ka-om sik jo, khana ama’n kei hi nanhnenga ajōngtir eng kae tia nanmanhret sik jo.

MALACHI 1:11

Raleichung inchaina inkhat a inphut inkhat katlunga mihe’n kajana annei eng. Hmun rakip a bero anro mankhut a khana rahlângthei sik inthoina antōk eng. Ankhenga kei ankaja eng.

LUKE 12:5

Tu mo ṭit sik kha manhmu chei rong: taksa athatsōa, rathla kha hmeikhura hlon manhlutna ratha kanei, Pathen kha ṭit ruh. Ataksen ruh, nantaṭit sik kha ama kha kae!

CORINTHIANHEI INKHATNA 8:6

eini sik chu heirakip Kasyempa ni-Pa khana ama sik a akahring me Pathen inkhat rōk kha ninei; khana Rōngpu Jesu Christa inkhat rōk kha ninei, ama a inphut heirakip insyem, khana ama jâra eini akahring me kae.

JOSHUA 4:24

Hiva jâra hin raleichunga aka-om mi rakip in Rōngpu ratha hi heituk akalen mo anmanhret sik jo, khana nangni’n Rōngpu nan-Pathen kha ahei tik a nankaja sik joa kae.”

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 15:4

Rōngpu, tu’n mo nang aṭitmak sik che? Nalenna kaphông sik tu mo akada sik? Nang rōk a’ntheng che kae. Jât rakip na-ânga kahong sik hei khana anhong kamuk sik che, ajârchu mi rakip in naṭōn kadik anhmua kae.”