JEREMIAH 10:6 - LEKHARABU INTHENG (BSI)

⁶ Rōngpu, nang kapō inkhatbek om mak; nang chu kahrat che, khana narahming kha kalen khana ratha kaneitak kae.

JEREMIAH 10:6 ပူးပေါင်းရင်းမြစ်များ

SAMUEL INHNINA 7:22

Chunghnung Rōngpu, heituk a akalen che mo! Nang kapō tûte om mak; nang rōk Pathen che kae ti hi pha rakip a kamanhret.

THUHMINGHEI INKHATNA 16:25

Rōngpu kha kalen inshângtak a manpâk sik kae; ama kha pathen rakip hei kanek a kakhea kaja sik kae.

NEHEMIAH 4:14

Mipuihei kha anmalung inreng ti kaleihmu, khava jâra anmani hneng, anhlam kakeihei hneng khana ṭōnkarônhei hneng kaleihri, “Eini inrepuihei kha ṭitmak hei ruh. Mandon ruh, Rōngpu hi heituk a akalen leh ṭit ka-om mo, khana nanram mihei, nansahei, nannuhmeihei leh nan-inn sik a re tuk ruh.”

NEHEMIAH 9:32

“Eh Pathen, kan-Pathen, heituk a akalen che mo! heituk a ṭit aka-om leh ratha kahrat jo che mo! Naṭong sekamna kha taksen theitak a nanit a kae. Assyria reng he’n keini anlei-ôt ung pha inphut tûn katlung um, keini heituk a khōdeng kantathei jo mo! Kanrenghei, kanhlam kakeihei, kanthempu hei leh sânkathemhei, kanpu kanpahei leh kanmipui rakip khōdeng kanthei jo. Keini heituk a khōdeng kantathei jo mo amandonsōt pek roh!

HLAHEI 145:3

Rōngpu chu kalen khana inshângpena choi ka-ân sik kae; alendân hi mihring tamanhret tor emak.

HLAHEI 147:5

Ni-Rōngpu kha akalen leh akahrat kae; asingna kha tetor emak.

HLAHEI 35:10

Kamalung pumpuia Rōngpu hneng kahri sik, “Nang kapō tûte inkhatbek om mak. Ratha kahrat heia inphut akatlasam hei, mikasuk inrim heia inphut sara khōdeng katheihei kha nahrung hei.”

HLAHEI 48:1

Ni-Pathen khōpui kalen, atlâng intheng chunga khan, Rōngpu kha kalen khana inshângtak a choi manshâng sik kae.

HLAHEI 96:4

Rōngpu chu kalen, inshângpena choi ka-ân sik kae; ama hi Pathen rakip hei nek a kaja sik kae.

SŌKSŌT 15:11

“Rōngpu pathenhei kâra tu mo nang kapō aka-om? Tu mo nang kapō inlaktak a a’ntheng aka-om? Tu’n mo nang tatlo kapō ṭōn-inlak leh ratha kaneitak akatlo tor?

SŌKSŌT 8:10

Rengpa’n amasôn, “Jîng kania aderpek roh.” Moses’n ati, “Nangekna eng dungjuia katlo sik, khava pha Rōngpu kan-Pathen tei loa Pathen alak tûte om mak ti kha nang in namanhret sik jo.

SŌKSŌT 9:14

Tûna chunga karâkna hi naṭōn karônhei leh, namipuihei chung rōk a changmak ning, raleichung pumpuia kei kapō inkhatbek om mak ti namanhret theina sik a nang um kakarâksa sik che kae.

ISAIAH 12:6

Ziona ka-om rakip in hla sak hei sona ông hei rasoh! Israel a’ntheng Pathen hi akalen kae, khana ama amihei kâra ka-om.”

ISAIAH 40:18

Pathen hi tu leh mo tekâkthei sik? Ama hei leh mo a’n-ang nang in heikhonga nahri tor sik?

ISAIAH 40:25

A’ntheng Pathen kha tu leh mo nitekâk sik? Ama kapō alak aka-om mo?

ISAIAH 46:5

Rōngpu’n ati, “Tu leh mo nangni’n nanta-ente sik eng? Kei kapō tu inkhat aka-om nâk mo?”

ISAIAH 46:9

Tenlaia omchen kasōk kha mandonsōt ruh; kei rōk hi Pathen eng kae khana kei kapō tûte ralak om mak ti hi hnōm ruh.

JEREMIAH 10:16

Jacob Pathen khachu, khavahei kapō changmak; ama chu heirakip kasyem kae, Israel kha ama mikhet sik a akadeisōt jo hei kae. Chunghnung Rōngpu kha ama rahming kae.

JEREMIAH 32:18

Nang in lishing lishing hei hneng nalungsetna kha namalâr, tâk nang in mihei kha annu anpahei set jâra karâkna’m napek hei. Nang akalen leh akahrat Pathen che kae; nang Chunghnung Rōngpu che kae.

DANIEL 4:3

“Pathen in amalârpek me ṭōn inlak-hei hi heituk a akalenhei mo! Ama tatlosōt ṭōn inlak-hei hi heituk a ratha kaneihei mo! Pathen in ahei tik a reng kae; ama’n pha rakip a vai arôn sik kae.

DANIEL 4:34

Rengpa khan ati, “Kum 7 a’nchaisō leh chungting bōirōk ka-en, khana kamalung hong kavâr jo. Ke’n Chunghnung Pathen kha kachoi ka-ân khana ahei tik a akahring ṭhak ama hneng kajana leh lûrna kapek a kae. “Ama’n aheitik a vai arôn sik, khana arengram phat rakip a ka-om ṭhak sik a kae.

MALACHI 1:11

Raleichung inchaina inkhat a inphut inkhat katlunga mihe’n kajana annei eng. Hmun rakip a bero anro mankhut a khana rahlângthei sik inthoina antōk eng. Ankhenga kei ankaja eng.

CORINTHIANHEI INKHATNA 8:6

eini sik chu heirakip Kasyempa ni-Pa khana ama sik a akahring me Pathen inkhat rōk kha ninei; khana Rōngpu Jesu Christa inkhat rōk kha ninei, ama a inphut heirakip insyem, khana ama jâra eini akahring me kae.

DÂNRABU INHNINA 32:31

Ankadōi he’n anmani pathenhei kha katlasam hei, Israelhei Pathen kapōa ratha neimak hei ti anmanhret.

DÂNRABU INHNINA 33:26

Israel mipuihei, nan-Pathen kapō pathen lak om mak, bōirōk arakana kalûrtak a kajōng, nankabôm sik a sûmtuk ajōng petan a kae.