JEREMIAH 10:16 - LEKHARABU INTHENG (BSI)

¹⁶ Jacob Pathen khachu, khavahei kapō changmak; ama chu heirakip kasyem kae, Israel kha ama mikhet sik a akadeisōt jo hei kae. Chunghnung Rōngpu kha ama rahming kae.

JEREMIAH 10:16 ပူးပေါင်းရင်းမြစ်များ

HLAHEI 119:57

Nang rōk kamadu che kae, Rōngpu; nadân kajui sik a intep eng.

HLAHEI 135:4

Ama ta sik a Jacob kha akadeisōt, ama tanei sik a Israel mipuihei kha akadeisōt hei.

HLAHEI 142:5

Rōngpu, inthōpui madu jâra kaṭap eng; Rōngpu nang kei ani kahrungpa che kae, hiva hringkhō shunga kamadupen kha nang che kae.

HLAHEI 33:6

Rōngpu’n marvânhei hi aṭongpek vâng asyem hei, kani, thla, khana ârsihei hi aṭongpek vâng asyem hei.

HLAHEI 73:26

Kamalung leh kataksa atlâksam jo’num, Pathen hi karatha hratna kae; ama rōk hi karangei kae.

HLAHEI 74:2

Hmalaia inphut nang sik a nakadei jo hei, hmalaia inphut nata sik a nakadeisōt hei, naphung manchang sik a, ansōk changna inphut najōng ṭhōisōt hei, namihei kha mandonsōt hei roh. Vōi khat a nalei omna Zion kha mandonsōt roh.

SŌKSŌT 19:5

Tûn, nangni’n kaṭong pek hei nanjuia ka’ntepna kaṭha nannit inchu, nangni kamitak kha kachang sik chei.

SŌKSŌT 34:9

Ama’n ahri, “Rōngpu, kachunga kadiktak a namalung atlai inchu, a’nṭhōipui roh tia kangek che kae. Hiva mipuihei hi anracham kase, kha’num kanṭhat makna leh kansetna arangei mandam roh, namipui khet a alo ung roh.”

ṬONGCHÎK-HEI 16:4

Rōngpu tasyem neinâk rakip a’nchaina ka-om et, khana mikaṭhamak-hei radinna chu insuksetna kha kae.

ISAIAH 19:25

Chunghnung Rōngpu’n vâng apek sik heia kha ahri sik, “Ke’n vâng kapek sik chei, Egypt, kamihei; nang Assyria, kami syem hei; khana nang Israel, kakadeisōt kamihei.”

ISAIAH 45:7

Ke’n vâr leh inthim hi kasyem kae; ke’n mahâmṭhatna leh mahâmsetna kahei rôn kae. Hihei rakip hi, Rōngpu ke’n katlosōt kae.

ISAIAH 47:4

A’ntheng Israel Pathen khan eini amasō jo me ama rahming kha Chunghnung Rōngpu kae.

ISAIAH 47:6

Kei kamihei chunga kahnuk leikana; kami mak hei kapōa kaleirazen hei: ke’n nang hratna thōia kaleida hei, khana anhnenga lungsetna leimalâr mak che; katerhei kapha êngset a narazen hei.

ISAIAH 51:15

“Kei nan-Rōngpu Pathen eng kae; Ke’n tui-ôngpui kakachok atui in-nông kha rasa kamantlira kae. Karahming kha Chunghnung Rōngpu kae!

ISAIAH 54:5

Nakasyempa kha nang sik a napuise kapō kachang sik jo, Chunghnung Rōngpu kha ama rahming kae. A’ntheng Israel Pathen khan nang ahuk sik che, ama kha raleichung pumpui vaikarôn kha kae.

JEREMIAH 10:12

Rōngpu’n aratha neina vânga ralei hi asyem, asingna vânga vânhnōi ralei hi asyem, khana marvânhei azersōt heia kae.

JEREMIAH 10:6

Rōngpu, nang kapō inkhatbek om mak; nang chu kahrat che, khana narahming kha kalen khana ratha kaneitak kae.

JEREMIAH 31:35

Rōngpu’n sûna vâr sik a kani kha asyem thla leh ârsihei kha jân a akavâr sik heia asyem. Ama’n tui-ôngpui akachok a aman-ông; ama rahming kha Chunghnung Rōngpu kae.

JEREMIAH 32:18

Nang in lishing lishing hei hneng nalungsetna kha namalâr, tâk nang in mihei kha annu anpahei set jâra karâkna’m napek hei. Nang akalen leh akahrat Pathen che kae; nang Chunghnung Rōngpu che kae.

JEREMIAH 33:2

Ralei kasyem, ahme leh achâng kasyem khana ahmun a akada Rōngpu’n kahnenga ahri. Arahming Rōngpu intipa khan ahri,

JEREMIAH 46:18

Chunghnung Rōngpu kei, reng eng kae. Kei akahring Pathen eng kae. Tabor Tlâng in tlânghei chunga akhupsi hei kapōa Carmel Tlâng in tuipui chunga inshângtak a angir kapōa, nangni nankabuhlu mipa ratha hratna kha khanga kachang sik.

JEREMIAH 50:34

Tâk-kha anmani kahuk sik inkhat kha aratha kangar, ama rahming kha Chunghnung Rōngpu kae. Amatak in an-inrengna kha ajōngsōt sik khana raleichunga chamna ajōng rôn manhlut sik, tâk Babylon mihei sik a chu khōdeng theina ahei rôn sik.”

JEREMIAH 51:19

Jacob Pathen khachu, anmani kapō changmak; ama chu heirakip kasyempa kae, khana Israelhei hi ama mikhet sik a akadei jo hei kae. Chunghnung Rōngpu kha arahming kae.

ṬAJAISUINA 3:24

Kei tanei khachu Rōngpu rōk kae, khana ka’nhōrna kha achunga kada.

AMOS 4:13

Pathen chu tlânghei kasyem kha kae khana thli kahrânghei hi’m asyem. Amandonna kha mihringhei hneng amanthei; ama’n sûn kha jân amanchanga kae. Ralei inshâng chunga ama kha kalônna kae. Chunghnung Rōngpu Pathen hi, ama rahming kae.

ZECHARIAH 2:12

Judah hi vōi khat nôk aram intheng shunga Rōngpu karōipui lakachang sik, khana Jerusalem hi alungsetpen khōpui kachang sik.

DÂNRABU INHNINA 32:9

Tâk Jacob sōnhei chu ami sik a akadeisōt jo hei.