JEREMIAH 1:7 - LEKHARABU INTHENG (BSI)

⁷ Tâk-kha Rōngpu’n kahnenga ati, “Naipangtek lakachang eng timak roh, ke’n katirna che mihei hnenga vase roh, navahri sik a kaṭong pek hei seng che kha vahri pek hei roh.

JEREMIAH 1:7 ပူးပေါင်းရင်းမြစ်များ

RENGHEI INKHATNA 22:14

Tâk-kha Micaiah’n amasôn, “Akahring Rōngpu kapan a intep eng ama tahri rōk kha ke’n kahrisōt sik!”

RENGHEI INKHATNA 3:7

O Rōngpu Pathen, kei hi naipang lakachang hêr enga heikhonga vai rôn sik mo tia’m lamanhret mak hi eng, a-e’num kapa David kathlenga reng naman chang jo eng.

THUHMINGHEI INHNINA 18:13

Tâk-kha Micaiah khan amasôn, “Akahring Rōngpu rahminga ka-Pathen mantheina seng rōk kha ke’n kahri sik!”

SŌKSŌT 6:29

ama’n, “Kei Rōngpu eng kae. Ke’n kahri pek che rakip kha, rengpa hneng vahri pek roh,” ati.

JEREMIAH 26:2

Rōngpu’n kahnenga ahri, “Bek-inn sumpuk a ngir roh, khana Judah khōpui heia inphut khava hmun a kamukna sik a akahong mi rakip hei hnenga nahri sik a ṭong kapek che rakip hei kha phôngsōt pek hei roh.

JEREMIAH 43:1

Rōngpu an-Pathen in mipuihei hnenga hri sik a atirna eng rakip seng kha ke’n kahri pek sō jo hei.

JEREMIAH 7:27

“Jeremiah, khava jâra nang in kamihei hneng hiva ṭongseng hi nahri sik kae, kha’num anmani’n rangei mak hei ning; nabek sik hei, tâk amasôn mak hei ning.

EZEKIEL 2:7

Nang hneng hri sik a kamanthei che rakip kha, anrangei inum anrangei mak inum, akhenga namanthei sik hei kae. Anmani heituk a rahe kasehei mo mandon roh.

EZEKIEL 3:27

Khava sōa, ke’n nahnenga ṭong kajōng hri nôk pha, ṭong theina ratha kapek che pha, Chunghnung Rōngpu kei tahri seng kha anhnenga namanthei sik jo hei. Anmani ṭhahrep in anrangei sik, tâk ṭhahrep in adonmak hei ning. ajârchu anmani rahe kase jât-hei kae.”

AMOS 7:15

Tâk-kha Rōngpu’n kakemōng khemna inphut aṭhōisōt enga ami Israelhei hneng ṭong kasânsōt a akahong sik a ṭong apek eng kae.

JONAH 3:2

Ama’n ati, “Nineveh khōpuia se roh, ke’n kapek che ṭong kha vaphông roh.”

MIJAHEI 22:20

Khava jân a Pathen kha Balaam hneng kahonga ahri, “Hiva mihei hin nang inṭhōipui sik chea anti’nchu, sena sik a intluk roh, tâk kahri rōk kha tlo roh.”

MIJAHEI 22:38

Balaam in amasôn, “Kei kahong jo eng, hongmak enga mo? Pathen in ahri pek eng rōk kha ke’n kahritor.”

MATTHEW 28:20

khana kaṭong pek chei rakip hi anjuina sik manthei hei ruh. Khana pha a’nchaina katlunga ahei tik a ke’n ka’nṭhōipui ṭhak sik chei.”

ṬŌNTLOHEI 20:27

Ajârchu Pathen ṭōnmantluk rakip kha thup leh ṭhen neiloa kaphôngsōt pek jo chei.