JEREMIAH 1:16 - LEKHARABU INTHENG (BSI)

¹⁶ Kami he’n setna antlo jâra karâkna kapek sik hei kae; anmani’n kei andahlon jo eng, pathen ralak hnenga inthoi hei, lim ansyema ankamuk heia kae.

JEREMIAH 1:16 ပူးပေါင်းရင်းမြစ်များ

RENGHEI INHNINA 22:17

Anmani’n kei andahlon jo eng khana pathen ralak hneng inthoi-insân antlo jo, khana anṭōntlo rakip vânga khan kahnuk anmannat hêr jo. Kahnuknat kha Jerusalem chunga akhe hêr jo, khana daimak jo ning.

THUHMINGHEI INHNINA 15:2

khana ama’n Reng Asa hneng vakase. Ama abek a, “Reng Asa, Judah leh Benjamin mipuihei kaṭong hi rangei ruh! Nangni’n Rōngpu hneng nan-omlai seng, ama’n nangni a-ompui sik chei. Nangni’n ama nanjong inchu, amanhmu sik chei, tâk-kha nan-inhesōt inchu, ama’n adahlon sik chei.

THUHMINGHEI INHNINA 28:2

Israel renghei omchen aleijuia kae. Ama’n thir vânga Baal limsyem anei hei,

THUHMINGHEI INHNINA 34:25

Anmani’n anhlonsōt enga pathen ralak hnenga inthoina anneia kae, anṭōntlo rakip hei khan kahnuk anmannat a kae. Kahnuknat kha Jerusalem chunga inhnak a kae, khana hivahi bângmak jo ning.

THUHMINGHEI INHNINA 7:19

Tâk-kha nang leh nami he’n dân leh ke’n kapek chei ṭongpek kha nanjui hêrmak inchu khana pathen ralak nankamuk jôk inchu,

ISAIAH 2:8

Anram kha limsyem kasip, anmani kut kalalen vânga antasyem neinâk-hei kha ankamuk hei.

ISAIAH 37:19

Khana an-Pathen he’m aro manvâm sō jo. Khava Pathen um aka-emak hei kha, thing leh hlung vâng mihringhei kut a ansyem hei kae.

ISAIAH 44:15

Mi inkhat in thing inkhat kha ṭhahrep thing ti sik a khana ṭhahrep khat lim syemna sik a ahmanga kae. Khana thing ṭhahrep khat hmei atia alumna sik a-oa khana buhlom sōngna aneia kae; ṭhen khat kha milim asyema, pathen asyema akamuk a kae.

ISAIAH 65:3

Anmani’n inzak lojenna kahnuk natna sik antloṭhak a kae. Anmani rahōn inthenga khōvelhei inthoina khana maichâma marim kahōi antōk a kae,

JEREMIAH 10:15

Khahei kha hnemna kase hei kae donmak sik hei kae; anmani enmansinna sik a Rōngpu kha ajōng pha, suk manhmang sik jo hei kae.

JEREMIAH 10:3

Hiva mihei bekdân hi hmangna kase kae. Ratu shunga thingkung inkhat anphûra, thingsui kathemhei hmangchâk vânga, lim kha anhem rabek

JEREMIAH 11:12

Khava sōa Judah leh Jerusalem mihei kha inthoina antatōkna pathen ralak-hei hneng khan kase heia inthōpuina kader sik a kaṭap sik jo hei. Achang ravâng hiva inhmangna hi ajōng pha khan chu khava pathenhei khan huk tor mak hei ning.

JEREMIAH 11:17

Chunghnung Rōngpu ke’n, Israel leh Judah hi kaphun jo hei kae; tâk-kha tûnchu, khōdeng theina vânga maṭhitna kanei jo hei. Anmani’n akadik mak antlo jâra hivahi anbinga anta’nrôn sōt kae; anmani’n Baal hneng inthoina antōk jâra kahnuk antamannat kae.”

JEREMIAH 15:6

Mipui nangni’n kei adonmak jo chei; nankahnung nansungsi jo eng. Khava jâra kabân karajit a karachi rachen chei ajârchu kahnuknat ka’nkhâmna kachâm jo eng.

JEREMIAH 16:11

Khava pha Rōngpu’n hinga ahri tia manthei hei roh, ‘Nanpa-nanpu he’n kei andahlon enga, pathen ralak-hei ankamuk a anrazen hei. Kei andahlon enga, kamansena hei juimak hei.

JEREMIAH 17:13

Rōngpu, nang chu Israelhei inhōrna che kae; nang kadahlon rakip hei kha inzakna anchen sik. Anmani vaiphin chunga rahming nimazet kapōa inhmang sik hei, ajârchu tuiripût insim Rōngpu nang kha andahlon jo che.

JEREMIAH 18:15

A-e ravâng, kami he’nchu anmahngi jo eng; milimhei hnenga marim katui anro mankhut a kae. Ansena sik hlam a inpai inthlûk jo hei; hlam marō kha hromak jo hei, anmani’n kebi inhmulo hlam anhro jo.

JEREMIAH 19:4

Ke’n hivahi katlo sik kae ajârchu mipui in kei andahlon enga hiva hmun a hin pathen ralak hnenga inthoina antōk a anmanbōk jo, anmani leh anpu anpa he’n khana Judah reng he’num antamanhret phakmak pathenhei hnenga inthoi hei. Hiva hmun hi khō inhret mak hei thisen vâng anmansip phet jo,

JEREMIAH 2:13

ajârchu kami he’n setna 2 antlo jo, khachu: tui intheng tuiripût kachang kei hnenga inphut anmani inhesōt jo hei, khana tui aka-om tor mak sik tuikhur kha ancho jo.

JEREMIAH 2:17

Israel, nabinga hivahi namasō kae Ke’n hlamdunga kaṭhōi chelai, Rōngpu na-Pathen kei hi nang in nadahlon enga kae.

JEREMIAH 2:19

Nabinga naṭhat makna’n nang akarâk sik che, keia inphut nasesōtna khan nang themmô amanchen sik che. Na-Rōngpu Pathen kei namasō enga, kei hnenga taksenthei nachang makna hi heituk a akadik mak leh malung nat aka-om jo mo nahong manhret sik. Chunghnung Rōngpu, ke’n hivahi kahri jo kae.”

JEREMIAH 2:28

“Nanbing sik a nantasyem pathenhei kha khon mo aka-om jo hei? Antor inchu, nangni khōdengthei lai huk chei rasoh! Judah, nang in khōpui nanei chenna pathen um naneiheia kae.

JEREMIAH 4:12

Rōngpu ṭongpek a akahong thli khan chu khava kanek a inhnakchet sik a kae! Amihei chunga ṭong tanna kaphôngsōt kha Rōngpu ama khet kha kae.

JEREMIAH 4:28

Ralei in ṭajai asui sik; chungvân um inthim sik jo. Rōngpu’n ahrisōt jo khana amandona kha thlengmak ning. Ama’n intepna anei jo, akahnung inlemak jo ning.

JEREMIAH 44:17

Keini’n tlo sik kantati kha kantlo sik. Keini’n Marvân Rengnu kan-pathennu kha inthoina kantōk sik, khana kanpu sōnhei, kanrenghei, kanhlam kakei he’n Judah khōpui heia leh Jerusalem khōpuia anta leitlo kapōa keini’n inthoina ju kansô sik. Khanga kantlo leh sâk sik hingja kannei, kahao ung, heite bōina neimak ung.

JEREMIAH 5:29

“Tâk Rōngpu ke’n, hiva rakip jâra anmani karâkna kapek sik hei; hiva jât chunga phu kahlō sik kae.

JEREMIAH 5:9

Hivahei sik jâra ke’n karâkna kapek mak sik hei mo, khana hiva kapō jât-hei chunga ke’n phu kahlō mak sik mo?”

JEREMIAH 51:17

Hiva hmun a hin, mihringhei kamo heia inhmak a ka-om hei; lim kasyem hei khan hmit vârna annei ajârchu an-pathen syem hei kha akadik mak leh hringna kaneimak hei kae.

JEREMIAH 7:17

Anmani’n Judah khōpui leh Jerusalem hlamdunga anṭōntlo heiso hmumak che mo?

JEREMIAH 7:18

Naipang he’n thing anchom mantûp, pase he’n hmei ansêm, khana nuhmei he’n Marvân Rengnu antati pathennu sik a buhlom syemna sik a jâm ankahmet a kae. Kamalung mantônna sik a, anmani’n pathen hlop hei hnenga inthoina ju ansun mathlâk a kae.

JEREMIAH 7:9

Nangni’n nanmaruk, mi nantha, kajông chei, inhâksêr cheia maleisei nanhri, Baal hneng inthoina nantōk, khana nanta leimanhret phungmak pathenhei nankamuk heia kae.

EZEKIEL 16:18

Ke’n kapek che pōnsi hei naloa limhei chunga namanvon heia kae, khana ke’n kapek che olive thai leh marim katui hei kha limhei hneng tōkna naneia kae.

EZEKIEL 24:14

Chunghnung Rōngpu ke’n kahri jo kae. Kei sik a ṭōn tlona sik pha kha kajōng jo. Nasetna kha donlo om mak ning lungset rônmak che ning khana lungkhamna neimak che ning. Naṭōntlo jâra karâkna pek sik che kae.” Chunghnung Rōngpu’n ahri jo.

HOSEA 11:2

Tâk-kha ke’n ama kabek chenna, kahnenga inphut katlânsōt chet a kae. Kami he’n Baal hneng inṭhōi hei, anmani’n limsyem hneng marim katui anro.

HOSEA 8:6

Israel kut kathem in lim kha ansyem, khavakha pathen chang hêrmak! Samaria sana sehratche limsyem antakamuk kha ahar-ahak a sukkhōi sik kae!

JOEL 2:11

Rōngpu’n aremihei rasa inhrek a ṭong pekna anei hei. Aṭong kajui remi rup-hei kha katam hei, kahrat hei. Rōngpu kani kha heituk a ṭit ka-om jo mo! Tu mo akahringtor sik?

ṬŌNTLOHEI 7:41

Khava sōa Sehratche lim inkhat ansyema, khava kamukna sik inthoina anleitōk, khana khava anbinga anta’nsyem lim kajana revei anleitloa kae.

DÂNRABU INHNINA 28:20

“Ṭhatmak nantloa Rōngpu kha nanhnōm mak inchu, inrangtak a nan-inhmangsō rengmak hma seng, nantlona rakip chunga inrimna, inhmakna, bōina ajōng rôn sik.

DÂNRABU INHNINA 31:16

Rōngpu’n Moses hneng ahri, “Nang inranga kathi sik jo che, nathisōa mipuihei hi kei hneng taksenthei changmak hei ning, anmani leh intepna kaleisyem kha anvōkkhōi sik. Kei andahlon sik eng, anvahlutna sik ram a jât-hlop hei pathen anvakamuk sik hei.

JOSHUA 24:20

ram hlop pathen razenna sik a ama nandahlon jo’nchu, nanchunga ahnget sik cheia kha akarâk sik chei. Hmalai khan nanchunga aleiṭhat hêr inum, tunchu asuk manhmang sik jo chei.”

ṬONGPHÔNG 9:20

Khana hiva hrise tathatmak hei seng kha’num, anṭōnse tlona inphut anmalung thleng dekmak hei. Anmani’n rathla ravaihei leh sana vâng, dangka vâng, sum-êng vâng, hlung vâng leh thing vânga limhei, rasa katheitor mak leh hmit kahmu tor mak, lôn um akalôntor mak hei kha, kamukna bângmak hei.