JEREMIAH 1:10 - LEKHARABU INTHENG (BSI)

¹⁰ Tuning ke’n jât rakip leh rengramhei anrajung kaphôisōt sik, kakei inthlûk sik, akasuk inhmang sik, akahlonsōt sik, akaphunsōt sik leh akasyemsōt sik a ratha kha nang kapek jo che kae.”

JEREMIAH 1:10 ပူးပေါင်းရင်းမြစ်များ

RENGHEI INKHATNA 17:1

Gilead a Tishbea inphut sânkathem arahming Elijah inti khan Reng Ahab hneng ati, “Ke’n karazen, Israelhei akahring Pathen Rōngpu rahminga, ke’n kamanthei che kae, abâna kum 2 leh 3 hi radaitui leh khō sûrmak ning, ke’n sûr roh katimak hma seng.”

RENGHEI INKHATNA 19:17

Hazael mithatna inphut akatlânsōt hei kha Jehu’n athat sik hei, khana Jehu hnenga inphut akatlânsōt hei kha Elisha’n athat sik hei.

MI INTHEIPA 3:3

thasōtna leh mandamna pha ka-om, ṭhetna leh sak pha ka-om.

JEREMIAH 1:5

“Hringkhō kapek mak hma che khan ke’n kakadei jo che kae, khana na-intet mak hma khan jât rakip sik a sânkathem inkhat a kakadei jo che kae.”

JEREMIAH 24:6

Ke’n anmani kha ka-ensui sik hei, khana hiva ram a kaheiṭhōi male nôk sik hei. Ke’n anmani kasyemsōt sik hei, sukset mak hei ning, kaling sik hei, khana phôisōt mak hei ning.

JEREMIAH 25:13

Jeremiah hnenga kalei hrisōt pha, jât-hei chunga masō sik a maṭhitna kalei tlona hei, hiva lekha shunga a’nzet inrengna rakip vânga Babylon kha karâkna kapek sik kae.

JEREMIAH 31:28

Ke’n arajung phoisōtna, keimathlûkna, hlon maletna, suk manhmangna leh ṭhetsōtna chunga ka-ensui kapōa, anmani lingna leh syemsōtna kha’m ka-ensui sik hei kae.

JEREMIAH 31:40

Ashunga phaicham, kathi hrena leh akachok hlonna, khana Kidron Kavadung chunga hleipuk seng, nisōtinga Shakor Kekot katlung hi kei sik a hmun intheng akachang sik kae. Khōpui kha ave nôk a sukkhōi leh suk manhmang chang hêrmak jo ning.”

JEREMIAH 36:2

“Lekha inze inkhat lo roh, khana ke’n Judah leh Israel khana jât-hei chungchânga kahri rakip mazet manhlut roh. Josiah reng achang laia inphut tûn katlung, nahnenga ṭonghri kaphut laia kamanthei seng rakip kha mazet hei roh.

JEREMIAH 44:27

Nangni nankhang makna sik a ke’n khava hlam kha ka-en sik, khana kasuk manhmang sik chei. Nangni nankhenga kathi sik chei, rea achangmak leh hrisea, tûte kahringa a-om mak jo kârseng, kathisōreng sik chei.

JEREMIAH 45:4

“Tâk-kha Rōngpu ke’n kasaksōt inn kha kaṭhōt mathlâk, khana kaling mankek hei kha kaphôisōt hei. Hivahi raleichung pumpuia katlo sik kae.

EZEKIEL 21:19

Ama’n ati, “Akathithei mihring, Babylon rengpa khan achemjâm leh inṭhōia ajōng theina hlam 2 kha merchîk hei roh. An-inhnibât a ram in-ang tinga inphut ahe’nphut sik hei kae. Hlam inbâkna khan ṭong mantheina târ roh.

EZEKIEL 23:36

Rōngpu’n kahnenga ṭong ahri, “Akathithei mihring, Ohola leh Oholiba chunga ṭong tanna sik a’ntluk che mo? Anmani’n mater ka-om omchen antlo jâra dem hei roh.

EZEKIEL 32:18

Ama’n ati, “Akathithei mihring, Egypt a mi rakip sik a ṭajai sui roh. Ratha kanei jât-hei leh inṭhōia kathirama tir jo hei roh.

EZEKIEL 36:36

Khava sōa khō inhnaipui jât, akahringa alaka-om hei khan Rōngpu’n asukset jo khōpuihei kha asyemther hei khana akarōk a aka-om hleipuk-hei kha aling manther hei tia anmanhret sik. Chunghnung Rōngpu ke’n hiva tlo sik a intep jo eng, katlo sik kae.”

EZEKIEL 43:3

Hiva hmangtalâr hi Pathen in Jerusalem asuk manhmang tinga Chebar tuipanga kaleihmu kha leh in-ang hei. Khava sōa raleichunga kahmai kamakhup a inlet eng.

HOSEA 6:5

Khava jâra nanhnenga kasân kathemhei kha ṭong tanna leh suksetna ṭong leh inṭhōia kahei tir hei kae. Nangnia inphut kamadu khachu akabeitek leh a’nthengseng kha kae:

AMOS 3:7

Chunghnung Rōngpu’n asōk sânkathemhei hneng malârna neilo heite inkhat tlohêr mak a kae.

AMOS 9:11

Rōngpu’n ahri, “David rengram inn inset kapōa akatlu kha syem manṭhatna sik kani lakahong sik. Abanghei kasyem manther sik khana kamatung manther sik. Kasyem nôk sik, hmalaia kapōa kasyem nôk sik.

ZECHARIAH 1:6

Kasōk sânkathem heia inphut, nanpu sōnhei hneng ṭongpek leh gîkna kapek jo hei, tâk heitea lomak hei khava kara inrengna kha anthōk joa kae. Khava sōa anmalung anthlenga Chunghnung Rōngpu kei in anmani chenhlam kasōk karâkna kapek hei kae khana tlo sik a ka’ntlukna kha katlo kae ti hi anhong manhret jo.’”