JAMES 5:20 - LEKHARABU INTHENG (BSI)

²⁰ hivahi mandon ruh: ama’n hlamlea kase mi inkhat aheiṭhōi malea achang inchu khava set katlopa rathla kha thina inphut ahuk sik kae, khana setna katamtak rangei mandamna ajōng rôn sik kae.

JAMES 5:20 ပူးပေါင်းရင်းမြစ်များ

HLAHEI 32:1

Ansetna rangei mandam jo hei leh anṭhena makhu pek jo hei kha mivâng kaṭhahei kae.

ṬONGCHÎK-HEI 10:12

Inhōt inter hin bōina amasō, tâk lungset in ṭhena rakip arangei mandam.

ṬONGCHÎK-HEI 10:2

Malung intheng loa nahmu karōi khan nang sik a akaṭha tlosōt mak ning, tâk malung intheng in nahringkhō ahuk tor.

ṬONGCHÎK-HEI 11:30

Akadik in hringna apek, tâk innâk-inse khan hringna kha alosōt.

ṬONGCHÎK-HEI 11:4

Thina kani ahong tlung ning khan nei leh hao khan nang sik heite tlotor pek mak che ning, tâk malung intheng inchu nahringkhō ahuk tor.

ṬONGCHÎK-HEI 17:9

Mihe’n arangei hei rasoh nati’nchu nahnenga anṭhe pha rangei mandam hei roh. Ṭhenahei hin ṭhōn leh re asukkhōi ti hi mahngi mak roh.

JOHN 5:24

“Akadiktak kahri pek chei kae; tu achang inum kaṭong hri katheia anijōng katirpa kataksen mi khan kumsôt hringna anei jo. Anmani ṭong intanmak jo ning, tâk thina anrakansōt a hringna antaneisa jo kae.

ROMANHEI 11:14

Ka-jât-hei ṭhahrepbek kahuk manhring theina sik, khana kajât-hei thangsetna heikhat katlo theina sik a kae.

CORINTHIANHEI INKHATNA 1:21

Mihringhei binga singna vâng Pathen manhretna nei sik kha Pathen singna khan man-e theimak. Khava kanek a, eini “mikamo” inti hei ṭong hrilea inphut akataksenhei hukmanhringna sik Pathen in amantluk kae.

CORINTHIANHEI INKHATNA 9:22

Taksenna akatlasam hei kha lomanhlut theina sik, akatlasam inkhat kapōa ka-om eng. Khava jâra anmani kâra mi ṭhahrepbek kahuk manhring theina sik, mi rakip hneng heirakip kachang enga kae.

TIMOTHY INKHATNA 4:16

Nabinga in-en kaṭha roh khana nami mantheina kha ensui kaṭha roh. Hivahi intlo ṭhak roh, ajârchu nang in hinga natlo ṭhak inchu nang leh inṭhōia naṭong katheihei nahuk sik hei kae.

PHILEMON 1:19

Hiva sik a hin, ke’n kakutkhet a hivahi kamazet sik: Paul, ke’n kapek male sik che. (Amirōkchu, nang in nataksa khet kha kei hneng nabat eng kae ti hi chu, mandonsōtna mannei mak che rong.)

JAMES 1:15

Khana anmani ṭhatmak madu rangeina kha hong injōra setna amatet, khana setna khan pui ahongtluk pha, thina amatet a kae.

JAMES 1:21

Khava jâra a’nthengmak leh akadik mak omchen rakip a inphut tlânsōt ruh. Pathen hneng hlut ruh, khana nankahuk inhringtor sik ṭong nanmalung shunga aling jo kha rahlâng ruh.

JAMES 5:15

Hiva taksentak a derna hin mikana kha amandam sik, Rōngpu khan antaksa amandam male nôk sik hei, khana aset tlona arangei mandam pek sik hei.

JAMES 5:19

Kasōpuihei, nankâra mi inkhat akadik a inphut hlam a’nvai jo kha, mihlop inkhat in aheiṭhōi male nôk inchu,

PETER INKHATNA 4:8

Heirakip chunga nangni khat leh khat lungri tak a inlungset ruh, ajârchu lungset in setna katamtak akahuksia kae.

ṬONGPHÔNG 20:6

Hiva akathi hma inkeia hringsōtna kachen hei kha mikahōihei leh mahâm kaṭha hêr hei kha kae. Vōihni tlukna thina khan anchunga ratha heite neimak jo; anmani Christa leh Pathen thempu kachang sik jo hei, khan chu kum 1,000 ama leh inṭhōia vai antarônsap sik kae.