JAMES 5:16 - LEKHARABU INTHENG (BSI)

¹⁶ Khava jâra nangni inkhat leh inkhat nansetnahei inhri sōttō una, nandam theina sik inderpek ruh. Mikadik derna khan ratha kaneitak a ṭōn atlo.

JAMES 5:16 ပူးပေါင်းရင်းမြစ်များ

A’NPHUTNA 19:29

Tâk-kha Pathen in Lot omna phaichama khōpuihei kha aleisuk manhmang pha Abraham kha amalunga aleimandon khana Lot kha insukset makna hmun a aleimansesōt a kae.

A’NPHUTNA 20:17

Abraham nuhmei Sarah chunga omchen kha aleisōk jâra khan Rōngpu’n Abimelech reng-innpuia ka-om nuhmei rakip in sa anneithei makna sik atlopek jo hei. Khava jâra Abraham in Abimelech sik a aleider pek a Pathen in amandam jo. Ama’n anuhmei leh asōk nuhmei he’m nai anhōrna sik aleimandam heia kae.

A’NPHUTNA 20:7

Tâk-kha tûnchu nuhmeinu kha apuise hneng pek male nôk jo roh. Ama kha sânkathem kae. Nathi makna sik a ama’n Pathen hneng aderpek sik che. Nang in napek male mak inchu, nang akathi sik che kae, nang leh namihei nankhenga.”

A’NPHUTNA 32:28

Pase khan, “Narahming Jacob inti mak jo ning. Israel inti sik jo, ajârchu nang in mihring leh Pathen na’nrepui jo hei, khana nang in nator jo hei; khava jâra narahming hi Israel a’nti sik jo kae,” ati.

SAMUEL INHNINA 19:19

khana ati, “Reng Kalûr, nang in Jerusalem nadahlon ninga katloṭhena kha amahngi pek jo roh. Khahei kha kei kadōia amatutlit pek mak roh khana amandon pek nôk mak jo roh.

RENGHEI INKHATNA 13:6

Reng Jeroboam in sânkathem hneng ati, “Kakut hi adam nôkna sik Rōngpu na-Pathen hnenga aderpek roh!” Sânkathem khan Rōngpu hneng ader a, rengpa kut kha kadam jo.

THUHMINGHEI INHNINA 30:20

Hezekiah derna kha Rōngpu’n amasôn pek; mipuihei kha arangei mandam hei khana suk manset mak hei.

JOB LEKHARABU 42:8

Tûn nangni’n sehratche 7 leh kemōngche 7 Job hneng heikei ruh, nanbing sik a inthoina vatōk ruh. Job in nangni sik a aderpek sik chei, ke’n ama derna kha kamasôn sik, khana nanrahōi kasōk inzakna kha pek mak chei ning. Kei chungchânga ama’n ṭongdik ahri kapōa, nangni hrimak cheia kae.”

HLAHEI 34:15

Rōngpu’n mikadik-hei kha ahngâk hei, khana anṭap rasa athei pek hei.

SŌKSŌT 17:11

Moses’n akut 2 akalâng lai seng Israelhei kha kahrat hei, tâk akut kalâng kha ajōng mathlâk pha Amalek-hei kha leikahrat inphut ri hei.

SŌKSŌT 9:33

Moses’n rengpa kha adahlon jo, khōpuia inphut kasesōt jo, chungting akut akalânga Rōngpu hneng derna anei. Khō inri, kahre katla leh khō kasûr kabâng jo hei.

ṬONGCHÎK-HEI 15:29

Mikaṭha he’n derna annei pha Rōngpu’n arangei pek hei, tâk mikaṭhamak-hei derna chu donpek mak hei.

ṬONGCHÎK-HEI 15:8

Mikaṭha he’n derna annei pha Rōngpu malung katlai, tâk mikaṭhamak he’n ahnenga anta heichoi inthoinahei kha amater.

ṬONGCHÎK-HEI 28:9

Dân najui mak inchu, naderna kha Pathen in mater ka-om tak a athei sik.

JEREMIAH 15:1

Khana Rōngpu’n kahnenga ahri, “Moses leh Samuel hei kapha’num hin anngira kahnenga anmani sik anngek inum, ke’n hiva mihei chunga lungsetna inkhatbek manhmu mak jo hei ning. Manse jo hei roh, kahmit hmua inphut mansesōt jo hei roh.

JEREMIAH 33:3

“Kei eibe roh, ke’n kamasôn sik che; namanhret hêrmak a’nlak tatak kahri pek sik che.

JEREMIAH 42:2

kahnenga anti, “Lungset a keini tader che hi tlo roh! Keini sik a Rōngpu, ni-Pathen hneng derna nei roh. Akahring seng keini sik a der roh. Pha khat a eini hi leikatam me; nang in nahmu kapōa, tûnchu akatlômtek andahlon jo me.

MIJAHEI 11:2

Mihei kha inthōpui kangek a Moses hneng kapeng jo hei; ama’n Rōngpu hneng derna aneia, hmei kha kathi jo,

MATTHEW 21:22

Nantaksen inchu, nantader rakip kha nantahmu sik kae,” ati.

MATTHEW 3:6

Ansetnahei anhrisōt a Jordana ama’n tui manhlutna atlo hei.

MARK 1:5

Judea ramṭhen leh Jerusalem khōpuia mi katamtak he’n John ṭong inngei sik a leikasōk hei. Ansetnahei anleiphôngsōt, khana Jordan Tuidunga tui amanhlut heia kae.

LUKE 9:6

Khava pha sonlehei khan andahlona khō rakip a kalôn heia, hmun rakip a Ṭong Kaṭha anvahria akana mihei anmandam jo hei.

JOHN 9:31

Pathen in mikaset-hei tader theipek mak; tâk ama kajana kapek hei leh amadu hlam katlo mihei derna athei pek hei ti eini’n nimanhret.

ṬŌNTLOHEI 10:38

Nangni’n Nazareth Jesu chungchâng khana heikhong mo achunga Pathen in Rathla Intheng leh ratha neina aheibun mathlâk pek ti hi’m nanmanhret jo. Hmun rakip a ama kasea ṭōn kaṭha aleitlo khana Seitan ratha neina thōia ka-om rakip aleimandam hei, ajârchu ama kha Pathen in aleiompui.

ṬŌNTLOHEI 19:18

Takkasen katamtak kahong heia, inphôngtak a anṭōn leitlo hei anphôngsōt joa kae.

ṬŌNTLOHEI 8:24

Simon in Peter leh John hneng, “Hiva nanta hri rakip hei hi kachunga inkhatbek atlung makna sik, lungsettak a Rōngpu hneng aderpek ruh,” aleiti.

ROMANHEI 3:10

Ṭong intheng in ahri kapōa: “Mikadik inkhatbek om mak,

ROMANHEI 5:19

Mi inkhat ṭong juimak jâra mi katamtak mikaset amanchang hei kapōa, mi inkhat ṭongjui jâra mi katamtak Pathen leh amandiksap sik hei kae.

COLOSSIANHEI 1:9

Khava jâra keini’n nangni ṭong kanthei lim a inphut derna kanneipek ṭhak chei. Arathla tapek chei manhret theina leh singna rakip leh inṭhōia alungdo manhretna kha amansipna sik chei keini’n Pathen hneng kanderpek ṭhak cheia kae.

THESSALONIANHEI INKHATNA 5:17

pha rakip a derṭhak ruh,

THESSALONIANHEI INKHATNA 5:23

Keini hneng mōngna anikapek Pathen khan ahlam rakip a mantheng chei rasoh. Khana nantaksa pumpui, malung, rathla khana taksa, ni-Rōngpu Jesu Christa ajōng pha nōrna kase manchang chei rasoh.

THESSALONIANHEI INKHATNA 5:25

Sōpuihei, keini sik um aderpek ruh.

HEBREWHEI 11:4

Taksen jâra Abel in Cain kanek a akaṭhachet inthoina Pathen hneng atōk a kae. Mikadik a inteina sik Pathen manṭhatna achen kha ataksen jâra kae, ajârchu Pathen khet in akutchoi kha ahnōm pek a kae. Abel athi jo’num, tûn katlung ṭong alahri hi ataksenna vânga kae.

HEBREWHEI 11:7

Taksen jâra Noah’n aleihmu phâkmak hnunga omchen sik a Pathen gîkna aleitheia kae. Khana ama’n aṭong ajuia rakōng inkhat asuia khava shunga ama leh a-innshung le’nhuk hei. Khava jâra, vânhnōi hi themmô manchen jo kae, khana taksen jâra mandikna kha Pathena inphut Noah’n aleichen jo.

HEBREWHEI 12:13

Khana nanke kangōi kha azeng makna sik leh adamna sik hlam intluna khan seṭhak ruh.

HEBREWHEI 13:18

Keini sik aderpek ṭhak ruh. Keini’n a’nthengseng mandon ṭhen theina kha kannei ti kanmanhret, ajârchu pha rakip a keini’n ṭōn kadik kantlohnōm ṭhak a kae.

JOSHUA 10:12

Rōngpu’n Israelhei kha Amorhei chunga retorna apek ning khan, Joshua’n Rōngpu hneng ṭong aleihri. Israel senghei hmaikunga ati, “Kani, Gibeon chunga ngir ṭhak roh; Thla, Aijalon Phaicham chunga inṭâng roh.”

PETER INKHATNA 2:24

Eini hi setna shunga nithi theina sik khana akadik a nihring theina sik Christa amatak in nisetnahei kha ataksa chunga thingrakea arôn pek me kae. Asungbi rôn vâng khan nangni amandam jo chei kae.

JOHN INKHATNA 3:22

Eini’n aṭongpek nijuia, amalung tlaina kha nitlo achang jâra nider rakip ahnenga inphut nichena kae.

SAMUEL INKHATNA 1:12

Hannah’n pha kasôttak Rōngpu hneng ader manjōm, khana Eli’n amanu ahner makhap kha a-ena kae.

SAMUEL INKHATNA 12:17

Hivahi khōchar pha kae, changmak mo? Tâk ke’n derna kanei sik, Rōngpu’n khō inphe leh khō ajōng mansur sik. Hivahi asōk pha, nangni’n reng inkhat nantader kha Rōngpu dōina setna kalentak nantlo jo tia nanhong manhret sik.”

SAMUEL INKHATNA 12:18

Khava jâra Samuel in derna anei jo, khava ning bât khan Rōngpu’n khō inphe leh khō ajōng mansur jo. Khava sōa chu mi rakip in Rōngpu leh Samuel kha anṭit jo hei,