JAMES 5:11 - LEKHARABU INTHENG (BSI)

¹¹ Anmani’n andehrat jâra mikahōi niti hei. Job dehratna kha nangni’n nanthei jo, khana achaina Job sik heimo Rōngpu’n apek kha’m nanmanhret. Ajârchu Rōngpu kha maritna leh lum lona akasip kae.

JAMES 5:11 ပူးပေါင်းရင်းမြစ်များ

THUHMINGHEI INKHATNA 21:13

David in Gad hneng amasôn, “Kei hi akhôkna phatak a ka-om jo eng! Tâk-kha mihring karâkna khachu madu mak eng. Rōngpu khet kha karâkna anikape chang rasoh, ajârchu ama chu maritna kasip a kae.”

THUHMINGHEI INHNINA 30:9

Nangni’n Rōngpu hneng nanhong inle’nchu, khava nan-u leh nannaihei kha rehringa ankaṭhōi hei khan lungset anrôn heia innting anheitir male sik hei. Nan-Pathen Rōngpu kha lungset marit kathem kae, ahnenga nan-in le’nchu ama’n arahlâng sik chei.”

NEHEMIAH 9:17

Anmani’n naṭong juihnōm mak hei; naṭōn leitlo rakip anmahngi jo; ṭōn-inlak naleitlo hei kha anmahngi jo. Anmani inlensak pum a anhlam kakei inkhat ankadei Egypt a sōk changna ankaṭhōi inle sik a. Tâk-kha nang chu rangei indam Pathen che kae; nang chu marit leh lungset kathem che, hnuknat beimak che. Nang lungsetna hi kalen; nang in hlonsōt mak hei che.

NEHEMIAH 9:31

Kha’num, nang lungsetna alen jâra, anmani hlonsōt mak hei che khana manhmang mak hei che. Nang hi lungset leh maritna kasip Pathen che kae!

JOB LEKHARABU 1:1

Ram a Pathen inmuk leh ahnenga taksenthei kachang, pase arahming Job inti inkhat leika-om. Ama kha mikaṭha kae, akaṭhamak tlomakna sik insing theitak a leika-om.

JOB LEKHARABU 1:2

Ama’n sapa 7 leh sanu 3 anei hei,

JOB LEKHARABU 2:10

Job in amasôn, “Nang in akae makjen nahri! Pathen in akaṭha hei kha apek me pha, inpâk a nirahlâng. Ama’n inrengna ahei tir pha, heisik a mo a’nphin sik me?” Job in inrengna heijalai aleide inum Pathen dōina ṭong heite leihri mak.

JOB LEKHARABU 23:10

Achang inum Pathen in kei kethon rakip amanhret; ama’n a-enmansin eng inchu, inthenga ka-omje hi amanhret sik.

HLAHEI 103:13

Apa’n asa alungset kapōhrep a, ama kaṭit hei kha Rōngpu’n alungset hei.

HLAHEI 103:8

Rōngpu chu marit leh lungset kae, hnuk kanabei mak leh lungset inthlengmak pui katluk kae.

HLAHEI 116:5

Rōngpu kha maritna kasip khana kaṭha; ni-Pathen chu lungset kathem kae.

HLAHEI 119:132

Nang inlungset rakip hei chunga natlo kapōa kahnenga hong inle nôk ina eilungset roh.

HLAHEI 145:8

Rōngpu hi lungset leh marit kae, Ahnuk nabeimak khana alungset injôn kha kasiptak a kae.

HLAHEI 37:37

Mikaṭhahei kha manhret hei ruh; mikadik-hei kha chîk hei ruh; nun-innem he’n sōn leh pâr annei hei,

HLAHEI 51:1

Nalungset inthlengmak vâng khan marit a arôn roh, Eh Pathen. Namaritna kalen vâng khan kasetna ahni manthengpek roh!

HLAHEI 78:38

Achang ravâng Pathen inchu amihei alungset hêr hei. Ansetna arangei mandam hei, suk manhmang mak hei. Pha katamtak ahnuknat kha akei male, ahnuk inthak kha aleikhâm.

HLAHEI 86:15

Tâk-kha nang chu O Rōngpu, maritna leh lungsetna kasip Pathen che, ahei tik a akadehrat, mi kabômthei leh taksenthei che kha kae.

HLAHEI 86:5

Keini sik a kaṭha che khana narangei mandam ung, nahnenga akader rakip sik a lungsetna kasiptak che.

HLAHEI 94:12

Rōngpu, nang in namanse hei, nadân namanthei mihei kha heituk a akahōi hei mo?

SŌKSŌT 34:6

Rōngpu kha ahmai kunga kasesōt a ahei hrisōt, “Rōngpu kei hi lungset leh maritna kasip, hnuk kanaloi mak khana lungset kalen leh taksenthei kachang eng kha kae.

MI INTHEIPA 7:8

Neinâk hi aphutna kanek a achaina kaṭha jôk. Inlensak kanek a dehrat kaṭha jôk.

ISAIAH 63:7

Ke’n Rōngpu lungsetna akatlasam mak kha kahri sik; Ama’n eini sik a atlopek me rakip jâra kamanpâk. Ama’n Israel mihei kha katluk set a mahâmṭhat apek jo hei ama maritna leh a’nthleng mak lungsetna jâra khan.

ISAIAH 63:9

ankhōdeng theina rakip a inphut. Khavakha marvân ngeva inkhat changmak, tâk ankahuksōt Rōngpu ama khet kha kae. Ama lungsetna leh lungkhamna khan ahuksōt hei kae. Ama’n hmalaia inphut aleitinta ṭhak heia kae,

ṬAJAISUINA 3:22

Rōngpu akatlasam mak lungset maritna kha tûn katlung injônṭhak,

DANIEL 9:9

Keini’n nang kadōia kanleitlo ravâng nang chu maritna leh ngeidamna kapekthei che kae.

JOEL 2:13

Nanmalung akakōi khan nanchâmna kha malâr rasoh; nanpōn keihler rōk in latluk mak.” Rōngpu nan-Pathen hneng hong inle ruh. Ama chu lungset leh maritna kasip kae; dehratna anei khana aṭongtep anit; pha rakip a rangei mandamna sik a intluk khana karâkna pek mak a kae.

JONAH 4:2

Khava jâra derna anei, “Rōngpu, ke’n inn kadahlona kasemak hma khan hinga natlo sik tia kalei hrisa changmak mo? Khava sik a Spain ram a tlânsōtna sik torchena kaleitlo kae! Ke’n nang hi mi inlungset thei, mi marit kathem Pathen che khana ahei tik a namalung nathlenga karâkna pek mak hei che tia kamanhret che.

MICAH 7:18

O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

MIJAHEI 14:18

‘Rōngpu kei hi kahnuk nabeimak, lungset kalen leh taksenthei changna khana setna leh dōina hei rangei mandamna kamalâr. Kha’num, annu anpahei setna jâra antu-ansa khang thum, khang manlihei chunga karâk loa om mak ning.’

MATTHEW 10:22

Kei jâra mi rakip in an-en kada sik chei. Tâk achaina katlunga akahnet kha huksōt kachang sik.

LUKE 1:50

khang inkhat a inphut khang inkhat katlunga, ama kajana kanei rakip hneng alungsetna amalâra kae.

LUKE 11:10

Ajârchu akader rakip khan anrahlâng sik, akajong hei khan anhmu sik, kot inki mi rakip sik a mahlang pek sik kae.

LUKE 6:36

Nanpa lungset kathem achang kapōa nangni lungset them ruh.

ROMANHEI 2:4

Achangmak leh alungsetna akalen, amandona leh ade hratna hi heitea nasakmak leikachang thei. Pathen hi lungset kathem kae ti hi nang in inchêna namanhret ajârchu ama’n namalung thlengtheina sik a hlam akeitheina sik che ajonga kae.

EPHESIANHEI 1:6

Pathen in kalûra amarit me jâra Asapa marittak a inphut kutchoi apek jo me jâra Pathen kha manpâk rih!

EPHESIANHEI 2:4

Tâk-kha Pathen maritna me leh alungsetna me hingtuk hrep kalen,

HEBREWHEI 10:39

Eini chu hnung inlea a’nhmanghei kha changmak me. Khava kanek a taksenna nineia huksōt jo me kha kae.

HEBREWHEI 3:14

Ajârchu a’nphutbia inphut eini inngamna kha nimatutlit inchu, eini nikhenga Christa leh chen kaneisap me kha kae.

HEBREWHEI 3:6

Tâk-kha Christa kha Pathen innshung karôn sik a taksen ka-om tak Sapa inkhat kae. Eini’n niratha hrokna leh ni’nngamna kha atorna katlung nimatu manhnet tlit inchu, eini a-innshung me kha kae.

JAMES 1:12

Enmansinna shunga taksenthei kachang ṭhak kha mikahōihei kae, ajârchu enmansinna kha anrakan tor inchu, Pathen in alungset hei hneng pek sik a aṭong tepsa hringna lenlukhu kha tloman antarahlâng sik kae.

JAMES 1:2

Kasōpuihei, mathlemna rakip nanchunga ahong tlung pha leh kanmahâm kaṭha tia mandon ruh,

PETER INKHATNA 1:13

Khava jâra ṭōn katlo sik a nanmalunga intluk ruh. Insing thei ruh khana Jesu Christa ajo’nlâr pha pek sik chei mahâmṭhatna chunga inhōrna pui katluk a nei ruh.

PETER INKHATNA 3:14

Tâk-kha nangni’n akadik ṭōn nantlo jâra khōdeng nantathei achang inchu, heituk mikahōi chei mo! Tûte ṭitmak hei ruh, nanmalung um manrim mak ruh.

PETER INHNINA 2:9

Khava jâra Pathena ka-om mihei kha mathlemna inphut Rōngpu’n anhûksōtje amanhret khana mikaṭhamak-hei kha’m Ṭongtan Ning ankarâkje amanhret,