JAMES 5:10 - LEKHARABU INTHENG (BSI)

¹⁰ Sōpuihei, Rōngpu rahminga ṭongkahri sânkathemhei kha mandon hei ruh. Anmani kha dehrat leh thōk-hratna tekâk a lo hei ruh.

JAMES 5:10 ပူးပေါင်းရင်းမြစ်များ

THUHMINGHEI INHNINA 36:16

Tâk-kha anmani’n Pathen ṭongkarônhei kha sem manlona annei heia anṭonghri donpek mak hei khana asânkathemhei kha anmanuisō pek hei, khana achaina amihei chunga Rōngpu hnuk natna kha inhnak hêr joa inkhatbek tlânsōt tor mak jo hei.

ISAIAH 39:8

Reng Hezekiah khan a’nhri ṭong kha ama khang shunga chu lung mōngna leh chamna ka-om sik tina ting alo joa kae, khava jâra amasôna, “Nang in Rōngpu ṭong najōng rôn kha kaṭha,” ati.

JEREMIAH 2:30

Ke’n karâkna kapek che, tâk ṭhatchôm dekmak; nang mandikna sik a ṭōn amantlo hnōm mak che. Hnuk kase shabakkai kapōa, nasânkathemhei kha nathat heia kae.

JEREMIAH 23:22

Anmani’n kamandonna in-ip kha anmanhret inchu, kaṭong kha kamipuihei hneng anhrilea akaṭhamak hringkhōa an-omna kha anmanhai sik hei khana mihōnna ṭōn antlona hei kha leikabâng sik jo heia kae.

JEREMIAH 26:16

Khava sōa hlamkakeihei leh mipui he’n thempu leh sânkathemhei hneng anhri, “Hiva mipa hin ni-Pathen Rōngpu rahminga nihnenga ṭong ahri; ama hi that sik changmak.”

LUKE 13:34

“Jerusalem, Jerusalem! Nahnenga Pathen tajōngtir tirlehei hlung vâng nadeng hlon hei, sânkathemhei nathat hei! Ârpui in atehei amathla hnōia aka-unsi hei kapōa ke’n namihei vōi heija mo kabân vâng ka-unsi sik heia kamadu, tâk amantlo mak che.

LUKE 6:23

Khang’khan antlo chei pha, inpâk a lâm ruh, ajârchu inpâkman kalentak nangni sik a marvâna dapek jo chei kae. Ajârchu anpusōn he’num khava kapōhrep a sânkathemhei kha anleitlo heia kae.

ṬŌNTLOHEI 3:21

Pathen in hmalaia sânkathemhei aleimanhri sōtsa dungjuia, heirakip syem manther achangmak kârseng ama marvân chunga aka-om nger sik kae.

ṬŌNTLOHEI 7:52

Sânkathem inkhatbek nanpi leh nanpuhei tasuk manrim mak aleika-om hei mo? Amak hma pek a Asōk kadik ajōng sik aleikaphông, Pathen ṭongkarônhei kha anleithat hei. Khana tûn nangni’n ama khet kha nanpek sōt a nanleithat a kae.

HEBREWHEI 13:7

Pathen ṭong nanhnenga nankahri pek, hlamkakei marō hei kha mandonsōt hei ruh. Anmani heikhonga aleikahring heia aleikathi hei mo ti kha mandonsōt hei una, anmani taksenna kha inchu ruh.

JAMES 4:11

Kasōpuihei, nangni inkhat leh inkhat inhri insettō mak ruh. Tu achang inum asōpui kahri inset khana ṭongkatan mi khan Dân kha ahri maset a a-ensin kae. Nangni’n Dân chunga ṭong nantatan achang inchu nangni Dân kajui kha changmak chei, tâk aka-ensin chei kae.

JAMES 5:13

Nankâra malung inrim aka-om mo? Nantader sik kae. Nankâra a’npâk aka-om mo? Choi ka-ânna hla nantasak sik kae.

JAMES 5:7

Khava jâra kasōpuihei, Rōngpu ajōngmak kârseng dehrat ruh. Hlei kathlō mipa’n ahleia mankatam sâng akasōk sik kha dehrattak a ahngâk kha enruh. Ama’n ṭhekhō leh zerkhō inchoi sik kha dehrattak a ahngâk a kae.

JAMES 5:9

Sōpuihei, Pathen in nanṭong atanmakna sik, inkhat leh inkhat ṭong inneimak ruh! Ṭong katanpa kha hong kahnai jo, ahong inlâr sik a intluk jo.