JAMES 4:8 - LEKHARABU INTHENG (BSI)

⁸ Pathen heihnai ruh, khan chu ama’n ahei hnai sik chei. Eh mikaset-hei; nankut sôp mantheng ruh! Eh a’nhri inṭhat hei, nanmalung mantheng ruh!

JAMES 4:8 ပူးပေါင်းရင်းမြစ်များ

A’NPHUTNA 18:23

Abraham in Rōngpu hneng asora aleider, “Kadiktak a nang in ṭhenakase hei leh akaṭhe hei kha nasuk manhmang sap sik jo hei mo?

THUHMINGHEI INKHATNA 28:9

Khana Solomon hneng ama’n ati, “Kasapa, napa-Pathen hneng manhretna nanei sik leh malung hlop neiloa khana intluktak a narazen sik a kamanse che kae. Ama’n eini maduna leh mandonna amanhret a kae. Ahnenga nase’nchu arahlâng sik che; tâk-kha ahnenga inphut nasesōt inchu ahei tik a sik a adahlon sik che.

THUHMINGHEI INHNINA 15:2

khana ama’n Reng Asa hneng vakase. Ama abek a, “Reng Asa, Judah leh Benjamin mipuihei kaṭong hi rangei ruh! Nangni’n Rōngpu hneng nan-omlai seng, ama’n nangni a-ompui sik chei. Nangni’n ama nanjong inchu, amanhmu sik chei, tâk-kha nan-inhesōt inchu, ama’n adahlon sik chei.

JOB LEKHARABU 16:17

tâk-kha innâk-inse katlo akaṭhetak khachu changmak eng, khana Pathen hnenga kaderna hi malung inthengtak a kader kae.

JOB LEKHARABU 17:9

Kajathei ung kati hei khan anmani kadik ung tia indon chet-chet jo hei.

JOB LEKHARABU 9:30

Kasetna hei hi Sâbon in sôp mantheng tor mak jo ning.

HLAHEI 119:113

Nang kajana pui katluk a akaneimak hei kha kahōt hei, tâk ke’n nadân kha kamadu.

HLAHEI 145:18

Ahnenga malung intheng senga, akabek hei hneng ama kha ka-om.

HLAHEI 18:20

Ke’n akadik katlo jâra Rōngpu’n inpâkman apek eng. Ṭhenakase kachang jâra mahâmṭhat apek eng.

HLAHEI 24:4

Anmani khachu ṭōn tlona leh mandonna malung intheng hei, limsyem inmukmak hei, khana maleiseia intepna kaneimak hei kha kae.

HLAHEI 26:6

Rōngpu, kei ṭhenakase kachang malârna sik kakut hei kasôp, khana namaichâm kimvea nang inmuk sik kahei jōn.

HLAHEI 51:10

Eh Pathen, kashunga malung intheng asyempek roh, khana kashunga ṭong kajui rathlather adapek roh.

HLAHEI 73:13

Ke’n heite setna tlo loa ka-om hi, kabinga inthenga kaka-om hi heite hnemmak jo mo?

HLAHEI 73:28

Tâk-kha kei sik chu, Pathen hnenga oma Chunghnung Rōngpu sânsōtna jonga aṭōntlo rakip hrimanthang sik hi heituk a akahōi inlak jo mo!

ISAIAH 13:15

Tu achang inum antasurphâk mi khachu sunhlona ka-om sik.

ISAIAH 29:13

Rōngpu’n ahri, “Hiva mihe’n kei kamuk sik a anti, tâk anṭonghri hei kha ajâr kase kae, khana anmalung kha ahlop khat a ka-om. Anbek-oina kha heite changmak; tâk anmalunga antachîk hnâm mihring dân leh chona ngai hei kha kae.

ISAIAH 58:2

Anmani’n ani katai ankamuk eng, kadânhei anjui hnōm khana kahlam anmanhret hnōmhêr anti. Dân intheng kapek sik heia kanmadu anti khana kei kamukna chunga anmani’n kahōi ansak anti.”

JEREMIAH 4:11

Nêrdiram a inphut akalum thli kahrâng anhnengting ajōng kahrâng hi sik kae tia Jerusalema aka-om mihei hnenga hripekna sik pha kha alakajōng sik kae. Sarasi katlen thli kahrâng kadaineng kapō kha changmak ning.

JEREMIAH 4:14

Jerusalem, nang inhuk theina sik a, namalung kabōk kha sôp jo roh. Heituk kasôt mo setna lungthim rōk namandon hi sik?

ṬAJAISUINA 3:57

Nang in namasôn enga ṭitmak roh tia namanthei eng.

EZEKIEL 18:31

Ṭhatmak nantatlo rakip kha bâng ruh, malung ther leh mandonna ther kha chen ruh. Heisa mo Israel nangni akathi hnōm chei?

ZECHARIAH 1:3

tâk-kha tûnchu ke’n nanhnenga kahri kae, ‘Kei hneng he’nle ruh khana kei nangni hneng he’nle sik eng.

MALACHI 3:7

Nangni mak hma nanpu-nanpahei kapōa, kei dân a inphut inhesōt jo chei khana nitmak jo chei. Kei hneng hong inhe ruh, khan chu ke’m nanhnenga hong inhe sik eng. Tâk-kha nangni’n nander, ‘Nahnengting hong inhena sik heimo kantatlo sik?’

MATTHEW 12:33

“Thing kara kaṭha chenna sik akung kaṭha nantanei nger sik kae; thingkung kaṭhamak nannei inchu akara kaṭhamak nantachen sik kae. Thingkung hi akara vâng khan a’nhret kae.

MATTHEW 15:2

“Nasonle he’n nipa-nipuhei mansena chônngai kha heisa mo antajui mak? Ajârchu anmani ansâk hma ankut sôpmak hei!” anti.

MATTHEW 27:24

Pilate in aṭong der hei kha ahnemna om mak jo, mipui inchok inhângna kasōkbei sik jo ti kha ahmu pha, tui ajing aloa mipui hmaikunga akut asôp a, “Hiva mipa thina chunga kei chu mô rônmak ning! Hivahi nanbinga nantatlo kae!” ati hei.

ṬŌNTLOHEI 15:9

Ama’n einihei leh anmani anikhōi ṭhenna heite damak jo, ajârchu anmani’m antaksenna jâra ansetnahei arangei mandam pek jo hei.

CORINTHIANHEI INHNINA 7:1

Kaṭhōn marit hei, hihei seng hi eini hnenga aṭongtep kha kae. Taksa leh rathla a’ntheng makna inphut nibing et a inthengsōt rih. Khava jâra Pathen kaṭittak a om me sona, pui katluktak a inthengna sik jong rih.

TIMOTHY INKHATNA 2:8

Bekrup kamukna rakip a, Pathena a’npek sōt pase he’n antader sik kha kamadu khana inkhena leh hnuk natna omloa ankut ankalânga andertheia kae.

HEBREWHEI 10:22

Khava jâra mandon ṭhentheinahei themmô rôn kha, sôp mantheng seng jo malung leh, tui intheng vâng rasi mantheng seng taksahei leh, malung inthengtak leh, taksenna inchêntak a Pathen hneng hong rih.

HEBREWHEI 7:19

Ajârchu Moses dân khan heite pui mathluk tor mak. Khana tûnchu akaṭhachet inhōrna inkhat inpek jo, khan vâng khan eini’n Pathen hneng inhnaichet a kahong jo me.

JAMES 3:17

Tâk-kha chunga inphut a singna khachu, hma inkeipena a’ntheng kae; khan chu mōngna kasip, nunkahōi, ṭhōn changtheina kha kae; hivahin lum lona kasip khana ṭōn kaṭha kara khômna kha amannei; hivahi inṭhat hlemsakna leh ôtum aka-om hêrmak kha kae.

PETER INKHATNA 1:22

Khava jâra tûnchu aṭong nanjui jâra nanbinga insuk intheng jo chei, khana akataksen loihei chunga inthengtak a lungsetna nannei jo; nanmalung pumpuia lumlotak a khat leh khat inlungset jo ruh.

PETER INKHATNA 3:21

Hiva tui hi atûna nangnihei kahuk inhring tuihlut tlona akhing mêrchîkna inkhat kae, taksa innim rasi manthengna changmak, tâk mandon ṭhen theina vâng Pathen hneng intepna kha kae. Hivahin Jesu Christa hringsōtna jâra ahuk manhring jo chei.

JOHN INKHATNA 3:3

Christa kha a’ntheng achang kapōa, tu achang inum Christa a inhōrna kanei mi kha abinga a’nsuk intheng kae.

SAMUEL INKHATNA 14:35

Saul in Rōngpu sik a maichâm asakna hma inkeipen kha anleisak jo.