JAMES 4:6 - LEKHARABU INTHENG (BSI)

⁶ Tâk-kha Pathen tapek maritna kha kangar chet jôk. Ajârchu ṭong intheng in hinga ahri, “Pathen in a’nlensak kha akhar, tâk a’nsinsak kha maritna apek.”

JAMES 4:6 ပူးပေါင်းရင်းမြစ်များ

THUHMINGHEI INHNINA 32:26

Achaina, hei-hei achang inum Hezekiah leh Jerusalema mipuihei kha insinsak jo heia Hezekiah athimak kârseng chu Rōngpu’n karâkna leipek mak heia kae.

THUHMINGHEI INHNINA 33:12

Ama inrengna shunga khan ama hong insinsak jo, apathen hnenga hong inhe jo, khana inthōpuina sik a ader jo.

THUHMINGHEI INHNINA 33:19

Rengpa derna khana Pathen masôna, ama’n amalung athleng mak hma asetna tlohei, ṭhatmak atlo hei, khōvelhei kamukna hmun, khana ama’n aleisyem Asherah pathennu limhei, khana ama’n akamuk limsyem ralak-hei ankhenga Sânkathemhei Thuhming Rabu a inzet heia kae.

THUHMINGHEI INHNINA 33:23

Tâk-kha apa leh in-ang loa, ama kha insinsak mak, khana Rōngpu hneng hong inhe mak a kae; apa kanek a kakhea kasetchet a kae.

THUHMINGHEI INHNINA 34:27

khana ke’n Jerusalem leh amihei karâkna sik a kamaṭhit hei pha, kahma kunga insir chea insinsak jo che, napōn nakei hlera kaṭap che. Naderna ke’n kathei jo,

JOB LEKHARABU 22:29

Pathen in inlensak-hei kha akei mathlâk hei, a’nsinsak hei kha ama’n ahuk hei.

HLAHEI 138:6

Khang hrep a chung inshâng nachang inum, inhnemtak a ka-om hei kha na-ensui hei, khana mi inlensak khan nanga inphut inthup tor mak.

HLAHEI 9:12

Pathen in inreng khōdeng kathei kha amandonsōt hei; anṭana kha mahngi mak, khana anchunga dikmak katlohei kha karâkna apek hei.

SŌKSŌT 18:11

Rōngpu hi pathen rakip nek a kalen chet ti hi tûnchu ke’n kamanhret jo, ajârchu Israelhei hi Egypt mipui he’n hnōisetak a antlo hei pha hiva ṭōn hi ama’n aleitlo pek hei kae.”

ṬONGCHÎK-HEI 15:33

Rōngpu kajana nei hin themna kha akachang jo kae. Kajana nachen mak hma a’nsinsak nger sik che kae.

ṬONGCHÎK-HEI 18:12

Tûte inkhatbek um a’nsinsak mak lai seng mi’n kajana neimak hei; racham kase hei chu inhmangna hlam antahro jo kae.

ṬONGCHÎK-HEI 22:4

Rōngpu ṭong kha jui roh, insinsak roh; khan chu, neina kajana, khana hringkhō kasei nachen sik.

ṬONGCHÎK-HEI 29:23

Racham kase hin thōi tlâkna amannei sik che, tâk na’nsinsak inchu, mi’n ankaja sik che.

ṬONGCHÎK-HEI 3:34

Mi inlensak-hei kha ama’n heikhat a hmangna neimak. Tâk-kha a’nsinsak mihei kha ama’n alungsetna amanhmu heia kae.

ISAIAH 2:17

Mihring inlensakna kabâng sik, khana mihring êngsetna hei seng kha amanbōi sik. Limsyemhei hi akhenga inhmangsō sik, khava ning Rōngpu rōk kha choi manshâng sik kae.

ISAIAH 54:7

“Pha bongkhat sik a ke’n nang kaleidahlon jo che; maritna inritak a kaṭhōi male nôk sik che.

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

MATTHEW 13:12

Ajârchu akanei mi kha inhleia aneisana sik a’npesa sik kae; tâk heite kaneimak mia inphut ajingte anei kapha kha losōt sik kae.

MATTHEW 23:12

Abinga akalen hnōm khan a’nsinsak sik kae, khana abinga a’nsinsak kha manlen sik kae.

LUKE 1:52

Ama’n reng kalenhei kha anlen in-ongna inphut akei mathlâk hei, khana a’nhnemhei kha akadom manshâng heia kae.

LUKE 14:11

Ajârchu binga a’nlensak mi kha mansinsak kachang sik, khana abinga a’nsinsak mi kha choi manshâng sik kae.”

LUKE 18:14

Jesu’n ati, “Ke’n kahri pek chei kae, Pharisee changloa, ramsêr kaṭheipa kha a-inna a’nle pha Pathen hneng dikna achen jôk a kae. Ajârchu, binga a’nchoi inshâng rakip kha insu-inhnem sik, tâk binga a’nsinsak rakip kha choi manshâng sik kae.”

JAMES 4:10

Pathen ângshunga insinsak ruh, kha achang inchu ama’n akadom manshâng sik chei.

PETER INKHATNA 5:5

Khava kapōtak a khangtherhei nangni’n upahei ṭong thōia aka-om nger sik chei kae. Khana nangni nankhenga khat leh khat inzentō theina sik insinsakna nankhōna inkhit ruh. Ajârchu ṭong intheng in ahri: “Pathen in inlensak ahōt, tâk insinsak chu lum alo.”

SAMUEL INKHATNA 2:3

Inlensak a ṭong inhnak nahri kha hai roh; Na’nlensakna ṭong kha sip manti roh. Ajârchu Rōngpu kha a’nhretsō Pathen kae, Ama’n mihei ṭōntlo rakip ṭong atan a kae.