16 Tâk-kha tûn nangni inlensak chei khana in-or chei; khang khava in-orna rakip kha dikmak.
Mikalen nang, heisa mo naṭhatmakna kha na’nlensak pui? Pathen taksenthei changna hichu kumleikō sik a kae.
“Enroh, tu mo inkhat chu a’nhuksōtna sik a Pathen hneng in-ngai loa ka-om, tâk akarōi katamtak chunga khan in-ngai jôk. Aṭhat makna vânga inhukna sik ajong.”
Neinâk apek chu pek hêrlo, kapek sik tia intepna kaneiṭhak mi khachu tui karônmak sumtuk leh thli kapō kae.
Ajîng kania sik inlensak hêrmak roh. Tûn leh jînga kâra hin heimo akasōk sik manhret mak che.
“Nang ṭhatmakna tlona shunga khan nabinga inngamna nanei; tûte’n ahmu mak hei nati. Nasingna leh namanhretna khan hlam kalet a aṭhōi che, khana nabinga nahri, ‘Kei Pathen eng kae, kei kapō tûte om mak.
Nangni inlensak sik hi akadik changmak! A’nhri kha nanmanhret, “Che ajingte’n jâmdi hlom kha amathōisō.”
Tâk-kha nanmalung shunga thangsetna, enkadana, tabinga ngeitōna a-om inchu, nansingna chunga in-orna ṭongsō vâng akadik kadōia set nôk mak ruh.
Ralei ta kachang seng, taksa tarangei, mihei tahmu leh tamadu, khana raleichunga mihring inlensakna neinâk rakip, hihei seng hi Pa inphut akajōng changmak hei, raleichunga inphut ajōng kakōn hei kae.
Amanu abinga kalûr leh ka-êma aleiom kapōhrep a khōdeng theina leh malung inrimna kha’m pek ruh. Ajârchu amanu’n abinga ahri: ‘Kei rengnu inkhat a hin a’n-ong eng kae! Kei renghmeinu inkhat changmak eng, malung inrimna nei hêrmak ning!’