JAMES 4:11 - LEKHARABU INTHENG (BSI)

¹¹ Kasōpuihei, nangni inkhat leh inkhat inhri insettō mak ruh. Tu achang inum asōpui kahri inset khana ṭongkatan mi khan Dân kha ahri maset a a-ensin kae. Nangni’n Dân chunga ṭong nantatan achang inchu nangni Dân kajui kha changmak chei, tâk aka-ensin chei kae.

JAMES 4:11 ပူးပေါင်းရင်းမြစ်များ

HLAHEI 140:11

Dik loa mi hnenga ṭhena kapek hei kha hmesōna chenmak hei rasoh; rumhrat kahmang hei kha ṭhatmak in surkhum hei sona suk manhmang hei rasoh.

LUKE 6:37

“Milak ṭong tanmak ruh, nanṭong Pathen in tanmak ning; mi masetmak ruh, Pathen in masetmak chei ning, mi rangei mandam ruh, Pathen in arangei mandam sik chei.

ROMANHEI 2:1

Eh kaṭhōn, nang in milak-hei chunga ṭong natan mo? Tu achang inum, khanga katlo mi kha rangei mandam chenhêr mak ning. Ajârchu nang in milak-hei ṭong natan pha, anmani tatlo kapōtak kha navatlo’n chu nabinga maset a’npek che kae.

ROMANHEI 2:13

Ajârchu Dân ṭong theina jâra mi kha Pathen hneng akadik changmak; tâk Dân ṭongpek tlo jâra kae.

ROMANHEI 7:7

Khan chu, Dân kha binga setna pui katluk kae niti sik mo? Changmak! Tâk-kha Dân khan setna kha heimo kae ti amanthei eng. Ajârchu Dân khan, “Minei chunga thangset tlomak roh,” aleiti mak inchu, ke’n thangset inti kha kalei manhret mak sik kae.

CORINTHIANHEI INKHATNA 4:5

Khava jâra pha atluk hma nangni’n tu inkhat chunga ṭong tanloimak ruh. Achaina ṭongtan khan Rōngpu ajōngmak kârseng ahngâk nger sik kae; ama’n mihring malung shunga a’n-ip ṭōnmantluk, khō inthim thōia ṭōn marûk-hei kha khōvâra amalârsōt sik hei. Khana mi rakip anrahōi kasōk choi ka-ânna kha Pathena inphut antarahlâng et sik kae.

CORINTHIANHEI INHNINA 12:20

Kei khava hmun kahongtlung phatak leh kei maduna chei leh nangni maduna eng changloa ahlop binga inlotō khâk sik me mo tia kaṭi enga kae. Khava khachu innâkna leh thangsetna, hnuk kase, tabing jōngna, mi inzakna katlo, mi kahri inset, inlensak leh ṭong kaler inhmusōt sik tia kamalung kadông.

EPHESIANHEI 4:31

In-enkadana, maduna, hnuk natna rakip dahlon ruh. Ôngsan leh rasei, in-enkadana heikhat om hêrmak rasoh.

TIMOTHY INKHATNA 3:11

Annuhmeihei kha mi kahri inset mak omchen kaṭha akachang sik hei kae; anmani heirakip a malung kasing leh malung intheng akachang sik hei kae.

TIMOTHY INHNINA 3:3

lum lona kaneimak, lungsetna kase, mi kateitôm, innâk-inse katlo, khana mi kakhôk kachang sik hei; akaṭha kha anhōt sik;

TITUS 2:3

Kha leh in-anghrep a nupui katerhei kha hringkhō inthenga akahring nuhmei anchangna sik manse hei roh. Khan chu mi kahri inset leh ju sōk akachangmak sik hei kae. Anmani’n akaṭha kha mi antamanthei sik hei kae,

JAMES 1:16

Kasōpui marit hei, hōnmathlâk a om mak ruh!

JAMES 1:19

Kasōpui marit hei, hivahi mandon ruh! Mi rakip in rangeina ting chu inrang ruh, tâk ṭonghrina ting leh hnuk natna ting chu in-êng ruh.

JAMES 1:25

Tâk-kha mihring ning leh hnōma a’nsō puikatluk dân chunga malung akahlut ṭhak hei, môk a anrangei leh antamahngi bât changlo, tâk ṭōn vâng akatlosōt hei kha, anṭōn tlona chunga Pathen in vângṭhat apek sik hei.

JAMES 2:8

Ṭong Inthenga a’nhmu, “Nang nabinga na’nlungset kapōa, nakhō naven lungset roh,” inti Rengram dân hi nangni’n nanjui inchu, akadik kha nantlo sik.

JAMES 5:10

Sōpuihei, Rōngpu rahminga ṭongkahri sânkathemhei kha mandon hei ruh. Anmani kha dehrat leh thōk-hratna tekâk a lo hei ruh.

JAMES 5:7

Khava jâra kasōpuihei, Rōngpu ajōngmak kârseng dehrat ruh. Hlei kathlō mipa’n ahleia mankatam sâng akasōk sik kha dehrattak a ahngâk kha enruh. Ama’n ṭhekhō leh zerkhō inchoi sik kha dehrattak a ahngâk a kae.

JAMES 5:9

Sōpuihei, Pathen in nanṭong atanmakna sik, inkhat leh inkhat ṭong inneimak ruh! Ṭong katanpa kha hong kahnai jo, ahong inlâr sik a intluk jo.

PETER INKHATNA 2:1

Khava jâra ṭhatmak rakip a inphut nanbinga inkâr ruh; maleisei, inṭhat hlemsak, thangset, mi hnōisena tlo nôk mak ruh.