JAMES 4:1 - LEKHARABU INTHENG (BSI)

¹ Nankâra innâk-inse rakip hei hi khona inphut ahong kasōk mo? Khavakha nanmalung shunga a’nseṭhak hei, hōina maduna inphut ahong kasōk changmak mo?

JAMES 4:1 ပူးပေါင်းရင်းမြစ်များ

JEREMIAH 17:9

“Tu’n mo mihring malung amanhret tor sik? hiva kapō mikahōn alak heite om mak, hiva nat mandam sik hi inri hêr jo.

MATTHEW 15:19

Ajârchu alungria inphut lungthim kaṭhamak, mi thatna, jôngna, khana ṭhatmak omchen tlona, inruna, maleisei, mi hrimasetna hei hi ahong kasōk kae.

JOHN 8:44

Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

ROMANHEI 7:23

Tâk-kha kataksa chunga ṭōnkatlo dân hlop inkhat kahmu sōt, khava dân khan kamanṭhat dân adōi kha kahmu sōt. Khava khan kataksa chunga ṭōnkatlo setna dân hnenga kurkhum mi amanchang jo eng.

ROMANHEI 7:5

Heijâra mo niti’nchu, mihring ngai dungjuia nihring lai hin Dân in setna tamadu leh tarangei kha akachok mathōia nitaksa chunga khan ṭōn atlo, khan chu nitlo rakip kha thina vakachang.

ROMANHEI 8:7

Khava jâra anmihring ngai tamadu vairôn hei khachu Pathen kadōi hongkachang hei; ajârchu Pathen Dân kha juimak heia kae, khana inchêntak a ajui um juitor mak hei.

GALATIANHEI 5:17

Ajârchu taksa tamadu kha rathla tamadu khan adōi, khana rathla tamadu kha taksa ngai tamadu khan adōia kae. Hiva 2 hi a’nre anchang jâra, nangni tatlo hnōm kha tlotor mak tin chei.

COLOSSIANHEI 3:5

Nanshunga ṭōnkatlo raleichung tamadu leh tarangei hei khachu nantathat nger sik hei kae, khahei khachu: jông leh kik katlo, omchen kase, hur leh êm, ṭhatmak maduna, khana phâmrai kase, (phâmrai kase hi limsyem kamukna inkhat kae) hihei seng hi kae.

TIMOTHY INHNINA 2:23

Tâk-kha akamohei leh hei-inhret mak hei inkhe-beitamna inphut tlânsōt roh; achaina anmani innâk-inse sik hei ti nang in namanhret.

TITUS 3:3

Ajârchu eini vōi khat akamo, ṭong kajuimak leh akadik mak leikachang me. Ṭhatmakna tinga hōina leh madu rangei sōk leikachang me. Nihringkhō hi ṭhatmak leh mi chunga thangsetna nileihmang, mihe’n anlei enkada me, eini’n nilei-enkada hei.

TITUS 3:9

Tâk-kha inkhe beitam, pahrui puhrui kaseitak a in-gôrna, innâk-inse, Dân chunga innâkna hei kha donmak hei roh. Khahei kha hnemna kasehei kae.

JAMES 1:14

Tâk-kha mihei kha anbing ṭhatmak madu rangeina khan châng akam heia aṭhōi hei pha mathlemna akatla hei kae.

JAMES 4:3

Khana nangni’n nander pha hmumak chei ajârchu nanmalung rôn dikmak a kae; nanbing hōina sik a nandera kae.

PETER INKHATNA 1:14

Pathen ṭong jui ruh, khana hei-inhret mak nanchanglaia madu rangeina khan nanhringkhō aṭhōi sik chei kha hnōm mak ruh.

PETER INKHATNA 2:11

Kaṭhōn marit hei, hiva vânhnōia hin khōhme leh rekatlânhei hnenga kapōa kahei ngek chei. Ahei tik arathla kadōiṭhak taksa tamadu leh rangei heia khan inpek mak ruh.

PETER INHNINA 2:18

Anmani’n inlensaktak a invet ṭong anhri, hringkhō kadikmak a ka-om mihei kâra inphut ahei kasōklim hei kha anchânga man-ôkna sik taksa hur leh êmna anhmanga kae.

PETER INHNINA 3:3

Ahma inkeipena, kani hnung intongting mi ṭhahrep, anbing tamadu leh tarangei in athlim hei ho’nlâr sik hi nantamanhret sik kae. Anmani’n sem antlo sik chei