JAMES 3:18 - LEKHARABU INTHENG (BSI)

¹⁸ Khana intōk inchamna katlo he’n malung kadaia antavor hmuchi kara antakhôm khachu ṭhatna hi kae.

JAMES 3:18 ပူးပေါင်းရင်းမြစ်များ

HLAHEI 92:14

khahei khan anter katlunga inra ṭhak heia anbō in-êm ṭhak a kangar tak a aka-om kapō hei kha kae.

ṬONGCHÎK-HEI 11:18

Mikaṭhamak he’n kadiktak a heite hnemna hmumak hei, tâk akadik kha natlo’nchu, soilo jen a tloman narahlâng sik.

ṬONGCHÎK-HEI 11:28

Annei anhaona chunga a’nngam hei kha ṭhelaia thingbō kaṭi kapōa kaṭi sik hei, tâk mikadik-hei chu sûr laia thingbō kapōa kakhang sik hei.

ṬONGCHÎK-HEI 11:30

Akadik in hringna apek, tâk innâk-inse khan hringna kha alosōt.

HOSEA 10:12

Ke’n kahri, “Nanbinga hleither khōi ruh, akadik kha ling ruh, khana nanlum lona eng kara mahâmṭhatna kha inlōk ruh. Tûn hi nan-Rōngpu, kei hneng nanhong inlena sik pha jo kae, khana kei kajōng sik eng khana nanchunga mahâmṭhatna kasun mathlak pek sik chei.’

AMOS 6:12

Shakor he’n hlungpui chunga akatlân hei mo? Tu inkhat in tuipui shunga sehratche vâng hlei akhōi mo? Tâk-kha nangni chu akadik kha tûr nanmanchang jo, akadik kha akaṭhe nanmanchang jo.

MATTHEW 5:9

“Intōk inchamna katlohei kha anmahâm kaṭha; Pathen in asahei ati sik hei!

JOHN 4:36

Sâng ka-ât pa kha tloman inpek a kumleikōa hringna sik sâng kha amantûp; khang’khan akalingpa leh aka-âtpa kha inpâksap sik hei.

GALATIANHEI 6:8

Antaksa tamaduna hleia khan hmuchi anvor inchu, khana inphut a anmani’n thina kara antalōk sik kae; khana rathla hleia khan anvor inchu kumleikōa hringna antalōk sik kae.

PHILIPPIANHEI 1:11

Pathen lûrna leh choi manshângna sik a, Jesu Christa rōk in ahei choisōt kadiktak a akaṭha tlotheina khan nanhringkhō kha kasip phet sik jo.

HEBREWHEI 12:11

Eini karâkna apek me pha, eini sik inpâkna changloa inrengna sik leika-ang, inpâk mak me. Achang ravâng khang khava karâk a mandikna hei kha hnunga chu malung mōngna sik hringkhō kadik kara an-inlōk a kae.

JAMES 1:20

Mihring hnuk natna hin Pathen tamantluk dikna kha chenthei mak.