JAMES 3:17 - LEKHARABU INTHENG (BSI)

¹⁷ Tâk-kha chunga inphut a singna khachu, hma inkeipena a’ntheng kae; khan chu mōngna kasip, nunkahōi, ṭhōn changtheina kha kae; hivahin lum lona kasip khana ṭōn kaṭha kara khômna kha amannei; hivahi inṭhat hlemsakna leh ôtum aka-om hêrmak kha kae.

JAMES 3:17 ပူးပေါင်းရင်းမြစ်များ

RENGHEI INKHATNA 3:12

nang in nader eng kha katlo pek sik che. Ahma inkeia’m hnunga’m aka-om mak sik jo akakhe chet a singna leh manhret theina kha kapek sik che.

RENGHEI INKHATNA 3:28

Solomon ṭong mathlâk kha Israel mihe’n anthei pha, achunga ankajana kasip jo, ajârchu ṭongdik tantheina Pathen in singna apek jo ti kha anmanhret a kae.

RENGHEI INKHATNA 3:9

Hiva jâra namihei chunga kadiktak a vairôntorna sik a khana akaṭha leh akaṭhamak manhretṭhen theina sik a singna kha apek roh. Kha achangmak inchu, nami hingtuk hrep a akatam hei chunga heikhong mo vai karôn tor sik?”

THUHMINGHEI INKHATNA 22:12

Rōngpu na-Pathen khan Israel kha ama Dân dungjuia vai narôn torna sik inritak a singna kha mannei che rasoh.

THUHMINGHEI INKHATNA 22:9

Kha’num, ama’n intepna kahnenga anei. Ama’n ati, ‘Nang in kamōng tak a vaikarôn sapa inkhat nanei sik, ajârchu ama kha a’nrepui rakip heia inphut mōngna kapek sik. Ama rahming kha Solomon inti sik, ajârchu ama vairôn shunga Israel kha mōngna leh inhukna kapek sik kae.

JOB LEKHARABU 28:12

Tâk-kha khon mo singna kha nihmu sik? Khova hmun a mo manhretna kha a’nchû sik me?

JOB LEKHARABU 28:23

Pathen rōk in ahlam kha amanhret, Singna hmun a hmun kha amanhret,

JOB LEKHARABU 28:28

Pathen in mihringhei hneng ahri, “Singna sik, Rōngpu kajana nantanei sik kae. Manhret theina sik, ṭhatmak kha nantadahlon sik kae,” ati.

SŌKSŌT 36:2

Moses’n Bezalel, Oholiab, khana aralak Rōngpu’n kut themna leh tlotorna apek hei seng khana ama inthōpui hnōm hei seng kha abek jo hei, khana Moses’n anhnenga ṭōn anphutna sik amanthei jo hei.

ṬONGCHÎK-HEI 2:6

Singna kapek kha Rōngpu kae, ama a inphut themna leh manhretna hong kasōk.

ISAIAH 2:4

Ama’n jât kalenhei kâra innâkna ṭong atanpek sik hei. Anmani’n anchemjâm hei kha lôngkhuma ankheng sik hei khan chu ankasei hei kha thing bâk thlâkna chemcha a ankheng sik hei. Jât-hei kha re katuk se nôk hêrmak jo hei ning, re tlona sik a intluk hêrmak jo hei ning.

ISAIAH 32:6

Mikamo khan invet ṭong ahrisōt khana ṭōnse tlo sik amandon. Atlosōt leh ahrisōt hei khan Rōngpu inzakna apek, khana ama’n von kaṭâm hei veiphung mak, tui kahre hei heikhat in sik pekphung hêrmak.

ISAIAH 40:11

Ama’n kemōng kakhem kapōa akemōnghei kha a-en kaṭha sik hei; Ama’n kemōnghei kha akhôm manchun sik hei khana abân vâng akadom sik hei; malung innemtak a anpui hei kha hlam akei sik hei.

DANIEL 1:17

Pathen in rether 4 hei kha lekha tinga leh mandonna singna leh themna apek hei. Hiva chunga ama’n Daniel chu hmangtalâr leh rahmang malesōt theina ratha apeksa.

MALACHI 2:9

Achang jâra, khava tloman a, Israel mihei kaman hmumasi sik chei, ajârchu kalungdo kha juimak chei, khana nangni’n kamihei nanmanthei hei pha, mi rakip in-anga razen mak hei chei.”

MALACHI 3:3

Dangka kakheng intheng inkhat kapōa ṭong katan sik a ama kahong sik. Sana dangka kakheng ṭōnkatlo mi kapōa Rōngpu ṭong karônpa khan thempuhei kha Rōngpu hnenga akadik neinâk anheitōkna sik a asuk mantheng sik hei.

MATTHEW 23:28

Khava kapōa, nangni’m vângtinga mi rakip hmit-hmua kaṭha chei, tâk ashungting chu inṭhat hlemsakna leh setna kasiptak cheia kae.

MATTHEW 5:8

“Malung intheng hei kha anmahâm kaṭha; Pathen antahmu sik kae!

MATTHEW 5:9

“Intōk inchamna katlohei kha anmahâm kaṭha; Pathen in asahei ati sik hei!

LUKE 21:15

ajârchu nan-inrepuihei tûte’n anmakhetor makna sik chei leh anmasônthei makna sik chei singna leh themna ṭong beisō ke’n kapek sik chei.

LUKE 6:36

Nanpa lungset kathem achang kapōa nangni lungset them ruh.

JOHN 1:14

Ṭong kha mihring jōng kachanga maritna leh dikna kasip phet a nikâra ka-om. Alûrna kha kanleihmu, Apa Sapa inkhat rōk achangna aleichen lûrna kha kae.

JOHN 1:47

Jesu’n Nathanael ahnenga akahong kha ahmu pha, ama chungchâng ṭong ahri: “Enruh, Israel inchêntak inkhat so! Achunga ṭhena heite om mak.”

ṬŌNTLOHEI 11:24

Barnabas kha Rathla Intheng leh taksenna kasip mikaṭha inkhat kae, khana ama’n mi hingja Rōngpu hneng aheiṭhōi manhlut heia kae.

ṬŌNTLOHEI 9:36

Joppa hmun a khan Tabitha inti, takkasen nuhmei inkhat leika-om. (Greek ṭonga arahming hi Dorcas kae, “Shakhi” tina kae). Amanu’n aphat nei rakip hi ṭōn kaṭha tlona leh sara khōdeng katheihei inthōpuina aleihmang.

ROMANHEI 12:18

Mi rakip leh intōk inchama omtheina sik heirakip nantor chenna tlo ruh.

ROMANHEI 12:9

Lungsetna kha pui katluk a malung intheng chang rasoh. Akadik mak mater ruh, akaṭha kha matutlit ruh.

ROMANHEI 15:14

Kasōpuihei, nangni inkhat leh inkhat nan-inthei torna sik manhretna rakip leh ṭhatna rakip kasip jo chei tia kabinga manhret manchênna kanei.

CORINTHIANHEI INKHATNA 12:8

Mi inkhat hnenga Rathla khan singna kasip ṭong apek, mihlop inkhat hnenga khava Rathla khet khan manhretna kasip ṭong apek.

CORINTHIANHEI INHNINA 10:1

Nangni leh ni-omsap pha a chu, nunkahōi leh nun-innem antatipa, tâk nangni leh inhlajap a ka-om pha a chu, hnuk kase tia antahripa Paul, ke’n, katak khet in nanhnenga kangek chei kae. Christa nun-innemna leh milungset themna vâng khan

CORINTHIANHEI INHNINA 6:6

Pathen sōk kanchang hi kan-inthengna, kanmanhretna, kandehratna leh lungsetna vâng kanmalâr, khan chu Rathla Intheng vâng, lungsetna kadiktak vâng,

CORINTHIANHEI INHNINA 7:11

Enruh hiva nangni malung inrimna hin Pathen in heimo atlo: heituk malung kahlut a asyem chei, ṭhenakase nanchangna kha malârna sik a heituk kakhôk a atlo mo! Khava hnuk natna, ṭit-inpirna, malung tônna, malung hlutna, ṭōn kaṭhamak katlohei karâkna pek sik a intlukna hei seng kha kae! Khavahei seng chunga khan nangni nanbinga heite ṭhena kaneimak inkhat a nanbinga inlâr jo chei.

CORINTHIANHEI INHNINA 9:10

Hmuchi vor sik a leh sâk sik buhlom akapek Pathen khan nanta madu hmuchi rakip kha apek sik cheia kha nanhmuchi amankhang pek sik chei, khana pek hnōmtak a nantapek khana inphut kara katamtak amanpung pek sik cheia kae.

EPHESIANHEI 5:9

ajârchu ṭhatna, dikna leh ṭong kadik inti rakip kara katamtak lōkna akanei khachu, vâr hi kae.

PHILIPPIANHEI 1:11

Pathen lûrna leh choi manshângna sik a, Jesu Christa rōk in ahei choisōt kadiktak a akaṭha tlotheina khan nanhringkhō kha kasip phet sik jo.

PHILIPPIANHEI 4:8

Achaina, kasōpuihei, manpâk thei kachang ṭōn kaṭha hei: akadik seng, malung kalen, omchen kadik, malung intheng, madu ka-om khana kajathei kachang hei seng hi nanmalunga kasip a om rasoh.

COLOSSIANHEI 1:10

Khana inphut ahei tik a Rōngpu malung tlaina ṭōn nantlo sik khana alungdo dungjuia kahringthei sik jo chei. Khana Pathen manhretnating kakhang sik chei khana nanhringkhōa ṭōn kaṭha rakip kara kanei kachang sik jo chei.

THESSALONIANHEI INKHATNA 2:7

achang ravâng Christa sonle inkhat changna keini’n ngekna kanneitor cheia kae. Tâk-kha minu inkhat in asahei lum lona anun amannem kapōa, nangni leh ni-om saplai khan kannun kanlei mannema kae.

TIMOTHY INKHATNA 5:21

Heirakip natlona chunga tûte inkhat hneng ôtum neiloa hiva ṭong insena hi najuina sik marvân ngeva intheng hei leh Jesu Christa khana Pathen hmaikunga ke’n ka-ôrtak a nang kahei nganse jo che kae.

TIMOTHY INHNINA 2:24

Rōngpu sōk kachang inkhat in, mi leh a’nkhemak sik chei kae. Mi rakip nalungset heia, akaṭha leh akadehrat oja inkhat akachang sik che kae,

TITUS 1:15

Mi intheng hei sik a heirakip intheng; tâk a’nthengmak hei sik a leh akataksenmak hei sik a chu a’ntheng inkhatbek om mak, ajârchu anmanhretna leh anmandon ṭhen theina kha intheng mak a kae.

TITUS 3:2

Tûte’n ṭhatmakna anhrimakna sik, tâk nun-innem, mi leh inthlop thei changa khana mi rakip hneng malung kadai malârna sik manthei hei roh.

HEBREWHEI 12:11

Eini karâkna apek me pha, eini sik inpâkna changloa inrengna sik leika-ang, inpâk mak me. Achang ravâng khang khava karâk a mandikna hei kha hnunga chu malung mōngna sik hringkhō kadik kara an-inlōk a kae.

HEBREWHEI 12:14

Mi rakip leh intōk inchamna sik leh hringkhō inthenga omna sik tak intlo ruh, ajârchu khava loa chu tûte’n Rōngpu kha hmutor mak ning.

JAMES 1:17

Kutchoi kaṭha rakip leh kutchoi pui katluk rakip marvâna inphut kae; khavakha marvâna vârhei kasyem, inthlengtik kaneimak khana ahmai amahea inthim insōmak, Pathena inphut kae.

JAMES 1:5

Tâk-kha nankâra tu achang inum singna tinga akatlasam a-om inchu anikapek sik Pathen hneng ama’n der rasoh, ajârchu Pathen in mi rakip malung kalentak a leh marittak a apek hei kae.

JAMES 2:13

Ajârchu maritna kaneimak mi kha Pathen in aṭong atan pha marit a tlomak ning; tâk maritna khan ṭong tanna kha ator.

JAMES 2:4

nanmalung kadikmak khan, nankâra khōiṭhenna nansyem jâra nangni nanṭhe joa kae.

JAMES 3:15

Hinghiva singna hi marvâna inphut akajōng changmak; raleichung ta kae, hiva hichu rathla aka-emak ṭai kae.

JAMES 4:8

Pathen heihnai ruh, khan chu ama’n ahei hnai sik chei. Eh mikaset-hei; nankut sôp mantheng ruh! Eh a’nhri inṭhat hei, nanmalung mantheng ruh!

PETER INKHATNA 1:22

Khava jâra tûnchu aṭong nanjui jâra nanbinga insuk intheng jo chei, khana akataksen loihei chunga inthengtak a lungsetna nannei jo; nanmalung pumpuia lumlotak a khat leh khat inlungset jo ruh.

PETER INKHATNA 2:1

Khava jâra ṭhatmak rakip a inphut nanbinga inkâr ruh; maleisei, inṭhat hlemsak, thangset, mi hnōisena tlo nôk mak ruh.

PETER INKHATNA 2:18

Sōk nangni, nankapu hei thōia a’npek inhlut nger sik chei kae, pui katluk a nankajana hei malâr ruh, lungset a nankarôn leh a’ndonthei hei rōk kha changloa, nun kasehei kha’m kaja hei ruh.

JOHN INKHATNA 3:18

Kasahei, hmur leh bei rōk a inlungset sik changmak; lungset kadiktak abing ṭōn vânga a’nlârsōt kha akae sik kae.

JOHN INKHATNA 3:3

Christa kha a’ntheng achang kapōa, tu achang inum Christa a inhōrna kanei mi kha abinga a’nsuk intheng kae.