JAMES 3:15 - LEKHARABU INTHENG (BSI)

¹⁵ Hinghiva singna hi marvâna inphut akajōng changmak; raleichung ta kae, hiva hichu rathla aka-emak ṭai kae.

JAMES 3:15 ပူးပေါင်းရင်းမြစ်များ

SAMUEL INHNINA 13:3

Tâk ama’n ṭhōn inkhat aleinei, ama kha David upa Shammah sapa, ṭhatmak a mikasing tak Jonadab kae.

SAMUEL INHNINA 15:31

Ahithophel in Absolom re mantlukna kha ajom jo ti ṭong kha David anhri pek jo pha, ama’n derna anei, “Rōngpu, lungsettak a Ahithophel mansena kha hnemna kase manchang pek roh!”

SAMUEL INHNINA 16:23

Khava laia Ahithophel ṭong leipek rakip kha Pathen ṭongpek kapōtak a anleijui, David leh Absolom in anleijuia kae.

JEREMIAH 4:22

Rōngpu’n ati, “Kamihei hi kamohei, amanhret mak hei. Anmani naipang kamo ka-ang hei; anmani manhretna neimak hei. Anmani ṭōnse tlona chu kathemhei, tâk-kha ṭōn kaṭha tlona chu them mak hei.”

LUKE 16:8

“Malung intheng mak nei katinta khan kasing tak a atlo jâra akapupa khan amanpâk jo; ajârchu hiva raleichung mihei hin khōvâr mihei kanek a rirûk a anṭōn anmatu heia kae.”

JOHN 3:17

Ajârchu Pathen in ralei ṭong katan sik a asapa ajōngtir changmak; tâk akahuk inhring sik a ajōngtir kae.

JOHN 8:44

Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

ṬŌNTLOHEI 13:10

khana ati, “Nang Diabol sapa! Ṭōn kaṭha rakip kadōi che kae; akaṭhamak lungthim rakip kasip che khana Rōngpu ṭongtak rakip maleisei manchang sik nareiṭhak!

ROMANHEI 1:22

Anmani’n kasing ung anti tâk kamohei;

CORINTHIANHEI INKHATNA 1:27

Tâk-kha a’nsingsak hei manzakna sik, raleichung in akamoa amandon hei kha Pathen in akadei hei, khana tlotorna kaneihei kha manzakna sik, raleichung in akatlasama amandon hei kha Pathen in akadei hei.

CORINTHIANHEI INKHATNA 2:14

Tu achang inum rathla kaneimak mi’n Pathen Rathla a inphut akajōng kutchoi kha chenthei mak. Khang khava mi’n kutchoi kha inchênna manhret tor mak; anmani sik a ajâr kase kae, ajârchu khava kutchoi pek hnemna kha Rathlating rōk a manhret ṭhentor kae.

CORINTHIANHEI INKHATNA 3:19

Ajârchu hiva vânhnōi in kasing tia amandon kha Pathen hmit-hmua chu mikamo kapō kae. Ṭong intheng in ahri kapōa, “Pathen in akasinghei kha, an-insing sakna chânga khan aman-ôk hei”;

CORINTHIANHEI INKHATNA 3:3

Heijâra mo niti’nchu tûn katlung taksa ralei mihei kapōa lakahring chei. Nankâra thangsetna khat leh khat innâkna a-om pha, khava khan nangni vânhnōi om ngaia nanhring jâra ama ta chei kae ti malârmak mo?

CORINTHIANHEI INHNINA 1:12

Hiva raleichunga kanhringkhō, akarôn pena nangni leh ni’nmetna chunga hin Pathen tapek me malung ipna omlo leh inthengna vâng, Pathen maritna ratha neina vâng, mihring singna vâng changloa, nichunga vai arôn ti hi keini malung ṭhen theina hin amanchên jâra inlensakna kannei.

CORINTHIANHEI INHNINA 11:3

Eve kha lungthim kaṭhamak malei kasei mari khan ahōnmathlâk kapōa, nangni’m Christa a nanmalung akhenga nantapek kha kabâng sik cheia kha nanmalunga setna ting inhekhâk sik tia kaṭi eng.

PHILIPPIANHEI 3:19

Anmani hmeikhura a’nchai sik hei kae, ajârchu anmani Pathen chu antaksa tamadu kha kae. An-inzakna sik chunga khan inlensakna jôk annei, khana raleia neinâk-hei chunga rōk anmandon.

THESSALONIANHEI INHNINA 2:9

Khava Akaṭhamak Inkhat kha Seitan ratha leh inṭhōia kajōng sik, ama’n akadik mak ṭōn-inlak leh det-hla hingja atlosōt sik,

TIMOTHY INKHATNA 4:1

Pha hnung intonga chu mi ṭhahrep in antaksenna kha andahlon sik tia Rathla khan inthengtak a ahria kae; anmani’n rathla malei kasei anjui sik khan chu ṭaihei mansena anjui sik a kae.

JAMES 1:17

Kutchoi kaṭha rakip leh kutchoi pui katluk rakip marvâna inphut kae; khavakha marvâna vârhei kasyem, inthlengtik kaneimak khana ahmai amahea inthim insōmak, Pathena inphut kae.

JAMES 1:5

Tâk-kha nankâra tu achang inum singna tinga akatlasam a-om inchu anikapek sik Pathen hneng ama’n der rasoh, ajârchu Pathen in mi rakip malung kalentak a leh marittak a apek hei kae.

JAMES 3:17

Tâk-kha chunga inphut a singna khachu, hma inkeipena a’ntheng kae; khan chu mōngna kasip, nunkahōi, ṭhōn changtheina kha kae; hivahin lum lona kasip khana ṭōn kaṭha kara khômna kha amannei; hivahi inṭhat hlemsakna leh ôtum aka-om hêrmak kha kae.

JUDE 1:19

Khava mihei kha mi kasukṭhen hei, antaksa tamadu hurna hlam kajuihei, Rathla kaneimak hei kae.

ṬONGPHÔNG 12:9

Khana rihren kalentak kha anhei hlonsōt jo, ama kha hmalaia mari kha kae, arahming Diabol a-emak leh Seitan inti vânhnōi kahōn inthlapa kha kae. Ama leh angevahei seng raleichunga anjōnghlon mathlâk jo hei.

ṬONGPHÔNG 2:24

“Tâk-kha Thyatira ka-om nangni alakseng inchu hiva akanimak a intheina kahnung hi juimak cheia kae; milak he’n, ‘Seitan lungri inthûk’ antati kha nangni’n juimak chei. Ke’n nangni chunga rônkahrik ahlop dapek mak chei ning kati kae.

ṬONGPHÔNG 9:11

Anmani’n reng inkhat annei, ama kha dongna kase dôpkhur kahlōpa ngeva kha kae. Hebrew ṭonga arahming Abaddon inti, Greek ṭonga Apollion inti (khava tina khachu “Akasuk inhmangpa” tina kae).