JAMES 3:14 - LEKHARABU INTHENG (BSI)

¹⁴ Tâk-kha nanmalung shunga thangsetna, enkadana, tabinga ngeitōna a-om inchu, nansingna chunga in-orna ṭongsō vâng akadik kadōia set nôk mak ruh.

JAMES 3:14 ပူးပေါင်းရင်းမြစ်များ

A’NPHUTNA 37:11

Joseph uhe’n chu achunga thangsetna anleinei jo, tâk anpa khan chu hihei rakip chunga aleimandon ṭhak a kae.

A’NPHUTNA 38:9

Tâk-kha Onan in amannei sik sahei kha ama sa anchangmak sik kha amanhret a, ama’n a-upa nuhmei leh hmun an-inchun kataia asetui kha raleia aleimathlâk jo, hivahi a-upa sōn leh pâr asōk makna sik a aleitlo kae.

RENGHEI INHNINA 10:16

khana ati, “Kei leh inṭhōia se rih khana Rōngpu hnenga heituk a ṭittak a kamalung kapek mo ti kha va-en roh.” An-inhnia Samaria katlunga shakor gâri antôra kase hei.

RENGHEI INHNINA 10:31

Tâk-kha Jehu’n Israelhei Pathen Rōngpu ṭongpek kha malung inthenga leijui mak; khava kanek a, Israelhei setna langting aleikaṭhōi Jeroboam omchen kha aleijuia kae.

JOB LEKHARABU 5:2

Nang in nanphena leh thinathei katlunga nachâmna kha mandonna kase, mikamo ṭōn kachang sik.

ṬONGCHÎK-HEI 14:30

Malung kadaia om hin taksa amandama kae, tâk thang kasehrat hi kenser nat kapō kae.

ṬONGCHÎK-HEI 27:4

Hnuknat hi a-êng kase khana asuk manhmang tor, tâk thangset leh nitepui inchu heite la-êmak.

ISAIAH 11:13

Israel rengram in Judah chunga thangsetna neimak jo ning, khana Judah kha Israel indōipui chang nôk mak jo ning.

HABAKKUK 1:3

Heisik a mo hiva khōdeng theina hi namanhmu eng? Khang khava dikmak ṭōntlo heikhong mo na-en hnâm tor? Insuksetna leh intuk intha na’n kei ani katōmbit jo, hmun rakip a innâk-insena kasip sō jo.

MATTHEW 27:18

Jehudi hlamkakei he’n ahnenga Jesu anta heipek sōt hi achunga anthang set jâra kae ti hi amanhret joa kae.

JOHN 16:2

Anmani’n nangni intûpna inna inphut anhnongsōt sik chei. Khana nangni kathat mi khan aṭōntlo kha Pathen karazen kae tia anmandonna pha alakahong sik kae.

ṬŌNTLOHEI 13:45

Mipui intûp kha Jehudi he’n anhmu hei pha, thangsetna leikasip jo heia Paul ṭonghri hei kha andema inzakna anleipek jo.

ṬŌNTLOHEI 26:9

“Nazareth Jesu dōina hi katlo tor chenna inṭanghmun lorong tia kabinga kaleimandon.

ṬŌNTLOHEI 5:17

Khava sōa Thempu Kalen leh aloi rakip khana akhō-khōa Sadducee rup kachang hei khan sonlehei chunga rahnak a thangsetna annei jo hei jâra anchunga karâkna nei sik heia inhnōm jo hei.

ṬŌNTLOHEI 7:9

“Jacob sahei khan ansōpuipa, Joseph chunga thangsetna anhongneia Egypt ram a sōk kachang sik a anleijōr. Tâk-kha Pathen in aleiompui

ROMANHEI 1:29

Anmani hi ṭhatmak inti rakip kha kasip phet hei, malung dikmak, akaṭhamak, phâmrai kase, in-enkada; anmani hi thangset, mithat, indōi, mikahōn, akaṭhamakpen mandonna khan kasip hei. Anmani mitheiloa inbek hei

ROMANHEI 13:13

Khōvâr mihei kapōa eini’n omchen kaṭha tlo rih; hur inthok, ju inrui, omchen kaṭhamak, omngai kachangmak, innâk-inse, thangset, tlomak jo rih.

ROMANHEI 2:17

Nang heikhonga che mo? Nang nabinga Jehudi inkhat eng nati; Dân a khan a’nngai chea, Pathen na’nlensak pui;

ROMANHEI 2:8

Alak he’nchu bingta rōk anmandon khana akadik mak kha juitheina sik akadik kha anhlonsōt, anchunga Pathen hnuk natna leh inhângna kha ajōng mathlâk sik.

CORINTHIANHEI INKHATNA 13:4

Lungset hin adesôt khana lum alo; lungset in thangset tlomak, inlûrsak mak, inlensak mak;

CORINTHIANHEI INKHATNA 3:3

Heijâra mo niti’nchu tûn katlung taksa ralei mihei kapōa lakahring chei. Nankâra thangsetna khat leh khat innâkna a-om pha, khava khan nangni vânhnōi om ngaia nanhring jâra ama ta chei kae ti malârmak mo?

CORINTHIANHEI INKHATNA 5:2

Khan chu, heikhonga mo a’nlensak tor chei? Khanga changjôk loa, nanmalung akana hêr sik kae, khana khang khava omchen katlo mi kha nan-inloikhômna inphut nantahnong sōt sik kae.

CORINTHIANHEI INKHATNA 5:6

Nangni inlensak sik hi akadik changmak! A’nhri kha nanmanhret, “Che ajingte’n jâmdi hlom kha amathōisō.”

CORINTHIANHEI INHNINA 12:20

Kei khava hmun kahongtlung phatak leh kei maduna chei leh nangni maduna eng changloa ahlop binga inlotō khâk sik me mo tia kaṭi enga kae. Khava khachu innâkna leh thangsetna, hnuk kase, tabing jōngna, mi inzakna katlo, mi kahri inset, inlensak leh ṭong kaler inhmusōt sik tia kamalung kadông.

GALATIANHEI 5:15

Tâk-kha nangni ramsha kahrânghei omchen kapōa, inkhat leh inkhat inse intôn chei, khavakha en kaṭha ruh, achangmak inchu, nangni inkhat leh inkhat pui katluk a insuk inhmang sik jo chei.

GALATIANHEI 5:20

limsyem inmuk khana dôi kachoi hongkachang. Mihei inrena anhongnei khana hong innâk hei; thangsetna, hnuk natna, phâmrai setna anhongnei. Anmani ahlop-hlop a leh arup-rup a inṭhensōt hei;

GALATIANHEI 5:21

anmani in-enkada hei, ju-inruihei, inlensak hei, hinghiva omchen ralak antlo heia kae. Hma inkeia kapōa tûn karakôk nôk chei kae: hinghiva omchen katlo he’n Pathen rengram kha antachen mak sik kae.

GALATIANHEI 5:26

Eini khat leh khat chunga a’nlensak mak sik me khana hnuk a’nnattō mak sik me khana thang a’nsettō hêrmak sik me kae.

GALATIANHEI 6:13

Anmani vun katan he’n hmen dân chu juilo heia; hiva taksa pônga anṭōntlo vâng khan inlensak theina sik a nangni vun antamantan hnōm chei kae.

PHILIPPIANHEI 1:15

Khang’khan mi ṭhahrep in ankâra thangset neina leh innâk-inse jâra Christa kha anhri manthang, tâk ṭhahrep inchu malung inthengtak a anhrile.

PHILIPPIANHEI 2:3

Nangni’n tabing maduna inphut heite tlomak ruh khan chu heite kanimak maduna inphut inlensak mak ruh, tâk khat leh khat hnenga malung innemtak a om ruh, ahei tik a milak-hei kha nangni kanek a akaṭhadet a lo hei ruh.

TIMOTHY INKHATNA 2:4

ama’n mi rakip hukmanhring anchang sik leh akadik anta hongmanhret sik amadu.

TIMOTHY INKHATNA 6:4

ama kha inlensakna pui akatluk set leh heite inhret mak kae. Ama khan ajâr kasejena mi inkhena leh innâk-insena atlo, khava khan thangsetna, inkhena, inzakna, ṭhatmak a inrinmona,

TITUS 3:3

Ajârchu eini vōi khat akamo, ṭong kajuimak leh akadik mak leikachang me. Ṭhatmakna tinga hōina leh madu rangei sōk leikachang me. Nihringkhō hi ṭhatmak leh mi chunga thangsetna nileihmang, mihe’n anlei enkada me, eini’n nilei-enkada hei.

JAMES 1:18

Akutsyem rakip kâra eini’n hma inkeipen kha nichang theina sik, ṭongdik vâng khan alungdotak a ajōngṭhōi jo me.

JAMES 3:16

Ajârchu thangsetna leh tabing ngeitōna omna khan akaṭhamak rakip leh inhmakna kha aka-om kae.

JAMES 5:19

Kasōpuihei, nankâra mi inkhat akadik a inphut hlam a’nvai jo kha, mihlop inkhat in aheiṭhōi male nôk inchu,