JAMES 3:13 - LEKHARABU INTHENG (BSI)

¹³ Nankâra mikasing, manhretna kanei ka-om mo? Anmani’n singna leh malung innem vâng ṭōn kaṭha tloa, hringkhō kaṭha vâng khan antamalâr sik kae.

JAMES 3:13 ပူးပေါင်းရင်းမြစ်များ

JOB LEKHARABU 28:28

Pathen in mihringhei hneng ahri, “Singna sik, Rōngpu kajana nantanei sik kae. Manhret theina sik, ṭhatmak kha nantadahlon sik kae,” ati.

HLAHEI 107:43

Mikasing he’n hivahei hi mandon hei rasoh; Rōngpu lungset inthlengmak kha manhret hei rasoh.

HLAHEI 122:8

Kaṭhōnhei leh pare-patung hei jâra Jerusalem hneng, “Nachunga lung mōngna om rasoh”, ke’n kati.

HLAHEI 149:4

Rōngpu’n amihei chunga tlaina anei; torna kha apek heia malung innem hei kha akaja hei.

HLAHEI 25:9

Ama’n a’nsinsak hei kha hlam kadik a aṭhōi hei khana alungdo amanthei hei.

HLAHEI 45:4

Ṭong kadik leh ṭong intlun hrungna sik a Kalûrtak a retorna kha chōng jo roh! narathahrat khan retorna kalentak amannei sik che!

MI INTHEIPA 8:1

Mikasing rōk in neinâk-hei omna ajârtak kha amanhret. Singna hin inpâk manuina apek hei khana anhmai môkna kha amanhmang pek hei.

MI INTHEIPA 8:5

Aṭongpek-hei najuilai seng, inhuk a ka-om sik che, khana mikasing in heikhonga mo, hei phat a mo tlo sik ti kha amanhret.

ISAIAH 29:19

Sara leh a’nsinsak he’n a’ntheng Israel Pathen, Rōngpu’n apek hei hōina kha anlahmu nôk sik a kae.

ISAIAH 60:6

Midian leh Ephah ram a inphut sharîngsei katamtak kahong sik hei, Sheba ram a inphut, sana leh marim katui anhongrôn sik. Mihe’n Rōngpu ṭōntlo ṭong kaṭha kha anhri sik.

ISAIAH 61:1

Chunghnung Rōngpu’n arathla intheng amansip eng. Ama’n kei akadei enga atir eng, Sarahei hneng ṭong kaṭha karôn sik, Malung kakōi hei indam sik, Rehringa khum hei masōsōtna kaphông sik, Khana kurkhum a ka-om hei ning leh hnōma masōna sik.

JEREMIAH 9:12

Ke’n kader, “Rōngpu, heijâra mo ram hi a’nhmangsō jo khana nêrdiram kapōa akachâr jo, khana tûte’m khava khan se leh hong antatlo mak jo? Hiva inhret tor sik tu mo akasingdet aka-om? Tu hneng mo hivahi namanthei heia, khahei khan hiva ṭong hi milak hneng antahri pek tor sik hei?”

JEREMIAH 9:23

Rōngpu’n ahri, “Mikasing he’n ansing jâra a’nlensak mak sik hei kae. Mikahrat he’n anratha hrat jâra, khana mikanei he’n annei anhao jâra a’nlensak mak sik hei kae.

DANIEL 2:21

Ama’n phat leh khōsûr khōsat ṭong anei tor; renghei um asyem hei khana syem nôk mak hei; sing leh themna kapek hi ama kae.

ZEPHANIAH 2:3

Ram shunga malung innem nangni, ama ṭongpek kajuiseng, Rōngpu hneng he’nhe ruh. Akadik kha tlo ruh, Rōngpu hmaikunga insinsak ruh. Rōngpu’n ahnuknat amalâr ninga karâkna inphut nansōk theina sik kae.

MIJAHEI 12:3

(Moses chu malung innem kae, raleichunga nun-innem rakip hei kakhea nun-innem kae).

MATTHEW 11:29

Karîngke inlo una inrôn ruh, khana keia inphut inchu ruh, ajârchu kei kamalung innem khana kadai eng; khana châmhngatna nanhmu sik.

MATTHEW 21:5

“Zion khōpui kha manthei ruh, Enroh, narengpa kha nahnenga kajōng! Ama amalung innem khana shakōrtung leh atere aheichōng, la’nhmangtet lo shakōrtung kae.”

MATTHEW 5:5

“Malung innem hei kha anmahâm kaṭha; Pathen ṭongtepna kha anchen sik!

MATTHEW 7:24

“Khava jâra kaṭonghei hi akatheia akajui rakip, tu achang inum hlungpui chunga inn kasak mikasing kapō kha kae.

CORINTHIANHEI INKHATNA 6:5

Ka’nzakpui chei! Nan-inloikhômna shunga mikasing inkhatbek Christianhei shunga ṭong kasōk katanthei mi om mak jo mo!

CORINTHIANHEI INHNINA 10:1

Nangni leh ni-omsap pha a chu, nunkahōi leh nun-innem antatipa, tâk nangni leh inhlajap a ka-om pha a chu, hnuk kase tia antahripa Paul, ke’n, katak khet in nanhnenga kangek chei kae. Christa nun-innemna leh milungset themna vâng khan

CORINTHIANHEI INHNINA 8:24

Nangni chunga ka’nlensakna kha kadik tia inchênna bekrup he’n anman hretsōtna sik, leilungset hei ruh.

GALATIANHEI 5:23

insinsak, khana binga insur tor hei hi kae. Hivahei kadōi sik dân heite om mak.

GALATIANHEI 6:1

Kasōpuihei, mi inkhat in ṭhatmak atlo nanhmusōt jo’nchu, rathla mi kachang nangni’n ama kha malung kadâi nenga adik nôkna sik tlo ruh. Khana nangni’m mathlemna nantlâk makna sik, nanbinga in-en kaṭha ruh.

GALATIANHEI 6:4

Nanbing omchen et nanta-ensui sik kae. Hivahi aṭhat inchu, tu mo inkhat taleitlo kha leh telo jena, nangni khet in nanta leitlo chunga inlensaktor sik chei.

EPHESIANHEI 4:2

Nangni ahei tik a nun-innem, nunkahōi, akadehrat chang ruh. Inkhat leh inkhat inbômtō una inlungsetna kha malâr ruh.

PHILIPPIANHEI 1:27

Tûn, apui karônpen khachu, kei nanka-en kahong tor inum, kahong tor mak inum, mandonna inkhat rōk leh maduna inkhat rōk a ṭong kaṭha taksen jâra inpunkhôma, nanre thōkna ṭongjai kha katheina sik khan chu nanhringkhō kha ṭong kaṭha tamadu dungjuia nanchôn sik kha kae.

COLOSSIANHEI 3:12

Nangni Pathen mi chei kae; atâ kachang sik a alungset chei khana akadei jo chei. Khava jâra lungsetna, lum lona, insinsakna, nunkahōi leh dehratna kha a’nvon nger sik chei kae.

TIMOTHY INKHATNA 4:12

Khangdông chang jâra mi’n hmumasi mak hei che rasoh, tâk ṭonghria, omchen a, lungsetna, taksena, khana inthenga na-omna kha akataksenhei sik a tekhing inkhat chang roh.

TIMOTHY INKHATNA 6:11

Achang ravâng Pathen mi kachang nang in, hivahei rakip hi dahlon hei roh. Dikna, bek-ôina, taksenna, lungsetna, dehratna leh nunhōina changna sik tak intlo roh.

TIMOTHY INHNINA 2:25

nakadōihei kha nun innemtak a namandik sik hei kae, ajârchu Pathen in anmani kha malung thlengna pha apek heia akadik kha heimanhret um aja a kae.

TITUS 3:2

Tûte’n ṭhatmakna anhrimakna sik, tâk nun-innem, mi leh inthlop thei changa khana mi rakip hneng malung kadai malârna sik manthei hei roh.

HEBREWHEI 13:5

Sêr madu hringkhō kha masō ruh, nannei khakham kha tlaipui ruh. Ajârchu Pathen in ati jo, “Ke’n nangni dahlon mak chei ning, masō’m masō mak chei ning.”

JAMES 1:21

Khava jâra a’nthengmak leh akadik mak omchen rakip a inphut tlânsōt ruh. Pathen hneng hlut ruh, khana nankahuk inhringtor sik ṭong nanmalung shunga aling jo kha rahlâng ruh.

JAMES 2:18

Tâk-kha mi inkhat in ahri sik, “Mi inkhat in taksenna anei khana inkhat in ṭōn tlona anei.” Kei masônna khachu hi kae, “Ṭōntlo kasea heikhong mo mi inkhat in taksen kha anei tor amanhmu roh. Ṭōntlo vânga kei taksenna chu kamanhmu sik che.”

JAMES 3:1

Kasōpuihei, nangni mi katamtak mi’nthei akachangmak sik chei kae. Nantamanhret kapōa, eini mi’nthei me hi milak-hei kanek a kakhôk chet a niṭong antan sik kae.

JAMES 3:17

Tâk-kha chunga inphut a singna khachu, hma inkeipena a’ntheng kae; khan chu mōngna kasip, nunkahōi, ṭhōn changtheina kha kae; hivahin lum lona kasip khana ṭōn kaṭha kara khômna kha amannei; hivahi inṭhat hlemsakna leh ôtum aka-om hêrmak kha kae.

PETER INKHATNA 1:15

Khava kanek a chu, nankabekpa a’ntheng kapōa nantlona rakip a intheng ruh.

PETER INKHATNA 2:12

Limsyem inmuk he’n nangni ṭōnse nantlo tia anmaset chei pha, nanṭōn kaṭha tlo kha anmanhretsōt a, ama jōngna Kani ning Pathen anmanpâk theina sik, anmani kâra nan-omchen akaṭha sik kae.

PETER INKHATNA 2:9

Tâk-kha nangni chu kadeisōt phung, Rengpa thempu, a’ntheng jât, Pathen khet mi, Pathen ṭōntlo inlak kahrile sik a a’nthima inphut a vâr inlak a abeksōt jo chei kha kae.

PETER INKHATNA 3:4

Khava kanek a, nanhme ṭhatna khan nanshunga lungri kadiktak kha a’nveisa sik kae, khavakha Pathen hmit ena mankatampen nun-innem leh malung kadai, kum leh thla’n manvōi torlo hmeṭhat kha kae.