JAMES 2:13 - LEKHARABU INTHENG (BSI)

¹³ Ajârchu maritna kaneimak mi kha Pathen in aṭong atan pha marit a tlomak ning; tâk maritna khan ṭong tanna kha ator.

JAMES 2:13 ပူးပေါင်းရင်းမြစ်များ

A’NPHUTNA 42:21

khana anmani khat leh khat inbek hei, “Kadik, tûn hi ninaipa hnenga nilei tlona kara kha nichunga inrengna nihong ratō jo kae; ama’n inthōpuina ader me pha khan ama inreng hêr jo ti kha nimanhret, tâk eini’n leirangei pek mak me. Khava jâra khan tûn eini’n hiva inrengna hi niratō jo kae,” anti.

THUHMINGHEI INHNINA 28:11

Kaṭong rangei ruh! Hiva khum mihei hi nansōpuihei kae. Sesōt hei rasoh, achangmak inchu Rōngpu’n ahnuknat a karâkna apek sik cheia kae.”

HLAHEI 18:25

O Rōngpu, nahnenga taksenthei kachang hei hnenga taksenthei kachang che, khana pui katluk hei hnenga pui katluk a akaṭha kachang che.

HLAHEI 85:10

Lungset leh taksen kha hong inmat sik hei; akadik leh lungmōng kha hong inchun sik hei.

ṬONGCHÎK-HEI 21:13

Sarahei ṭap rasa narangei pek mak he’nchu, inthōpuina sik naṭapna kha theipek mak tin.

ṬONGCHÎK-HEI 22:16

Mikaneihei hneng kutchoi napek inchu a-emak leh nahaona sik sarahei kha nasuk manrim he’nchu, sara hongkachang sik che.

ISAIAH 27:11

Thing bâk-hei kha hong kachâra katlek jo hei, khana nuhmei he’n thing ti sik a anchom mantûp jo hei. Ajârchu mipui he’n heite manhret mak hei, ankasyem Pathen in lungset a rônmak hei ning khana maritna malârmak ning.

JEREMIAH 9:24

Mi inkhat in a’nlensak hnōm inchu, anmani’n kei hi amanhretna eng leh kaṭong hri alothei jâra a’nlensak sik kae, ajârchu kei lungsetna chu inthlengtik neimak, khana akadik kha ke’n katloa kae. Hivahei hin kamalung anmantlaia kae. Rōngpu ke’n kahri jo kae.”

EZEKIEL 33:11

Manthei hei roh, kei hi Chunghnung Rōngpu kachangkhet jâra, setna karônhei thina en-hnâm sik kha kahōi sakmak eng. Ansetnahei anbâng leh akahring sik hei kha ka-enhnōm. Israel, dikmak natlona kha hai jo roh. Heisa mo akathi hnōm che?

MICAH 7:18

O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

MATTHEW 5:7

“Milak chunga lungsetna kaneihei kha anmahâm kaṭha; Pathen in alungset sik hei!

MATTHEW 6:15

Tâk nangni’n mihei nanrangei mandam mak inchu, nan-Pa’num nangni ṭhenahei kha rangei mandam mak chei ning.

LUKE 16:25

“Tâk-kha Abraham in ati, ‘Eh sapa, mandon roh, nang hringkhōa neinâk kaṭha rakip le’npek jo che, Lazarus in akaṭhamak rakip aleichen jo. Tâk-kha tûnchu ama kahōia hin ka-om jo, nang in khōdeng nathei joa kae.

LUKE 6:37

“Milak ṭong tanmak ruh, nanṭong Pathen in tanmak ning; mi masetmak ruh, Pathen in masetmak chei ning, mi rangei mandam ruh, Pathen in arangei mandam sik chei.

JAMES 3:17

Tâk-kha chunga inphut a singna khachu, hma inkeipena a’ntheng kae; khan chu mōngna kasip, nunkahōi, ṭhōn changtheina kha kae; hivahin lum lona kasip khana ṭōn kaṭha kara khômna kha amannei; hivahi inṭhat hlemsakna leh ôtum aka-om hêrmak kha kae.

JAMES 5:4

Nanhleia ratha nantamanrōi hei khachu aman pek mak chei. Anrasa nei kha rangei pek hei ruh. Nansâng kakhôm hei malung hōimak a an-ông rasa khan akahratpen Rōngpu, Pathen omna langa hong katlung jo.

ṬONGKATANHEI 1:7

Adonibezek in ati, “Reng 70 hei ankutpui leh ankepui kaleitan he’n kabusâk bang kadokhâng thōia anleihrut. Anhnenga kataleitlo kha Pathen in kei hneng phu ahlō jo eng kae.” Ama Jerusalema anheiṭhōia khan kathi jo.

ṬONGKATANHEI 5:27

Ama kha amarkhup a katlu jo; Amanu ke kunga ama kha amarkhup a inkuna kapûr jo, ralei ṭōnglaia katlua, kathi jo.