JAMES 1:4 - LEKHARABU INTHENG (BSI)

⁴ Nande hratna khan heite katlasam mak, pui katluk kha nanchangna sik nanhlam hrona tlâksamloa aṭhōi chei ti kha manchên ruh.

JAMES 1:4 ပူးပေါင်းရင်းမြစ်များ

JOB LEKHARABU 17:9

Kajathei ung kati hei khan anmani kadik ung tia indon chet-chet jo hei.

HLAHEI 37:7

Dehrat roh khana Rōngpu ṭōn tlo sik kha hngâk roh; mikahaohei chunga khan malung manchâm mak roh, a-emak leh anmani ṭhatmak ṭōn mantlukna hei hme ansō jâra malung hōimakna neimak roh.

HLAHEI 40:1

Ke’n Rōngpu inthōpuina kha ratha kahroktak a kaleihngâk; khava pha ama’n kaṭana rasa kha athei pek eng.

ṬONGCHÎK-HEI 4:8

Singna kha madu roh, ama’n mikalen amanchang sik che. Kakō tlit roh, ama’n kajana ahei rôn pek sik che.

HABAKKUK 2:3

Mazet inna da roh, ajârchu hihei huitlungna kha apha la-emak a kae. Tâk apha kha kajōngbei sik jo, khana ke’n kamanhmu che kha hui akatlung sik kae. Jâmtak a akahong apō sik, tâk leihngâk roh; ahei kasōk nger sik kae, sôtmak jo ning.

MATTHEW 10:22

Kei jâra mi rakip in an-en kada sik chei. Tâk achaina katlunga akahnet kha huksōt kachang sik.

MATTHEW 19:20

Rether khan ahnenga amasôn, “Hiva ṭongpek-hei seng hichu ke’n kahei juisa hei kae. Heimo kalavât aka-om?”

MATTHEW 5:48

Marvâna nan-Pa kha pui katluk kapōa, nangni um pui akatluk nger sik chei kae.

MARK 10:21

Jesu’n ama lungset pum a a-en kanga, ahnenga ati, “Nang napui tlukmakna inkhat rōk ka-om. Se roh, nanei rakip vajōr roh, khana sara khōdeng katheihei pek hei roh, khana nang in marvâna karōi nanei sik; khava sōa hong ina kakahnung ajui roh.”

LUKE 18:22

Jesu’n kha athei pha, ahnenga, “Nang in natlo sik inkhat alavât; nanei rakip vajōr ina, nasêr kha sara khōdeng katheihei vasempek hei roh, khan chu marvâna karōi nanei sik, khana hong ina kakahnung ajui roh,” ati.

LUKE 21:19

Kahnet a ngir ruh, nanbinga inhuk sik chei.

LUKE 8:15

Ralei thaiṭhatna akatla hmuchihei khachu aṭong kathei, akaṭha malung karôn, aṭong kajui khana an-inramak kârseng takkatlo hei kha kae.

JOHN 17:23

Anmani pui katluk a pumkhat rōk anchang theina sik, kei najōngtir eng leh kei nalungset eng kapōa anmani nalungset hei kha vânhnōi in anmanhret theina sik kei anmania ka-om eng khana nang keia ka-om che.

CORINTHIANHEI INKHATNA 2:6

Achang ravâng ke’n rathlatinga pui katluk hei hneng singna ṭong kha kahri kae. Tâk-kha hivahi raleichung singna ṭong kha changmak, khan chu raleichung vaikarôn ratha hratna kha’m changmak, ratha kahrat hei anratha hrat ahong katlang jo kha’m changmak.

GALATIANHEI 6:9

Khava jâra ṭōn kaṭha tlona châmmak rih; ajârchu eini’n ṭōn kaṭha kha bânglo jena nitloṭhak inchu, akara lōk pha kha alajōng katlung nger sik kae.

COLOSSIANHEI 4:12

Nanloi kâra mi inkhat Jesu Christa sōk Epaphras in chibei ahei pek chei. Ama’n nangni Pathen lungdo katluktak a akajui, pui katluk leh akahnōm inchên jo Christian, akangir inhnet nanchangna sik a Pathen hneng angêk a, nangni sik a malung kahluttak a derna aneia kae.

THESSALONIANHEI INKHATNA 5:23

Keini hneng mōngna anikapek Pathen khan ahlam rakip a mantheng chei rasoh. Khana nantaksa pumpui, malung, rathla khana taksa, ni-Rōngpu Jesu Christa ajōng pha nōrna kase manchang chei rasoh.

TIMOTHY INHNINA 3:17

Pathen inzenhei kha themna langa pui antluk a akaṭha ṭōn antlona sik a, hmangchâk rakip an-invon torna sik a kae.

JAMES 1:5

Tâk-kha nankâra tu achang inum singna tinga akatlasam a-om inchu anikapek sik Pathen hneng ama’n der rasoh, ajârchu Pathen in mi rakip malung kalentak a leh marittak a apek hei kae.

JAMES 3:2

Eini mi rakip in ṭhena ninei ri. Tâk-kha mi inkhat in aṭong hrina ṭhena aneihêr mak inchu, ama kha ataksa pumpui insur tor pui katluk mi inkhat kae.

PETER INKHATNA 5:10

Tâk-kha nangni’n pha bongkhat inrimna nande pha, Christa leh inchunna shunga kumsôt a lûrna kachen sik a nankabekpa, Pathen amatak in pui amathluk sik chei khana akahnet, ratha kahrat, ngirna hmun inkhat apek sik chei.

PETER INHNINA 1:9

Tâk-kha tu achang inum hihei kaneimak mi khachu ahmit kachoa akahla hmutor mak khan chu hmalaia ansetna mantheng jo hei kha amahngia kae.