JAMES 1:17 - LEKHARABU INTHENG (BSI)

¹⁷ Kutchoi kaṭha rakip leh kutchoi pui katluk rakip marvâna inphut kae; khavakha marvâna vârhei kasyem, inthlengtik kaneimak khana ahmai amahea inthim insōmak, Pathena inphut kae.

JAMES 1:17 ပူးပေါင်းရင်းမြစ်များ

A’NPHUTNA 41:16

Joseph in, “Reng Kalûr, Ke’n kha tor mak eng, tâk Pathen in akaṭhalanga malesōtna kha ahei pek sik me,” ati.

THUHMINGHEI INKHATNA 22:12

Rōngpu na-Pathen khan Israel kha ama Dân dungjuia vai narôn torna sik inritak a singna kha mannei che rasoh.

THUHMINGHEI INKHATNA 29:19

Kasapa Solomon hi naṭongpek rakip a malung akhenga anjui hnōmna sik, khana kaleimantluk Bek-inn asakna sik lungthim ratha pek roh,” atia kae.

HLAHEI 102:27

Tâk-kha nang chu nangaia ka-om ṭhak che, khana nahringkhō kha inchaitik om mak.

HLAHEI 122:6

Jerusalema intōk incham lengna sik a der ruh: “Nang inlungset he’m khang sōt hei rasoh.

HLAHEI 136:7

Ama’n kani leh thla asyem hei; alungsetna kha kumleikōa kae;

HLAHEI 84:11

Rōngpu hi eini kahuk leh reng kalûr kha kae, lungset leh manlûrna pum a vâng apek me. Akadik katlohei sik a akaṭha neinâk pek sik kha heite maner mak.

HLAHEI 85:12

Rōngpu’n eini mikahao amanchang sik me, niram hin kara katamtak ahong majōr sik.

ṬONGCHÎK-HEI 2:6

Singna kapek kha Rōngpu kae, ama a inphut themna leh manhretna hong kasōk.

ISAIAH 28:26

Ama’n aṭōn kha heikhonga tlo sik ti amanhret, ajârchu Pathen in ama amantheia kae.

ISAIAH 45:7

Ke’n vâr leh inthim hi kasyem kae; ke’n mahâmṭhatna leh mahâmsetna kahei rôn kae. Hihei rakip hi, Rōngpu ke’n katlosōt kae.

ISAIAH 46:10

A’nphutbia inphut ahong kasōk sik kha kalei hridek; tenlai khan ahong kasōk sik kha kahri masadek. Kaṭōn mantluk hei kha sôihêr mak ning, khana tlo sik a kamandon hei seng kha katlosōt sik tia kaleihri.

ISAIAH 60:19

“Sûna kani kha nang sik a vâr chang nôk mak jo ning Achangmak leh jân a thla kha nang sik a vâr chang nôk mak jo ning; Rōngpu kei hi nang sik a kumleikōa vâr kha kachang sik jo eng; Kei lûrna vâr khan nachunga asêr manvâr sik jo.

MALACHI 3:6

“Kei Rōngpu eng kae, khana kei inthlengtik neimak eng. Khava jâra nangni Jacob sōn leh pârhei ala’nhmangsō mak chei kae.

MIJAHEI 11:17

Khana khan kei jōng kaṭum sik enga kha ka’n bekpui sik che, nachunga ratha kaleipek che kha ṭhahrep kalosōt a anmani kapek sik hei. Khava sōa chu hiva mipuihei rahno rônna an-inthōpui tor sik jo che, nabinga inrôn mak jo tin.

MIJAHEI 11:25

Khava sōa Rōngpu kha sumtuk hlom kâra jōng kaṭuma ahnenga ahri jo. Ama’n Moses chunga ratha aleipek kha ṭhahrep alosōt a upa hlamkakei 70 kha apek jo hei. Rathla kha anchunga ajōng chu pha sânkathemhei kapōa ông leh peng anphut jo, tâk sôtmak a kae.

MIJAHEI 23:19

Pathen hi, malei kasei mihring kapō changmak. Ama hi malung kathleng lele mihring inkhat changmak. A’ntepna jo rakip kha, ama’n atlo; Ama’n ahri kha intlosōt a kae.

MATTHEW 7:11

Nangni mikaṭhamak chei in hmen nansahei akaṭha pekje nanmanhret a kae. Kha achang inchu, marvâna ka-om nan-Pa’n, ahnenga kader hei kha heituk akakhe chet a neinâk kaṭha apek sik chei mo!

LUKE 11:13

Nangni nanṭhatmak inum nansahei hneng neinâk kaṭha pekje nanmanhret. Marvâna ka-om nanpa rarap khan chu akader hei hneng Rathla Intheng kha heituk kakhea ajōng pek sik hei mo!”

JOHN 1:9

Raleichunga akajōng mi rakip kasat invâr ama kha vâr kadik khet kha kae.

JOHN 3:27

John in amasôn hei, “Marvâna inphut a Pathen tajōng pek mak mi khan heite chentor mak.

JOHN 3:3

Jesu’n amasôn, “Kadiktak a kahri pek che kae; tu achang inum avea a’nte thermak inchu Pathen Rengram kha hmutor mak ning.”

JOHN 8:12

Jesu’n Phariseehei hneng ṭong ahri nôk: “Kei vânhnōi vâr eng kae. Tu achang inum kei kahnung kajui khan hringna vâr kha anei sik, khana khō inthim thōia lônmak ning.”

ṬŌNTLOHEI 11:18

Hivahi anthei pha anṭong masetna kha kahai jo hei khana Pathen anchoi ka-âna, “Pathen in Jât-hlop hei hneng kapha malung thlengna leh hringna pha apek jo hei,” anti jo.

ṬŌNTLOHEI 5:31

Israel mipuihei hi an-insira ansetnahei rangei mandam anchen theina sik a tûnchu hlamkakei leh huksōtpa inkhat a Pathen in akut changting a’n-ong sik a amatungsōt jo.

ROMANHEI 6:23

Ajârchu setna tapek tloman khachu thina kae; tâk Pathen kutchoi pek mankase khachu ni-Rōngpu Jesu Christa leh inchunna shunga kumsôt hringna kha kae.

CORINTHIANHEI INKHATNA 4:7

Milak-hei kanek a, nang tu’n mo chung katōnga asyem che? Nanei rakip kha Pathen tapek che changmak mo? Kha achang inchu kaṭha jo, naneihei kha kutchoi aka-emak kapōa heikhonga mo a’nlensak tor che?

CORINTHIANHEI INHNINA 4:6

Ajârchu, “Khō inthimna inphut vâr kha hong kavâr sik!” kati Pathen khan Christa hmaisōa Pathen lûrna vâr kha kanman hretna sik kanmalung shunga avâr kasat invâr kha Pathen khet kha kae.

EPHESIANHEI 1:18

Amihei hneng heituk inlak mahâmṭhatna aleitep hei kha akachen sik a, abekna chei chunga nan-inhōrna kha nanmanhret theina sik, ama vâr kha nanhmuna sik, nanmalung kot a’nhlangna sik,

EPHESIANHEI 2:8

Ajârchu hivahi taksen jâra Pathen maritna khan ahuk manhring jo chei kae. Hivahi nanṭōn tlo jâra changmak, tâk Pathen kutchoi pek kae, hiva chunga tûte’n a’nlensak makna sik a kae.

DÂNRABU INHNINA 4:19

bōirōk a nantahmu hei kamukna leh razenna sik a intluk mak ruh – kani, thla, ârsihei. Rōngpu nan-Pathen in milak rakip hei takamuk sik a hihei hi apek hei kae.

PHILIPPIANHEI 1:29

Ajârchu nangni’n ama nantaksen jâr rōk a changloa, ama sik khōdeng nanthei jâra, Christa razenna sik pha kaṭha kha nangni a’npek jo chei kae.

TIMOTHY INKHATNA 6:16

Ama rōk akathi theimak kha kae. Tûte tahnai manhlut tor makna vâr shunga ka-om. Ama tûte’n lahmu mak hei; tûte’n hmutorhêr mak hei. Kajana leh ahei tik a vairônna kha atâ changṭhak rasoh! Amen.

HEBREWHEI 13:8

Jesu Christa khachu jâning, tuning, khana ahei tik a angangai kae.

JAMES 1:5

Tâk-kha nankâra tu achang inum singna tinga akatlasam a-om inchu anikapek sik Pathen hneng ama’n der rasoh, ajârchu Pathen in mi rakip malung kalentak a leh marittak a apek hei kae.

JAMES 3:15

Hinghiva singna hi marvâna inphut akajōng changmak; raleichung ta kae, hiva hichu rathla aka-emak ṭai kae.

JAMES 3:17

Tâk-kha chunga inphut a singna khachu, hma inkeipena a’ntheng kae; khan chu mōngna kasip, nunkahōi, ṭhōn changtheina kha kae; hivahin lum lona kasip khana ṭōn kaṭha kara khômna kha amannei; hivahi inṭhat hlemsakna leh ôtum aka-om hêrmak kha kae.

JOHN INKHATNA 1:5

Tûn keini’n asapa inphut kantathei ṭong khana kanta phôngsōt kha hi kae: Pathen kha vâr kae, khana ama hneng inthim inti hi om hêrmak.

JOHN INKHATNA 4:10

Lungset kha hi kae: eini’n Pathen nilungset jâra changloa, ama’n eini alungset mea nisetnahei rangei mandam theina sik a Sapa kha ajōngtir kha kae.

ṬONGPHÔNG 21:23

Khōpuia khan kani leh thla rangei mak, ajârchu Pathen lûrna khan khavakha asat manvâr jo khana kemōngte kha thaihmei vâr kachang jo.

ṬONGPHÔNG 22:5

Khana khan jân inti om mak jo ning, kanivâr leh hmeivâr rangei mak jo ning, ajârchu Rōngpu Pathen kha anvâr kachang sik jo, khana renghei kapōa are-rea anmani’n vai antarôn sik jo kae.

SAMUEL INKHATNA 15:29

Israelhei akalûr Pathen kha maleisei tlomak khana amalung thlengmak. Ama mihring inkhat changmak, amalung thlengmak.”