JAMES 1:12 - LEKHARABU INTHENG (BSI)

¹² Enmansinna shunga taksenthei kachang ṭhak kha mikahōihei kae, ajârchu enmansinna kha anrakan tor inchu, Pathen in alungset hei hneng pek sik a aṭong tepsa hringna lenlukhu kha tloman antarahlâng sik kae.

JAMES 1:12 ပူးပေါင်းရင်းမြစ်များ

A’NPHUTNA 22:1

Pha ṭhahrep khat sōa Pathen in Abraham kha enmansinna aleineia, “Abraham” tia abek. Abraham in amasôn, “Hôi, hin ka-om eng.”

NEHEMIAH 1:5

“Rōngpu, Marvân Pathen! Nang chu kalen che, nang kaṭit a keini kangir ung. Nang inlungset leh naṭongpek kajuihei chunga na’ntepna kha taksentak a natlosōt.

JOB LEKHARABU 2:10

Job in amasôn, “Nang in akae makjen nahri! Pathen in akaṭha hei kha apek me pha, inpâk a nirahlâng. Ama’n inrengna ahei tir pha, heisik a mo a’nphin sik me?” Job in inrengna heijalai aleide inum Pathen dōina ṭong heite leihri mak.

JOB LEKHARABU 5:17

Pathen in amandik mi kha amahâm kaṭha! Ama’n arasei che pha, theikada mak roh.

HLAHEI 11:5

Ama’n mikaṭha leh mikase in-angtlinga a-enmansin hei; dân kajuimak hei kha amalung pumpuia amater hei.

HLAHEI 119:67

Nang in khōdeng nani manthei mak lai khan, akadik mak a leikase eng, tâk tûnchu naṭong kajui jo.

HLAHEI 119:71

Nakarâkna eng kha kei sik a chu akaṭha kae, ajârchu khana khan naṭongpek amanthem chuk eng.

HLAHEI 119:75

Naṭongtan hei kha kadik ti kamanhret, Rōngpu, khana nang kha taksenthei nachang jâra karâkna kha napek eng.

HLAHEI 5:11

Tâk-kha nanga inhukna kahmu rakip inpâk sik hei; anmani’n tlaina hla ansakṭhak sik. Nang inlungset hei kha hrung hei roh. Nang jâra anmani kadiktak a a’npâk hei kae.

HLAHEI 94:12

Rōngpu, nang in namanse hei, nadân namanthei mihei kha heituk a akahōi hei mo?

SŌKSŌT 20:6

Tâk-kha kalungsetna hi kei inlungset leh kadân kajuihei khang lishing lishing hnenga katlung.

ṬONGCHÎK-HEI 17:3

Sana leh dangka a’ntheng leh a’nthengmak chu hmei vâng in-en, khana mi inkhat malung chu Rōngpu’n a-enmansin.

ISAIAH 64:4

Nang chunga inhōrna kanei mihei hnenga khang khava ṭōn katlosōt, nang kapō Pathen chu tûte inkhat in hmuphung mak, thei um lathei phungmak.

ZECHARIAH 13:9

Khana alakahring sem thum changna hei kha hmei in dangka amanthengsōt kapōa ke’n ka-enmansin sik hei. Sana enmansinna kapōa ke’n ka-enmansin sik hei. Khava sōa kahnenga derna anhongnei sik, khana ke’n kamasôn sik hei. Anmani kamihei kae tia kahri pek sik hei, khana anmani’n kei hi an-Pathen eng kae tia anhrisōt sik jo.”

MATTHEW 10:22

Kei jâra mi rakip in an-en kada sik chei. Tâk achaina katlunga akahnet kha huksōt kachang sik.

MATTHEW 25:34

Khava pha Rengpa khan achang tinga hei hneng, ‘Hong ruh, kapa mahâmṭhat pek hei! Vânhnōi insyembia inphut nangni sik a mantluksa rengram kha hongchen jo ruh.

LUKE 6:22

“Mihring sapa sik jâra, nangni mi’n anhōt cheia, anhnōm mak cheia, inzak anpek chei pha, khana mikaṭhamak anti chei pha, nanmahâm kaṭha!

ROMANHEI 5:4

dehratna khan Pathen manṭhatna amasō, manṭhatna khan inhōrna amasō ti eini’n nimanhret.

ROMANHEI 8:28

Ajârchu Pathen mantlukna dungjuia abek hei, ama inlungset mihei ṭhatna sik, heirakip a ṭōn atlo ti hi eini’n nimanhret.

CORINTHIANHEI INKHATNA 2:9

Achang inum ṭong intheng in ahri: “Tûte inkhat tahmu phungmak leh tathei phung hêrmak, tûte inkhat in kasōk sik tia amandon phungmak, khavatak kha, Pathen in ama inlungset hei sik a amantluk pek heia kae.”

CORINTHIANHEI INKHATNA 8:3

Tâk-kha Pathen inlungset mi kha Pathen in amanhret.

CORINTHIANHEI INKHATNA 9:25

Resik in-er rakip in an-inthem chûklai chôndân kadiktak thōia ka-om hei; khavakha akasôt hmangthei mak sik reihrui lukhu hmun a sik a kae; tâk eini chu kumsôt a aka-om ṭhak sik kha nihnong kae.

DÂNRABU INHNINA 13:3

anhnenga nanmalung manhlut mak ruh. Rōngpu nan-Pathen in enmansinna sik ahmang hei kae, nanmalung pumpuia Rōngpu kha nanlungset nâk mo ti kha enna sik a kae.

DÂNRABU INHNINA 7:9

Rōngpu nan-Pathen hi ama rōk Pathen kae khana taksenthei kae ti hi mandonsōt ruh. Ama inlungset leh aṭongpek kajuihei chunga khang lishing katlunga a’ntepna ajuia alungsetna amalâra kae,

DÂNRABU INHNINA 8:2

Heikhonga mo hiva kum 40 nêrdiram a hlam hro kaseitak Rōngpu nan-Pathen in aheikei chei kha mandonsōt ruh, heimo tlo sik nanta madu khana aṭongpek nantajui nâk sik mo ti manhretna sik, nangni enmansinna intak kha ajōng tira kae.

TIMOTHY INHNINA 2:15

Pathen dikna ṭong kha kadik a inthei, aṭōn tlona chunga inzakna kaneimak mi inkhat kapōa Pathen hmaikunga pui katluk manṭhatna chenna sik nator chenna intlo roh.

TIMOTHY INHNINA 4:8

Khana tûnchu Pathen leh mandik sapna torna tloman khan ahngâk ṭhak jo eng kae, khava Kani ning khan ṭongtan kadikpa Rōngpu khan apek sik eng, khavakha kei hneng rōk changmak, tâk ama ahon’lâr sik lungset a akahngâk rakip hei hneng um kae.

HEBREWHEI 10:32

Hmalai khan nanchunga heimo aleikasōk mandon ruh. Khava lai Pathen vâr khan ajōngsat chei kahnunga inrimna nanleithōk hêr, kha’num nanthōkna khan nangni leitor mak chei.

HEBREWHEI 11:17

Taksen jâra Pathen in Abraham a-enmansin pha, Abraham in asapa Isaac inthoina sik atōksōt a kae. Pathen ṭong inteppui kha Abraham kae; achang ravâng sapa inkhat rōk anei kha inthoina inkhat a tōksōt sik a le’ntluk a kae.

HEBREWHEI 12:5

Nanmalung ngamna sik Pathen in asa kapōa amathokna chei ṭong kha nantamahngi jo mo? “Kasa, Rōngpu’n amanse che pha, kaṭha rangei roh, khana arasei che pha, namalung mathla mak roh.

HEBREWHEI 6:15

Abraham in aleihngâk hrat, khava jâra Pathen ṭongtep kha aleichen.

JAMES 2:5

Kasōpui marit hei, rangei ruh! Hiva raleichunga sarahei kha taksenna langa akahao sik a, khana ama inlungset hei sik a, aṭongteppek Rengram kha akachen sik a, Pathen in akadei hei kae.

JAMES 5:11

Anmani’n andehrat jâra mikahōi niti hei. Job dehratna kha nangni’n nanthei jo, khana achaina Job sik heimo Rōngpu’n apek kha’m nanmanhret. Ajârchu Rōngpu kha maritna leh lum lona akasip kae.

PETER INKHATNA 3:14

Tâk-kha nangni’n akadik ṭōn nantlo jâra khōdeng nantathei achang inchu, heituk mikahōi chei mo! Tûte ṭitmak hei ruh, nanmalung um manrim mak ruh.

PETER INKHATNA 4:13

Khava kanek a inpâk jôk ruh, ajârchu alûrna kha ajōng inlâr pha nan-inpâkna kha pui atluk theina sik Christa demanrimna kha nangni’n nantachenpui kae.

PETER INKHATNA 4:14

Nangni inzakna anpek chei pha inpâk ruh, ajârchu Christa kahnung kajui chei kae; hivahi nanchunga Pathen Rathla, lûrna Rathla kha nanchunga inhnga tina kae.

PETER INKHATNA 5:10

Tâk-kha nangni’n pha bongkhat inrimna nande pha, Christa leh inchunna shunga kumsôt a lûrna kachen sik a nankabekpa, Pathen amatak in pui amathluk sik chei khana akahnet, ratha kahrat, ngirna hmun inkhat apek sik chei.

PETER INKHATNA 5:4

Khana kemōng kakhem kalen kha ahon’lâr pha, akaṭōi hêrmak sik lenlukhu kavâr kha nantachen sik kae.

JOHN INKHATNA 4:19

Pathen in ahma inkeia alungset me jâra eini’n ama nilungset kae.

ṬONGPHÔNG 2:10

Khōdeng nathei sik kha heite ṭitmak roh. Rangei roh! Seitan in nang enmansinna sik nankâra mi ṭhahrep hlungkura akhum sik chei, ni 10 katlunga nanmalung inrim sik. Thina katlunga taksenthei chang roh, ke’n hringna kha torna inpâkmana kapek sik che.

ṬONGPHÔNG 3:19

Ke’n kamalungset seng kamanse heia, karâkna kapek hei. Khava jâra malung kahluttak a nasetna inphut namalung thleng roh.

ṬONGPHÔNG 3:21

Torna kanei mi kha, tûn ke’n torna kaneia kapa len in-ongna hnenga ka’n-ong jo kapōa, ke’n kalen in-ongna hnenga a’n-ongna sik kapek sik.