ISAIAH 9:7 - LEKHARABU INTHENG (BSI)

⁷ Areng ratha neina kakhang injôn sik; arengrama chamna ka-om ṭhak sik. Ama’n Reng David karōi kahlō inkhat a vai arôn sik, aratha neina kha ṭongdik leh ṭongtak chunga inhnga sik, tuna inphut pha inchai katlunga. Chunghnung Rōngpu’n hiseng hi tlo sik a amandon jo.

ISAIAH 9:7 ပူးပေါင်းရင်းမြစ်များ

SAMUEL INHNINA 7:16

Pha rakip a sōn naneiṭhak sik a kha, narengram ahei tik a kamatung ṭhak sik. Nareng phung hrui inchaitik neimak ning.’”

RENGHEI INHNINA 19:31

Jerusalem leh Zion Tlânga akahring mi ka-om sik hei, ajârchu Rōngpu’n khanga akasōk sik kha amadua kae.

HLAHEI 2:8

Ader roh, ke’n nang jât rakip nakut a kapek sik che; raleichung pumpui hi nangta kachang sik.

ISAIAH 11:1

David rengsōn hi thingkung a’nphûr kapō kae; tâk akungbea inphut abâk ther hei a’ncher kapōa, David phung hruia inphut rengther inkhat ahong injōr sik kae.

ISAIAH 16:5

Khava sōa David sōnhei kâra inkhat in reng kachang sik, khana ama’n mihei kha taksen ka-om tak a leh lungset vânga vai arôn sik hei. Ama’n akadik kha inrangtak a atlosōt sik khan chu ṭongtan kadik tlosōtna sik a ama’n a-en kaṭha sik.)

ISAIAH 2:4

Ama’n jât kalenhei kâra innâkna ṭong atanpek sik hei. Anmani’n anchemjâm hei kha lôngkhuma ankheng sik hei khan chu ankasei hei kha thing bâk thlâkna chemcha a ankheng sik hei. Jât-hei kha re katuk se nôk hêrmak jo hei ning, re tlona sik a intluk hêrmak jo hei ning.

ISAIAH 26:11

Nang inrepui he’n karâkna napek sik hei kha manhret mak hei. Rōngpu, inzakna pek hei roh, inrenghei rasoh; nang in namantluk karâkna kha khōdeng theipui hei rasoh. Namihei heituk a nalungset hei mo ti kha manhmu hei roh.

ISAIAH 37:32

Jerusalema leh Zion Tlânga ka-om hei kahring sik hei, ajârchu akahratpen Rōngpu’n khanga amantluk jo kae.

ISAIAH 40:10

Chunghnung Rōngpu kha ratha kaneitak a vaikarôn sik a kajōng jo, ama’n ahuksōt jo mipuihei kha leh inṭhōia kajōng.

ISAIAH 42:13

Rōngpu kha rekahrâng inkhat kapōa re katuk a kase jo; ama intlukdek a ka-om khana re katuk sik aratha kahrok a kae. Ama’n hranhla kapenga, re ôngna aneia kae; a’nrepuihei hneng aratha hratna amalâra kae.

JEREMIAH 23:5

Rōngpu’n ahri, “David sōn mikadik inkhat reng sik a kakadeina sik pha kha kahong jo. Khava reng khan ram pumpui chunga kasing tak a akaṭha leh akadik vânga vai arôn sik kae.

DANIEL 2:35

Khava phatak a thir, matlak, sum-êng, dangka khana sanahei kha kakōi heia khōlum pha saphōra akajōngsōt vuibō ka-ang jo heia kae. Khahei kha thli’n asêmsō jo hei, inkhatbek inhmu phâkmak jo hei. Tâk-kha hlung khachu tlângbung inkhat hong kachanga ralei pumpui ahongmakhu jo.

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

DANIEL 7:14

Ama kha phung leh jât ṭong rakip in anrazenna sik ama kha ratha neina, kajana khana reng ratha kha anpek jo. Ama ratha neina kha ahei tik a ka-om sik, khana arengram ahei tik a bângmak ning.

DANIEL 7:27

Raleichung rengram rakip hei ratha hratna leh lenna rakip Chunghnung Pathen mihei hneng a’npek sik kae. Anmani reng ratha neina kha bângtik neimak ning, khana raleichunga vaikarôn rakip in anrazen heia anṭong anjui sik.”

HAGGAI 2:9

Bek-inn ther kha amarō kanek a akalûrchet sik kae, khana khan kamihei kha khangsōtna leh mōngna kapek sik hei.” Akahratpen Rōngpu’n ahri jo.

MATTHEW 1:23

“Nuhngâk Intheng inkhat in nai avona sapa inkhat anei sik, khana anmani’n arahming Emmanuel antati sik kae!” (“Pathen in a-ompui me” tina kae.)

JOHN 12:34

Mipui he’n anmasôn, “Nidân inchu Messiah kha ahei tik a akahring sik a ahri pek me. Kha achang inchu heikhong mo Mihring Sapa kha makheihlona aka-om nger sik kae nati tor? Khava mihring Sapa kha tu mo?”

HEBREWHEI 1:8

Hei-achang inum Pathen in asapa chunga ahri: “Eh Pathen, narengram kha kumleikōa ka-om ṭhak sik! Nang in namihei chunga akadik vâng vai narôn.

HEBREWHEI 7:24

Tâk-kha Jesu khachu ahei tik a kahring ṭhak, khana thempu ṭōn kha milak inkhat kut a pek sōt mak.

ṬONGPHÔNG 19:11

Khava sōa marvân inhlânga, shakor kabang inkhat aka-om ke’n kahmu. Achunga kachōngpa kha Akadik leh Taksenthei inti; Ama’n akadik vâng ṭong atana, are kha atuk a kae.