ISAIAH 9:2 - LEKHARABU INTHENG (BSI)

² Khō inthim thōia ka-om mihe’n, vâr kalentak inkhat anhmu jo. Anmani ram kajing rahle thōia leika-om hei. tâk-kha tûnchu vâr in anchunga asat manvâr jo.

ISAIAH 9:2 ပူးပေါင်းရင်းမြစ်များ

JOB LEKHARABU 10:21

Kei inranga kase sik jo eng khana he’nle nôk mak jo ning, khava ram inthim leh inrengna hmun a khan kase sik jo eng,

HLAHEI 107:10

Ṭhahrep khat lungjîng leh inthima kurkhum a khit karâk a khōdeng anthei,

HLAHEI 107:14

Anmani kha inrengna leh inthimna inphut aheiṭhōisōt hei khana anthirhrui hei kha asuk manchip pek jo hei.

HLAHEI 23:4

Khō inthimpak shunga kalôn innum, kei ṭimak ning, Rōngpu, ajârchu nang in na-ompui eng. Nakemōng khemna khōnghre leh natîngpum in ahuk eng.

HLAHEI 4:8

Jekhuma ka’nthlōng pha, kamōng tak a kaje eng; O Rōngpu nang rōk in pui katluk inhukna kha napek eng kae.

ISAIAH 50:10

Nangni Rōngpu kajana kanei seng, khana asōkpa ṭong kajuihei seng, nanhlam hro kha inthim thei sik, tâk-kha Rōngpu taksen ruh, nan-Pathena in-ngai ruh.

ISAIAH 60:19

“Sûna kani kha nang sik a vâr chang nôk mak jo ning Achangmak leh jân a thla kha nang sik a vâr chang nôk mak jo ning; Rōngpu kei hi nang sik a kumleikōa vâr kha kachang sik jo eng; Kei lûrna vâr khan nachunga asêr manvâr sik jo.

ISAIAH 9:1

Hiva inrimna inphut a hin anmani anphesōtna sik hlam om mak ning. Zebulun leh Naphtali phunghei ram hi vōi khat inzakna achen jo, tâk hnunga chu, Mediterranean nisōtinga inphut Jordan rekhat tinga ram katlung, ram hlop mihei omna, Galilee ramkei katlung hi kajana lahong ka-om sik.

AMOS 5:8

Rōngpu’n ârsihei asyem hei, ârsi rup leh ârsi kumri asyem hei. Ama’n a’nthim kha sûn kanivâr amanchang sûn kha jân amanchang. Ama’n tui-ôngpui tui kha abek a raleia abun mathlâk a kae. Ama rahming chu Rōngpu kae.

MATTHEW 4:16

Khō inthim thōia ka-om mihe’n vâr kalen inkhat anhmu sik. Khana thina ram daihlim thōia aka-om hei chunga vâr kha hong kavâr sik.”

LUKE 2:32

Jât-hlop hei hnenga nahlam malârna sik vâr inkhat, khana nami Israelhei lûrna kapek sik kha hi kae.”

JOHN 12:35

Jesu’n amasôn hei, “Vâr kha nankâra pha bongkhat rōkte ka-om sik. Nanchunga khō inthim kha ajōng makna sik nangni’n vâr nanneilai hin nanhlam hro kha manjôn ruh; ajârchu khō inthima ka-om mi khan khonting ajōna akase manhret mak.

JOHN 12:46

Kei anikataksen mi rakip inthim kâra a-om makna sik, kei raleichunga vâr inkhat a akajōng eng kae.

JOHN 8:12

Jesu’n Phariseehei hneng ṭong ahri nôk: “Kei vânhnōi vâr eng kae. Tu achang inum kei kahnung kajui khan hringna vâr kha anei sik, khana khō inthim thōia lônmak ning.”

EPHESIANHEI 5:8

Nangni inthim thōia khanga ale’nhmang chei kae, tâk tûnchu nangni Pathen mi nanchang jo jâra, khōvâra ka-om jo chei. Khava jâra vârta akachang hei kapōa aka-om sik chei kae,

PETER INKHATNA 2:9

Tâk-kha nangni chu kadeisōt phung, Rengpa thempu, a’ntheng jât, Pathen khet mi, Pathen ṭōntlo inlak kahrile sik a a’nthima inphut a vâr inlak a abeksōt jo chei kha kae.

ṬONGKATANHEI 5:30

“Anmani’n neinâk chom sik leh insem sik rōk a anjong, remi inkhat in nuhmei inkhat a-emak leh 2 chenna sik, Sisera sik a pōn leh der katamtak, rengnu rînga jemna sik a ret kabek pōnpek atete hei.”