ISAIAH 8:7 - LEKHARABU INTHENG (BSI)

⁷ Rōngpu ke’n Assyria rengkalen leh aremi rakip Judah re kasō sik a kajōngṭhōi sik. Anmani kha Euphrates Tuidung in tui alen pha tuipang achûmsō kapōa hongkahlut sik hei.

ISAIAH 8:7 ပူးပေါင်းရင်းမြစ်များ

A’NPHUTNA 6:17

Ke’n akahring ranhring rakip manram petna sik tuishâng kahei manlen sik. Raleichunga heirakip kathipet sik jo hei,

RENGHEI INHNINA 19:32

“Hivahi Rōngpu’n Assyria rengkalen chungchânga ahri kha kae: “Ama hiva khōpui kalena hlutmak ning, khana hiva dōina the sangkhat bek kâpsōt mak ning, khōpui hnenga remi inkhatbek aphō achem leh hongmak ning, khana kekhumna manhretna akimvea pi bung deng mak hei ning.

EZRA 4:10

hihei hi leh inṭhōia mihlop-hei, akalen ratha kaneitak Ashurbanipal in an-inn et a inphut athonsōt heia Samaria khōpuia leh tlaitlâk Euphrates ramṭhen a khō amathlâk hei kha inveisa hei.”

HLAHEI 46:4

Chunghnung ama inn inthenga khan, Pathen khōpuia khan inpâkna ajōng karôn tuidung inkhat ka-om.

HLAHEI 72:8

Arengram kha tui-ôngpui inkhat in inkhat a sunbit rasoh, Euphrates tuidunga inphut ralei inchaina katlung chang rasoh.

ISAIAH 10:16

Chunghnung Rōngpu’n von kakhop hei kha karâkna sik a nat leh sat ajōngtir sik. Antaksa chunga hmei in akânga akâng sik hei.

ISAIAH 10:5

Rōngpu’n ahri, “Assyria! Ke’n Assyria hi kahnuk inhnat hei chunga karâkna pekna sik a tingpumbe inkhat kapōa kahmang.

ISAIAH 11:15

Rōngpu’n Suez Tuikekâk amanchâr sik, khana Euphrates manchârna sik a thli kalum amasō sik, khana tu inkhat in se leh hong antlo theina sik a, tuidung kasintek 7 rōk aṭhensōt sik.

ISAIAH 28:15

Nang thina leh kathi vânhnōi leh inhnōmtōna nanei jo jâra inlensak che. Insuk inhmangna ahong pha aṭhensōt sik eng tia inngam che, ajârchu khava maleisei leh mihōnna chunga in-ngai chea kae.

ISAIAH 28:17

Ṭongtan kadik kha innhmun kahnet sik a temantōkna hrui kachang sik, khana malung intheng kha anṭōn enmansinna thirhlom hrui kachang sik.” Na’nhngatna maleisei rakip kha thli leh kahre inthōna khan asêm manjōng sik jo, khana nang inhrungna kha tuikalen in asuk manhmang sik jo.

ISAIAH 28:2

Rōngpu’n ratha kaneitak akahrat anmani kabuhlu sik a a’ntluk mi inkhat anei, thlipui, khō leh kahre inthō inkhat kapōa, khō kasûr inhnak kapōa, tuitlân inhnak leh heirakip akachûmsō kapō mi inkhat kae, khana raleichung asuksetsō sik kae.

ISAIAH 43:2

Nang in tui inthûk napetan pha, ke’n ka-ompui sik che; nang inrimna khan tor mak tin. Nang in hmeishunga narakan pha, akâng mak tin; akahong sik enmansinna inhnak-hei khan manset tor mak tin.

ISAIAH 59:19

Nisōa inphut tlaitlâk katlunga mi rakip in ama leh aratha hratna kha anṭit sik jo. Ama kha tuidung alōng inhnak leh thlipui inhnaktak kapōa kajōng sik.

ISAIAH 7:17

Rōngpu’n nang chunga, namihei chunga, khana reng innshung rakip chunga, Judah a inphut Israel rengram a’nṭhensōt khava shung senga aleikasōk rakip inrengna kanek a akakhôk chet ajōng masō sik, ama’n Assyria reng aheiṭhōi sik jo kae.

ISAIAH 7:20

“Khava pha ahong tlung pha, Rōngpu’n Euphrates re kea nasam kavo inkhat amarōi sik–Assyria reng kalenpa khan–nanhnerhme, nanlusam leh nantaksa avo mankek sik.

JEREMIAH 47:2

Ama’n ati, “Enroh! Sak tinga tui kalen jo, tuilen laia tuidung inkhat kapōa jōng kalōng inhnak sik. Khava khan ram leh khana aka-om rakip khōpuihei leh ashunga ka-om mihei akachûm sik hei. Mihe’n an-inthōpui sik a mi anbek sik hei, raleichunga aka-om seng inhnaktak a kaṭap sik hei.

JEREMIAH 51:42

Tuipui in-nông in Babylon avûrsi, tui inhrung khan achunga amakhusi.

EZEKIEL 26:19

Chunghnung Rōngpu’n ahri, “Ke’n nang tûte inkhat om makna khōpui inhmangna leh akaram a kasyem sik che. Tui-ôngpui tui inthûk vâng kaman chûm sik jo che.

DANIEL 11:10

“Syria rengpa sahe’n re tlo sik a intluk sik hei, remi katamtak anmantûp sik hei. Ankâra inkhat in tuishâng kalen inkhat kapōa inranga kase sik, inrepuihei rekur inkhat asukkhōi sik.

DANIEL 11:22

Ama kadōi rakip, Pathen Thempu Kalen katlung um, suk manhmang sik hei kae.

DANIEL 9:26

Khava pha a’nchai leh Pathen takadeisōt hlamkakei kha dikmaktak a anmahera anthat sik. Khōpui leh Bek-inn kha ratha kaneitak vaikarôn remi he’n ansuk manhmang sik. A’nchaina kha Pathen in amantluksa re leh suk manhmangna ahei rôn kha tuikalen kapōa kahong sik.

AMOS 8:8

Khava jâra, ralei innok sik, mi rakip anmalung inreng sik. Ram pumpui innok sik; Nile tuidung kapōa kaketou sik, kaṭumsuk sik.

AMOS 9:5

Akahratpen Chunghnung Rōngpu’n raleichung hi atôn, khana innok a kae; khana aka-om seng he’n ṭajai ansui. Raleichung rakip Nile Tuidung kapōa kaketou khana katlasuk hei.

MICAH 1:9

Samaria natna bi dam tor mak ning, khana Judah’n khava kapōa khōdeng theina aratō sik; insuksetna khan kamihei omna, Jerusalem kekot a hong katlung jo.”

MICAH 5:4

Ama ahong phatak leh, Rōngpu leh Rōngpu Pathen ama khet a alûrna inphut ratha hratna akajōng khan ama’n amihei vai arôn sik kae. Ama mihei kamōng tak a ka-om sik hei, ajârchu raleichung pumpuia mihe’n ama lenna anhnōm sik a kae,

MICAH 5:5

khana ama’n mōngna ahei choi sik. Assyria he’n nirama re anheitloa nirekur hei ansukkhōi pha, nihlam kakei kahratpen hei kha anmani re katuk sik a nitir sik hei.

NAHUM 1:8

Tuishâng kalen ahongtlen inhnak kapōa ama ka-en kadahei amanhmangsō hei; ama kadōihei kha thina apek heia kae.

LUKE 6:48

Ama khachu a-inn asak pha, innhmun inthûktak a kacho, hlungpui chunga kadeng mi kha kae. Tuidung pang tui inlet inthla jo, tui mathlung in inn kha avasuk jo, tâk manhling tor mak, ajârchu inn kha kaṭhatak a asak kae.

ṬONGPHÔNG 17:15

Ngeva kha’num kahnenga ahri, “Nang in nahmu nuhmei in-ongna tui kha, jât-hei, mipuihei, phunghei, khana ṭonghei kae.