ISAIAH 66:3 - LEKHARABU INTHENG (BSI)

³ “Mihe’n antamadu kha antlo. Inthoina sehratche inkhat anthat a achangmak leh mihring inkhat antōk innum anmani sik a in-angtling; kemōng inkhat antōk a achangmak leh ui inkhat arîng anmahertan inum; hmuchi kara antōk a a-emak leh vōk thisen antōk inum; marim katui antōk a a-emak leh limsyem hneng ander inum thakhat hei kae. Mater ka-om tak kamukna omchenhei hi anmani’n tlaina anneia kae.

ISAIAH 66:3 ပူးပေါင်းရင်းမြစ်များ

ṬONGCHÎK-HEI 15:8

Mikaṭha he’n derna annei pha Rōngpu malung katlai, tâk mikaṭhamak he’n ahnenga anta heichoi inthoinahei kha amater.

ṬONGCHÎK-HEI 21:27

Mikaṭhamak he’n tōk sik anta heichoi neinâk kha Rōngpu’n amater; adek a anmalung mandon intheng loa antlo’nchu.

ISAIAH 44:19

Lim kasyempa khan hinga hrina sik lungri leh mandon theina neimak, “Thing harkhat chu ke’n hmeia kati jo. Buhlom kakatheia hme karaheia kasâk a kae. Khana a’nhlei ṭhahrep vâng lim kasyema kae. Hinahin thingtum inkhat hnenga ke’n kakamuk kae nu!” titor mak.

ISAIAH 53:6

Eini nikhenga kemōng hlam invai kapō kachang jo me, eini nikhenga nibing et hlam a kase jo me. Tâk-kha Rōngpu’n khava karâkna kha ama chunga amathlâk jo, eini nikhenga nichen sik a rahōi kasōk karâkna kha.

ISAIAH 57:17

Kei, anmani setna leh anphâmhrai set jâra anchunga kahnuk leikana, khava jâra ke’n karâkna kapek heia kaleidahlon jo hei. Kha’num anmani anracham kasea antamadudu antloṭhak a kae.

ISAIAH 65:12

Kabek chei pha amasôn mak chei khana ṭong kahri pha nanrangei mak jâra nangni re leh sha shunga nanthi sik kha nangnihei mahâm kha kae. Nangni’n kei ṭong juimak sik leh ṭōnse tlo sik jôk kha nankadei.

ISAIAH 65:2

Kei kamihei malung kasak, akadik mak tlo leh antamadu-duna akasesōt hei rahlângna sik a intluk ṭhak eng.

ISAIAH 66:17

Rōngpu’n ahri, “Khōvelhei kamukna sik a’nsuk intheng hei, rahōn inthenga injôk a kase hei, khana vōk hme leh maju khana mater ka-om thlai kasâk hei sik a pha inchaina kha kahnai jo.

JEREMIAH 6:20

Anmani’n Sheba a inphut marim katui khana ram kahlatak a maru-marâng kahnenga anta heichoi kha katei sik mo? Anmani neitōknahei rahlâng mak ning khana an-inthoina hei chunga tlaimak ning.

LEVI-DÂN 2:2

khana Aaron innshunga thempuhei hneng ahei choi sik kae. Rōikaver sik thempu khan jâmdi kut maja khat leh thai leh marim katui rakip kha aloa maichâm chunga aro manvâm sik, hivahin akhenga Rōngpu hneng intōk jo tina kachang sik. Hiva thlai tōkna marim hi Rōngpu tlaina kae.

HAGGAI 2:14

Khava sōa Haggai in ati, “Khava kapōhrep a hiva jât mihei leh hmuchi kara antakeisō rakip chunga’m akachang sik kae, achang jâra maichâma a’ntōksōt rakip akabōkpet kae.”

DÂNRABU INHNINA 14:8

Vok-hme sâk mak ruh. Khahei kha intheng mak tia lo sik hei kae; anke matin chu inbâk tâk thlai chu mancha mak hei. Hiva shahei hi inkhatbek sâk mak hei ruh khana ankathi kalōng bek um tônmak hei ruh.

DÂNRABU INHNINA 23:18

Khan nôk chu, khanga tloa sêr hlō kha intepna pui tlukna sik Rōngpu nan-Pathen inna heichoi theimak ning. Rōngpu’n bek-inna noti amater hei.

ṬONGKATANHEI 10:14

Nangni’n nanta madu pathenhei hneng se una vader ruh. Nangni’n khōdeng nanthei pha anmani’n huk chei rasoh.”

ṬONGKATANHEI 21:25

Khava lai Israel he’n reng leinei mak hei. Mi rakip in antamadudu anleitloa kae.

ṬONGKATANHEI 5:8

Israel he’n pathen ather ankadei pha, ram shunga re leikasōk, Israel mi 40,000 hei mi inkhatbek in pho leh kasei anta leichoi mo?