ISAIAH 66:2 - LEKHARABU INTHENG (BSI)

² Ke’n vânhnōi ralei pumpui hi kasyem kae! A’nsinsak a malung insir hei khana ani kaṭit leh kaṭong kajuihei chunga kei kamalung katlai.

ISAIAH 66:2 ပူးပေါင်းရင်းမြစ်များ

RENGHEI INKHATNA 21:29

“Ahab in ka-âng shunga a’nsinsak dân so nahmu mo? Ama’n hinga atlo jâra ama hring kârseng chu inrengna kha achunga mathlung mak jo ning; asapahei hringkhō shunga Ahab innkōhei chunga inrengna kamathlung sik jo.”

RENGHEI INHNINA 22:10

Khava sōa ama’n ahri, “Hinahin Helkiah’n lekha inkhat apek eng kha kanei.” Khana ama’n kare inhrektak a arengpa hnenga atei pek jo.

RENGHEI INHNINA 22:11

Lekha intei kha rengpa’n athei pha amalung inrima apōn akei hlera kae,

EZRA 10:3

Tûnchu eini’n ni-Pathen hnenga ka-ôrtak a intepna ninei sik kae, ti chu hiva nuhmeihei leh ansahei hi nitirsōt sik hei kae. Nang leh Pathen ṭongpek kajana akanei alakseng in tlo sik a mansena nantanei kha kantlo sik jo. Pathen Dân tarangei kha kantlo sik jo.

EZRA 9:4

Khōhleia ran inthoina pha ahong tlung mak kârseng inrengtak a le’n ong eng, khana khava rehringa ahong inle hei setna chungchânga Israel Pathen in aleihri jâra ṭit leh inpirna akanei mipui rakip he’n kakimvea hong intûp hei.

HLAHEI 119:120

Nang jâra kei kaṭi eng; naṭongtan sik jâra ṭitna kasip eng.

HLAHEI 119:161

Ratha kahrat mihe’n dik loa anibuhlu eng, tâk nadân kha kajana kanei.

HLAHEI 138:6

Khang hrep a chung inshâng nachang inum, inhnemtak a ka-om hei kha na-ensui hei, khana mi inlensak khan nanga inphut inthup tor mak.

HLAHEI 34:18

Rōngpu kha inngamna kaneimak jo hei hnenga ka-om; inhōrna kaneimak jo hei kha ahuk hei.

HLAHEI 51:17

Eh Pathen, rathla insinsakna kha kei inthoina kae; nang in malung insinsak leh insirna hi hlonsōt mak tin che.

HLAHEI 51:19

Khava pha khan akadiktak inthoina leh keini ro-inthoina khan katlâi sik che; sehratche kha namaichâm chunga kantōk sik.

ṬONGCHÎK-HEI 28:14

Pha rakip a Rōngpu ṭong jui roh kha achang inchu hōina nahmu sik. Naracham aset inchu, nang inhmang sik che.

ṬONGCHÎK-HEI 29:23

Racham kase hin thōi tlâkna amannei sik che, tâk na’nsinsak inchu, mi’n ankaja sik che.

ISAIAH 40:26

Bōirōk chungting khi enroh! Tu’n mo nang in nahmu ârsi heikhi asyem? Remihei kapōa anhlam kaṭhōi inkhat kha kae, anja heija hrep hei mo ti amanhret hei, khana anrahming et a abek hei! Ama ratha kha kahrat hêr– inkhatbek um inhmang hêrmak!

ISAIAH 41:20

Mihe’n khahei kha anhmu sik khana anmanhret sik Rōngpu kei tatlo kae tia. Anmani’n Israelhei a’ntheng Pathen in hihei hi amasō kae tia anhong manhret sik.”

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

ISAIAH 61:1

Chunghnung Rōngpu’n arathla intheng amansip eng. Ama’n kei akadei enga atir eng, Sarahei hneng ṭong kaṭha karôn sik, Malung kakōi hei indam sik, Rehringa khum hei masōsōtna kaphông sik, Khana kurkhum a ka-om hei ning leh hnōma masōna sik.

ISAIAH 66:5

Nangni aṭong kajui leh akaṭit hei Rōngpu’n heimo ahri hi rangei ruh: “Nangni kei hneng taksenthei nanchang jâra, nanmi ṭhahrep in anhōt chei, khana nangni leh heite tlosap mak hei. Anmani’n anmanuisō cheia anhri, ‘Keini’n nan-inpâkna kha kanhmuna sik a Rōngpu’n alenna malâr sona, huksōt chei rasoh.’ Kha’num, anmani jôk hmesetna antachen sik kae.

HOSEA 11:10

“Kami kadōihei hneng ke’n shabakkai kapōa ka’nhrung pha, kami he’n kakahnung anjui sik eng. Anmani tlaitlâk tinga inphut kahnenga inranga kahong sik hei.

MICAH 6:8

Changmak, Rōngpu’n akaṭha kha ahri pek jo me. Ama’n einia inphut amadu khachu: akadik tlo sik, inlungsetna injônjet a malâr sik, khana insinsaktak a Pathen leh inṭhōi sik hi kae.

HABAKKUK 3:16

Hiseng hi kathei jo, kei innok eng; ṭit jâra karakam innok jo. Kataksa hi innok inthing jo, kake intlunhrek a thontor mak eng. Pathen in keini ani kabuhlu hei akarâkna sik pha kha ahong tlung sik kha sip katia kanhngâk sik.

MATTHEW 12:6

Bek-inn kanek a akalen jôk inkhat hin ka-om ti hi ke’n kahri pek chei kae.

ṬŌNTLOHEI 7:50

Hihei rakip hi kei tasyem changmak hei mo?’

ṬŌNTLOHEI 9:6

tâk thōi roh khana khōpui shunga son se roh, sova hmun a son heimo natlo sik kha anhri pek sik jo che,” tia aleihri pek.

PHILIPPIANHEI 2:12

Khava jâra kaṭhōnhei, kei leh ni-omsap laia kaṭong nantajui ṭhak kapōa khan, tûn nanhnenga ka-om mak pha hin kaṭong nantajui sik hi akakhôk chet apui karôn kha kae. Nan-inhuk inhringna pui atlukna sik, ṭittak leh ratha innok pum a ṭōn tlo ṭhak ruh,

COLOSSIANHEI 1:17

Christa kha heirakip a-om mak hma leika-om, ama leh inchunna thōia heirakip anhmun et a ka-om hei.