ISAIAH 66:16 - LEKHARABU INTHENG (BSI)

¹⁶ Raleichunga mi akaṭhe ahmu rakip hmei leh chemjâm vâng karâkna apek sik, mi katamtak athat sik heia kae.

ISAIAH 66:16 ပူးပေါင်းရင်းမြစ်များ

ISAIAH 10:4

Nangni rehmun a anthat sik chei, achangmak leh rehringa ankei sik chei. Kha achang jo’num Rōngpu hnuk natna kha labâng dekmak ning; karâkna pekna sik a akut akalâng hi sik.

ISAIAH 27:1

Khava kani ning khan Rōngpu’n Leviathan, a’nze lele leh a’nher lele rihren tuipui shunga aka-om takpum kalen kha karâkna sik leh thatna sik a ratha kaneitak mithatna achemjâm kha ahmang sik jo.

ISAIAH 3:13

Rōngpu’n aṭong tanna sik a intluk; amihei ṭong katan sik a intluk a kae.

ISAIAH 30:30

Rōngpu’n alûrna kare rasa leh ahnuknat rathahrat kha mi rakip amanthei et sik hei. Khana khan hmei male, sumtuk kapōk-khōi, kahre leh khō kasûr inhnak kasōk sik.

ISAIAH 31:8

Assyriahei kha rea suk manhmang sik hei kae, tâk-kha mihring ratha hratna vânga changmak ning. Assyriahei kha rehmun a inphut katlânsōt sik hei, khana anrether hei kha sōk manchang sik jo hei kae.

ISAIAH 34:2

Rōngpu kha ajât rakip chunga leh anremihei seng chunga ahnuk kana jo. Ama’n maset amanchen jo hei kha suk manhmang sik kae.

ISAIAH 65:12

Kabek chei pha amasôn mak chei khana ṭong kahri pha nanrangei mak jâra nangni re leh sha shunga nanthi sik kha nangnihei mahâm kha kae. Nangni’n kei ṭong juimak sik leh ṭōnse tlo sik jôk kha nankadei.

JEREMIAH 25:31

khava rasa kha raleichung kekung keler katlung bit a inthông sik. Jât-hei chunga Rōngpu’n ratha anei jo. Ama’n mi rakip chunga ṭong atan sik, mikaṭhamak-hei kha athat sik hei. Rōngpu’n ahri jo kae.’”

JEREMIAH 25:33

Khava ning khan Rōngpu’n athasōt mihei kalōnghei kha raleichung achaina hmun inkhat a inphut inkhat katlunga inthek inchai sik hei. Tûte’num anmani sik a ralûm demak hei ning, khana ankalōng hei kha vûmmak hei ning. Anmani kha chommanbuk pi ka-ang sik hei.

JEREMIAH 45:5

Ahlop mônga nang thlop sik chea na-ena aka-om che mo? Kha tlomak roh. Ke’n mi rakip chunga ṭōnse kajōng masō sik, tâk nang chu khova hmun a nasena hmun rakip a, nahringkhō rōk chu inphesōt tor sik che. Rōngpu ke’n kahri jo kae.”

JEREMIAH 46:15

Heijâra mo nan-Pathen Apis kha akatlu? Rōngpu’n avōk mathlûk a kae!’

EZEKIEL 28:18

Nang in rachôkna leh jōrna ṭōn natlona khan khava ṭhatmak kha natloa nang kamukna hmunhei kha kabōk jo hei. Khava jâra ke’n khōpuia hmei karo jo, ralei katlunga kakâng jo. Nang ka-en rakip in ravut changna katlunga nakângsō kha anhmu che.

EZEKIEL 38:17

Ke’n Israelhei sânkathem, kasōk heia inphut ṭong phôngna kaneilai, pha kasôttak a inphut ke’n ṭong kaleihri kha nang chungchânga kae, khachu akahong sik pha Israel kabuhlu sik tu mo inkhat kaheiṭhōi sik kalei ti jo.” Chunghnung Rōngpu’n ahri jo.

EZEKIEL 5:15

“Ke’n nachunga kahnuk anat a karacham aset lai khana karâkna kapek chelai, nakimvea aka-om jât rakip in ṭit leh inpirna annei sik. Anmani’n materpuma an-en sik che khana anmanuisō sik che.

JOEL 3:2

Jât rakip kamantûp sik hei Ṭong tanna Phaichama kaheiṭhōi sik hei. Kamihei chunga anleitlona rakip jâra khana khan anṭong katan sik. Anmani’n Israelhei kha mihlop-hei ram a anchai kathek hei, khana, Israel karam kha insemṭhen heia kae.

AMOS 7:4

Chunghnung Rōngpua inphut hmangtalâr hlop inkhat kahmu nôk. Khana khan ama’n amihei kha hmei vânga karâkna pek sik a amantluk kha kahmu. Hmei khan ralei thōia tui-ôngpui kha akângsō jo, khana ralei kâng sik a aphut jo.

NAHUM 3:15

Hei-hei natloa achang inum, nang rohlon sik che kae a-emak leh re shunga that sik che kae. Nang khai he’n antasâksō hmuchi kapōa manram sik che kae. Nang khaihei kapōa kapung chea kae!

NAHUM 3:3

Shakor kachōng he’n hma ansong, anchem kavâr rik-rak, ankasei kadi rik-rak hei! Mi kalōng inbuk hei, mi kathi aja intei tor mak, khahei chunga mi inpai inthlûk hei!

ZECHARIAH 14:5

Hiva tlânga her hnia akaṭhensōt phaicham shunga hin nangni akatlânsōt sik chei kae. Judah Reng Uzziah phalaia lingnu innoklai nanpu sōnhei leitlânsōt kapōa nangni akatlânsōt sik chei kae. Rōngpu ka-Pathen kha, ngeva rakip aheiṭhōi heia kajōng sik.