ISAIAH 66:1 - LEKHARABU INTHENG (BSI)

¹ Rōngpu’n ahri, “Marvân kalen in-ongna kae, khana ralei kake man ngamna kae. Nangni’n kei sik a heikhong khova inn mo nantasak tor sik, ka-omna sik kha heikhong khova hmun a mo?

ISAIAH 66:1 ပူးပေါင်းရင်းမြစ်များ

RENGHEI INKHATNA 8:27

“Tâk, Eh Pathen, nang raleichunga hin aka-om tor khet che mo? Marvân rakip innum akentor mak che kae, khan chu hiva Bek-inn kasak a hin heikhonga mo akatluk tor sik?

THUHMINGHEI INKHATNA 28:2

David kha anhmai kunga kangira ṭong ahri pek hei: “Kaṭhōnhei, kaṭong rangei ruh. Ke’n Intepna Bôm, Rōngpu ni-Pathen kechōnna sik a aka-om ṭhak sik inn inkhat kasak hnōm. Ama kajana ke’n Bek-inn sakna sik a intluk jo eng,

THUHMINGHEI INHNINA 2:5

Ke’n bek-inn kalentak sak sik a intluk eng, ajârchu eini Pathen hi pathen ralak-hei kanek a kalen chet a kae.

THUHMINGHEI INHNINA 6:18

“Tâk-kha, Eh Pathen, nang kadiktak a raleia hin pase leh nuhmeihei kâra aka-om tor sik che mo? Marvân pumpui inum nang chu aken mak tin, khan chu heikhong inmo hiva kei tasak Bek-inn hin aken sik che?

HLAHEI 11:4

Rōngpu kha abek-inn intheng shunga ka-om; marvân chunga alen in-ongna anei. Ama’n hmuntina mihei a-ensui hei khana anmani’n heimo antatlo amanhret.

HLAHEI 132:7

Keini’n, “Rōngpu inna vase rih, alen in-ongna hmaikunga vakamuk rih,” kanti.

HLAHEI 99:9

Ni-Rōngpu Pathen kha choi ka-ân ruh; khana ahmebung inthenga khan kamuk ruh! Ni-Rōngpu Pathen kha a’ntheng kae.

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

ISAIAH 60:13

“Lebanon ratua thing kaṭhapen Hmeila thing, juniper thing, khana Cypress thing hei, Jerusalem, nang sak mantherna sik a anta heichoi sik kae, Kabek-inn syem manṭhatna sik a, Kakhōpui kalûrtak a syemsōtna sik a kae.

JEREMIAH 23:24

Kahmu tor makna sik hmun a tûte’n inthup tor mak ning. Marvân leh ralei hmun rakip a ka-om eng ti hi amanhret mak chei mo?

MALACHI 1:11

Raleichung inchaina inkhat a inphut inkhat katlunga mihe’n kajana annei eng. Hmun rakip a bero anro mankhut a khana rahlângthei sik inthoina antōk eng. Ankhenga kei ankaja eng.

MATTHEW 12:6

Bek-inn kanek a akalen jôk inkhat hin ka-om ti hi ke’n kahri pek chei kae.

MATTHEW 24:2

Ama’n ati, “Kadik, nangni’n hihei seng hi kaṭha a nanhmu sik hei. Hivahi kahri pek chei kae: hinna hlunghei hi inkhatbek anhmun et a om mak jo hei ning, inkhat et a hlon mathlak sik hei kae.”

ṬŌNTLOHEI 17:24

Vânhnōi leh heirakip kasyem Pathen hi marvân leh ralei Rōngpu kae, khana ama chu mihring kutsyem Bek-inna om mak.