ISAIAH 61:3 - LEKHARABU INTHENG (BSI)

³ Ziona ṭajai kasui hei hneng Inrengna kahlanga inpâkna leh ningṭhatna kapek sik, Inrengna kahlanga manpâkna hlasakna sik a ajōngtir eng. Anmani Rōngpu ama khet in aling mankhang Thingkung kapō kachang sik hei. Anmani ankhenga akadik kha antlo sik jo, Khana Pathen kha atlona hei seng jâra manpâk a ka-om sik jo.

ISAIAH 61:3 ပူးပေါင်းရင်းမြစ်များ

ESTHER 8:15

Mordecai kha renghei pōn, vapuirei leh akabang kha a’nsia, hruipōn innem zakkō a’nhak a, akalûrtak sana lukhu a’nkhua, reng-innpui kha adahlon jo. Khana Susa khōpuia hlamdung heia inpâkna leh ningṭhatna rasa inhring jo.

ESTHER 9:22

Hiva kanihei hi Jehudi he’n an-inrepui heia inphut anbinga an-inhûkna kha kae; hiva thla hi lung dongna leh khōdeng theina kha inpâkna leh ningṭhatna ahong changna pha kha kae. Hiva kanihei hi revei leh sâk leh in tlona hmangna sik a amanthei hei, khat leh khat khana sarahei hnenga sâk thei kutchoi inpekna sik a mihei kha amanthei hei.

HLAHEI 104:15

khana an-inpâkna sik vomhrui ju namasō pek hei, anmalung hōina sik olive thai namasō pek hei, anratha ngarna sik a buhlom namasō pek hei.

HLAHEI 149:4

Rōngpu’n amihei chunga tlaina anei; torna kha apek heia malung innem hei kha akaja hei.

HLAHEI 23:5

Ka’nrepui he’n anhmu theina sik eng hmun a revei sâktlâng namantluk pek eng. Nang in kaja sik rahōi kasōk khōhme inkhat kapōa naratō eng, kakōklei inlet-leoa nasun mansip pek eng.

HLAHEI 30:11

Nang in kamalung dongna kha inpâk a lâmnating namahe pek eng. Kei inrengna kha nalosōt khana inpâkna khan namankebit eng.

HLAHEI 30:12

Khava jâra sip timak ning. Namanpâkna hla kha kasak sik. Rōngpu nang ka-Pathen che kae, ahei tik a kamanpâk sik che.

HLAHEI 45:7

Nang in akadik kha namadu, akaṭhamak kha namater a kae. Khava jâra Pathen, na-Pathen in nang kha akadei che khana reng ralak-hei kanek a nachunga hōina ajōng bun mathlâk pek chea kae.

MI INTHEIPA 9:8

Ahei tik a inpâk leh katlai hmesō kha rôn roh.

ISAIAH 12:1

Mipui in hla hi ansakna sik kani lakahong sik, “Ke’n kachoi ka-ân che, Rōngpu! Nang kei chunga nahnuk leikana, tâk-kha tûnchu lungmōng nathlâk eng, nahnuk namak jo.

ISAIAH 26:2

Khōpui kot-hei mahlâng ruh taksen ka-om jât leh ṭōndik katlo jât-hei hlutna sik.

ISAIAH 44:23

Marvân nangni, inpâk a ông ruh! Ralei hmun inthûk hei, ông ruh! Tlânghei leh ratu ramhânga thingkung rakip, inpâk a ông ruh! Rōngpu’n ami Israelhei ahuk manhring heia alenna kha amalâr jo.

ISAIAH 46:13

Ke’n retorna kani kha kahnaitek a kahei rôn sōt sik khavakha akahlatak a ka-om chang hêrmak. Kei retorna kha in-êng mak ning. Ke’n Jerusalem kahuk sik khana khan Israel kajana kahong rôn manhlut sik.”

ISAIAH 52:1

Jerusalem, ngar roh, len nôk roh! Pathen khōpui intheng, pōnret kalûrtak a invon roh! Pathen ka-ôimak he’n nakekot a avea hlut nôk mak jo hei ning.

ISAIAH 61:10

Rōngpu’n atlo pekna hei jâra khan Jerusalem kha inpâk jo. Amanu kha luhông sik a a’nret hmōinu kapō kae. Pathen in amanu kha huksōtna leh retorna ret a amanret jo.

JEREMIAH 31:13

Khava pha nuhngâk-hei inpâk a kalâm sik hei, pase, rether leh upa inpâk sik jo hei. Ke’n anmani lungmōng kapek sik hei, anṭapna kha inpâkna an-inrengna kha hōina kamanchang pek sik hei.

EZEKIEL 34:29

Ram thai ka-om hleipuk kapek sik hei, khana ram shunga vonṭâm kamanbâng sik jo. Jât-hlop he’n avea hnōise mak jo hei ning.

EZEKIEL 47:7

khana khan katlung pha tuidung pang heia thingkung katamtak kavahmu hei.

ZECHARIAH 3:5

Joshua lua lukôm intheng mankômna sik a ama’n a-inṭangpui hei hneng ṭong apek jo hei. Khanga antlo pek jo, khana Rōngpu ngeva kha khana khan kangira a-omlai, Joshua chunga pōnther anmansi joa kae.

MATTHEW 15:13

Jesu’n amasôn hei, “Marvâna kapa talingmak thingkung rakip kha phoisōt sik kae.

MATTHEW 5:16

Khava kapōhrep a nanvâr kha mihei hmaikunga akavâr nger sik kae, khanba nanṭōn kaṭha tlo kha anmani’n anhmu sik a kha marvâna nanpa kha antachoi ka-ân sik kae.

LUKE 15:22

Tâk-kha apa khan asōk-hei abek heia ‘Inrangtak a pōn kaṭhapen heilo una mansi ruh. Akut a kutkhi, akea kekōk mannei ruh.

JOHN 15:8

Kara katamtak nannei jâra kapa lûrna kha a’nlâr kae; khang’khan nangni kei sonle akachang chei kae.

JOHN 16:20

Akadik kha kahri pek chei kae: nangni ka-ônga kaṭap sik chei; tâk vânhnōi chu a’npâk sik hei kae; nangni chu inrim sik chei, tâk nan-inrimna kha inpâkna ahong kachang sik kae.

CORINTHIANHEI INKHATNA 3:9

Ajârchu Pathen sik a ṭōn katlosap kha keini ung kae, Pathen hlei kha nangni chei kae. Khana nangni Pathen inn chei kha’m kae.

CORINTHIANHEI INKHATNA 6:20

ajârchu nangni nanman ateia arachôk jo chei kae. Khava jâra nantaksa hei kha Pathen manlûrna sik hmang ruh.

PHILIPPIANHEI 1:11

Pathen lûrna leh choi manshângna sik a, Jesu Christa rōk in ahei choisōt kadiktak a akaṭha tlotheina khan nanhringkhō kha kasip phet sik jo.

THESSALONIANHEI INHNINA 1:10

khava ama’n amihei senga inphut lûrna leh akataksenhei senga inphut kajana achenna sik a ajōngna Kani ning akasōk sik kae. Nangni um ankâra invei sik chei, ajârchu kantamanthei chei ṭong kha nantaksena kae.

HEBREWHEI 1:9

Nang in akadik namadu khana akadik mak nahōt. Khava jâra Pathen, na-Pathen in akadei che, khana akakhe chet kajana chenna leh hōina kha naloihei kanek a apeksa che.”

PETER INKHATNA 2:9

Tâk-kha nangni chu kadeisōt phung, Rengpa thempu, a’ntheng jât, Pathen khet mi, Pathen ṭōntlo inlak kahrile sik a a’nthima inphut a vâr inlak a abeksōt jo chei kha kae.

PETER INKHATNA 4:14

Nangni inzakna anpek chei pha inpâk ruh, ajârchu Christa kahnung kajui chei kae; hivahi nanchunga Pathen Rathla, lûrna Rathla kha nanchunga inhnga tina kae.