ISAIAH 54:3 - LEKHARABU INTHENG (BSI)

³ Naramri kha ramkei rakip a natet manlen chet sik kae; tuna jât-hlop hei tahlō ram hi nami he’n antachen male nôk sik kae; tuna dahlona ka-om khōpuihei kha mi akasiptak sik hei kae.

ISAIAH 54:3 ပူးပေါင်းရင်းမြစ်များ

A’NPHUTNA 26:22

Ama khava hmun a inphut inthona tuikhur hlop inkhat akhor nôk. Khana khan chu innâkna sōk mak jo. Khava jâra ama’n tuikhur kha, “Ning leh hnōm” tia aphō. Ama’n ati, “Tûnchu Rōngpu’n hiva ram hi ning leh hnōma omna sik apek jo me, khana hinahin kahao sik jo me.”

A’NPHUTNA 28:14

Nasōn-napâr hei kha raleichunga vaiphin kapōhrep a anja katam sik hei. Anmani’n ramkei rakip a anramri anmanlensa sik, khana nang leh nasōnheia inphut jât rakip vâng kapek sik hei.

A’NPHUTNA 49:10

Judah’n reng tîngpum amatu sik, Khana asōn apâr he’n ahei tik a vai anrôn sik. Jât-hlop he’n kajana anhongpek sik Khana aṭong juina a-âng kunga inkun sik hei.

ISAIAH 14:1

Rōngpu’n ami Israelhei avea vōi khat alungset nôk sik hei khana ata kachang sik a akadei sik hei. Ama’n anrama ka-om sik a aheiṭhōi male nôk sik hei, ram hlop mihei leh anmani ka-omsap sik a kahong sik hei.

ISAIAH 14:2

Jât-hlop katamtak in anmani Rōngpu tapek anrama anhe’nle nôkna sik an-inthōpui sik hei, khana khan jât-hlop he’n Israelhei sōk kachang sik heia anrazen sik hei. Pha khat a Israel aleikasur hei kha tûn Israel he’n ansur sik hei, khana Israelhei chunga mikasuk inrim hei kha Israel he’n anchunga vai anrôn sik jo.

ISAIAH 26:15

Rōngpu, nang in kanjât hi namankhangsōt, aramri sak leh thlânga nakakek manlen, hivahin nang ṭit leh kajana arôn sōt a kae.

ISAIAH 45:14

Rōngpu’n Israel hneng ahri, “Egypt hei leh Ethiopia hei nei leh hao kha nangta sik kae, khana Seba ram a mi dung inshâng hei kha nasōk akachang sik hei kae; anmani’n thirhrui inkhōp pum a antajui sik che kae, nahnenga a’nkun sik hei kae khana anhrisōt sik, ‘Pathen in a-ompui che, ama rōk Pathen kae.

ISAIAH 48:19

Nansōnhei kha nêrdi ja kapōa katam sik hei, khana anmani ahei tik a suk manhmang anchang makna sik kasyem sik hei.”

ISAIAH 49:12

Kamihei kha ram kahlatak a inphut kahong sik hei sak ting leh tlaitlâk a inphut, khana thlang tinga Aswan ram a inphut kahong sik hei.”

ISAIAH 49:8

Rōngpu’n amihei hneng ahri, “Nangni huksōtna kha ajōng tlung pha, lungsetna kha kamanhmu sik chei. khana inṭangpui sik a nanṭapna kha kamasôn sik chei. Kahngâk a kahrung sik chei khana nangnia inphut mi rakip leh intepna kasyem sik. Tûna akarōksaia ka-om nanrama ave nôk a kaman om sik chei.

ISAIAH 52:9

Jerusalem suk manset a aka-om nang, inpâk a peng jo roh! Rōngpu’n akhōpui kha asansōt sik, khana amihei lungmōng apek sik hei.

ISAIAH 53:10

Rōngpu’n ati, “Ama inrim sik kha kei lungdo kae; ama thina khan rangei mandam heirônsōtna sik a inthoina kha kae. Kha achang jâra ama’n asōn leh apâr ahmu sik hei; ama ahringkhō kasei sik, khana ama a inphut kei ṭōn mantlukna kha hme asō sik kae.

ISAIAH 55:5

Tûnchu nangni’n ram hlop mihei kha nanbek sik hei; pha khat a nangni leimanhret mak hei chei, tâk tûnchu nangni kajōm sik a hong katlân sik jo hei! Rōngpu nan-Pathen, Israel Pathen intheng ke’n hihei seng hi kahong masō sik; ke’n kajana leh lûrna kha nangni kapek sik chei.”

DANIEL 7:27

Raleichung rengram rakip hei ratha hratna leh lenna rakip Chunghnung Pathen mihei hneng a’npek sik kae. Anmani reng ratha neina kha bângtik neimak ning, khana raleichunga vaikarôn rakip in anrazen heia anṭong anjui sik.”

ROMANHEI 10:18

Tâk-kha ke’n kader: ṭong hi antathei mak mo kae? Anmani’n antheikhet jo ajârchu Ṭong intheng in ahri: “Anṭonghri karesō raleichung pumpuia kase sō jo; anṭong rahme raleichung inchaina katlung sō jo.”

ROMANHEI 11:12

Jehudihei setna khan vânhnōia mahâmṭhat katamtak ajōng rôn, khana anmani rathla langa antlâksamna khan Jât-hlop hei mahâmṭhat katamtak ajōng rônna kha kachang jo. Khana khan Jehudi ankhenga an-inveisa inchu mahâmṭhatna kha heituk-hrep akalen sik mo!

COLOSSIANHEI 1:23

Adek a, nangni’n akahnet leh akadik ngir hmun chunga taksenna kha nantaneiṭhak sik kae, khana nantathei ṭong kaṭha a inphut nan-inhōrna chunga khan a’nhlingjen mak sik chei kae. Hiva ṭong kaṭha sik jâra hin Paul kei sōk inkhat akachang eng kae, hiva ṭong kaṭha vânhnōi ralei mi rakip hneng akahrile sik a.