ISAIAH 51:3 - LEKHARABU INTHENG (BSI)

³ “Ke’n Jerusalem hneng, khava inhmangna shunga aka-om hei seng hneng lungsetna kamanhmu sik hei. Aram kha nêrdiram aleichang jo’num, rahōn inkhat a kasyem sik, Eden rahōn kaleisyem kapōa. Inpâkna leh ningṭhatna, khana khan ka-om sik khana kei choi ka-ânna leh manpâkna hla ansak sik.

ISAIAH 51:3 ပူးပေါင်းရင်းမြစ်များ

A’NPHUTNA 13:10

Lot in a-en manve bit a Jordan phai, Zoar hlam jōnna rakip khō athlira ram kha tui tamna, Rōngpu rahōn kapō, a-emak leh Egypt ram kapō kha aleihmu jo. (Hivahi Sodom leh Gomorrah khōpuihei asuk manhmang mak hma kae).

HLAHEI 85:8

Rōngpu Pathen in ahri kha karangei; nilei mona hlam a khan nise nôk mak inchu ami kachang eini sik a mōngna pek sik kha a’ntepna kae.

ISAIAH 12:1

Mipui in hla hi ansakna sik kani lakahong sik, “Ke’n kachoi ka-ân che, Rōngpu! Nang kei chunga nahnuk leikana, tâk-kha tûnchu lungmōng nathlâk eng, nahnuk namak jo.

ISAIAH 25:9

Hiva omchen hi asōk pha, mi rakip in anti sik, “Ama hi ni-Pathen kae! Eini’n ahnenga taksenna ninei. Ama hi Rōngpu kae ahnenga taksenna ninei, khan chu eini inpâk me, kahōi me, ajârchu ama’n ahuk mea kae.”

ISAIAH 35:6

Ke inkhôi in inchôma kalâm sik, Akaṭong theimak mi kha; inpâk a ka-ông sik jo.

ISAIAH 41:16

Nangni’n thli chunga nankathok sik hei; thli’n anmani kha atlen sik jo hei. khana thlipui thlihrem in asêm kachek sik jo hei, Khava pha nangni inpâk sik jo chei ajârchu kei nan-Pathen eng kae; Israel Pathen intheng kei hi nanchoi ka-ân sik jo eng.

ISAIAH 43:19

Ke’n katlosōt sik ṭōnther heia khan ensui roh. Hihei hi kasōkdek jo, tûn nan-en thei sik hei! Ke’n ramhânga hlamlen kasyem sik, khana khan ke’n kavadung tui kapek sik che.

ISAIAH 44:26

Tâk-kha kasōk in hnungṭong asânsōt pha, kaṭōn mantlukna akaphôngsōt sik ngeva katirhei pha, Khava ṭōnhei kha ke’n kamantluk hei khana hnungṭong sânsōt hei kha kadiktak a kasōk heia kae. Ke’n Jerusalem hnenga mipuihei ashunga hong ka-om nôk sik hei, khana Judah khōpui kha athera anta hongsak sik hei kae tia kahri pek. Khava khōpuihei kha ansukset sōa inphut hongkathōi nôk sik hei.

ISAIAH 49:13

Marvânhei, hla sak ruh! ralei, inpâk a ôn roh! Tlângbung he’n hla saksōt hei rasoh! Rōngpu’n amihei lungmōng athlâk sik hei; ama’n ami khōdeng katheihei chunga alungset sik hei.

ISAIAH 49:19

“Naram kha suk manset leh dahlon leikachang, tâk-kha tûnchu khana aka-om sik a akahong hei sik a khavakha kasin rei sik jo. Khana nang sukset a ani kadahei kha nanga inphut kahlatak a hnengsōt sik hei kae.

ISAIAH 49:8

Rōngpu’n amihei hneng ahri, “Nangni huksōtna kha ajōng tlung pha, lungsetna kha kamanhmu sik chei. khana inṭangpui sik a nanṭapna kha kamasôn sik chei. Kahngâk a kahrung sik chei khana nangnia inphut mi rakip leh intepna kasyem sik. Tûna akarōksaia ka-om nanrama ave nôk a kaman om sik chei.

ISAIAH 51:12

Rōngpu’n ahri, “Nangni rathahrat kape kha kei eng kae. Heisa mo akathithei kha nantaṭit, kahar kanek a akasôt aka-om mak hei kha?

ISAIAH 52:9

Jerusalem suk manset a aka-om nang, inpâk a peng jo roh! Rōngpu’n akhōpui kha asansōt sik, khana amihei lungmōng apek sik hei.

ISAIAH 61:10

Rōngpu’n atlo pekna hei jâra khan Jerusalem kha inpâk jo. Amanu kha luhông sik a a’nret hmōinu kapō kae. Pathen in amanu kha huksōtna leh retorna ret a amanret jo.

ISAIAH 65:18

Ke’n kasyemsōt jo hei chunga inpâk ruh, hōi ruh. Jerusalem ther kasyem hi inpâkna kasip sik, khana amihei kha kahōi sik hei.

JEREMIAH 31:25

Ke’n akaṭōiber hei kha kamanngar sik hei khana vonṭâma akatlasam hei kha kamankhop sik hei.

EZEKIEL 28:13

Pathen rahōn Eden a ka-om che, hlung mankatam hei seng vânga invon che: rubi, mukta, topaz, beryl, carnelian leh jasper hlunghei; sapphir, emerald, garnet hlunghei. Sanaret hei naneihei. Nang na-insyem ning khan nang sik a hihei hi ansyempek jo che.

EZEKIEL 36:11

Mihring leh ranhei kamanpung sik hei. Hmalaia kanek a nanmi katam sik chei, sa katamtak nannei sik. Hmalaia nanlei ka-om kapōa khana khan ka-om sik chei, hmalaia kanek a kamanhao sik jo chei. Khava sōa nangni’n kei hi Rōngpu eng kae tia nanmanhret sik jo eng.

EZEKIEL 36:35

Hiva ram, ramhânga aleika-om hi heikhonga mo Eden rahōn kapōa ahong kae jo, khōpui akakōisō jo, chomsō jo, suksetsōa aka-om jo hei hi tûnchu mi ka-om heia, rekur anmankur pet jo hei, tia mi rakip in anhri sik.

JOEL 2:3

Hmei kakâng kapōa phi ansâksō hei. Anhmatinga ram kha Eden rahōn ka-ang, tâk-kha ankahnung tinga ram kha nêrdiramhâng ka-ang. Anmania inphut heite inphesōt tor mak.

PETER INKHATNA 1:8

Nangni’m ama nanhmu mak ravâng nanlungset, khana tûn ama nanhmu mak ravâng nantaksena kae, khava jâra hritheilo leoa kalen leh kalûrtak a inpâk chei,