ISAIAH 51:1 - LEKHARABU INTHENG (BSI)

¹ Rōngpu’n ahri, “Kaṭong hri rangei ruh, hukna indu hei, inthōpui sik a kahnenga akahong nangni. Nanhong inphutna hlungpui kha mandon ruh, nangni inchômsōtna hmun kha jongsōt ruh.

ISAIAH 51:1 ပူးပေါင်းရင်းမြစ်များ

THUHMINGHEI INHNINA 15:2

khana ama’n Reng Asa hneng vakase. Ama abek a, “Reng Asa, Judah leh Benjamin mipuihei kaṭong hi rangei ruh! Nangni’n Rōngpu hneng nan-omlai seng, ama’n nangni a-ompui sik chei. Nangni’n ama nanjong inchu, amanhmu sik chei, tâk-kha nan-inhesōt inchu, ama’n adahlon sik chei.

THUHMINGHEI INHNINA 15:4

Tâk-kha inrengna kha ajongtlung pha, Israel Pathen Rōngpu hneng inhe hei. Anmani’n ama anjong khana anhmua kae.

HLAHEI 24:6

Khahei khachu Pathen hnenga akahong hei kha kae, Jacob Pathen hmaikunga akahong hei kha kae.

HLAHEI 94:15

Ṭongtan hmun heia akadik kha inhmusōt nôk sik, khana mikadik rakip hei khan anmajôm sik.

ṬONGCHÎK-HEI 15:9

Mikaṭhamak-hei omdân kha Rōngpu’n amater, tâk akadik katlohei kha alungset hei.

ṬONGCHÎK-HEI 21:21

Mi lungset thei roh malung inthenga om roh; khan chu nahringsei kasôt sik; mihe’n ankaja sik che khana kaṭha anrazen sik che.

ISAIAH 45:19

Ke’n marûk a ṭong hrimak eng, achangmak leh kamantlukna kha thup mak eng. Kei Israel mihe’n ramchi inhmangna shunga antajong sik eng kha madu mak eng. Kei Rōngpu eng kae, ke’n akadik kha kahri kae; akadik mi’n anmanhretna sik a katlo kae.”

ISAIAH 48:1

Hivahi rangei ruh, Israel mihei, Judah sona inphut ahong kasōk nangni: Nangni Rōngpu rahminga inhâksêr chei Israel Pathen kha kamuk sik a nanti, tâk-kha nanṭong hri inkhatbek tlo sik a intluk mak chei.

ISAIAH 48:12

Rōngpu’n ahri, “Kabeksōt mi, Israel, kahri hi rangei roh! Kei Pathen eng, a’nphutna, a’nchaina, Pathen inkhat rōk eng kae!

ISAIAH 51:4

“Rangei ruh, kamihei, heimo kahri hi rangei ruh: Ke’n jât-hei hnenga kaman theina hi kapek hei; kadânhei hin vâr ahong rôn pek sik hei.

ISAIAH 51:7

“Kaṭong rangei ruh, nangni akadik inhret hei, nanmalunga kaman theina kahnet a a’nvon hei. Mihe’n êngset antlo cheia inzakna anpek chei pha ṭitmak ruh;

ISAIAH 55:6

Rōngpu hneng inhe roh khana ahnenga der roh, tûn ama kahnaitek a a-omlai hin.

ISAIAH 65:10

Anmani’n kei ankamuk sik eng khana ankemōnghei leh anranhei kha tlaitlâk ting Sharon Phaichama khana nisōting Bōina Phaichama ankhem sik hei.

AMOS 5:6

Rōngpu hneng vase ruh, kahring sik chei. Nanvase mak inchu, Israelhei chunga hmei kapōa jōng kachu sik. Hmei khan Bethel mipuihei akânghlon sik hei, khana tûte’num thattor mak hei ning.

ZEPHANIAH 2:3

Ram shunga malung innem nangni, ama ṭongpek kajuiseng, Rōngpu hneng he’nhe ruh. Akadik kha tlo ruh, Rōngpu hmaikunga insinsak ruh. Rōngpu’n ahnuknat amalâr ninga karâkna inphut nansōk theina sik kae.

MATTHEW 5:6

“Pathen lungdo katlo hnōm hei kha anmahâm kaṭha; Pathen in pui katluk a amankhop sik hei!

MATTHEW 6:33

Khava kanek a heirakip chungchôna Pathen Rengram leh adikna kha jong ruh, khan chu khavahei seng kha apeksa sik chei.

ROMANHEI 10:3

Pathen in ama leh kadik a dasapna sik hlam asyem kha anmani’n leimanhret mak hei, khava kahlânga anmani’n anbing tamaduhrep hlam an-insyema insaler hei; khava jâra mihring mandikna sik a Pathen hlam syema khan inpek inhlutmak heia kae.

ROMANHEI 14:19

Khava jâra inkhat leh inkhat inbômtōa ratha ngarna leh intōk inchamna ahei karôn sōt neinâk-hei kha chenna sik ahei tik a niradin nger sik kae.

PHILIPPIANHEI 3:13

Kha’num, kasōpuihei, ke’n khavakha kachendek jo tia mandon mak eng; hei-achang inum kei tatlo inkhat chu kakahnung seng kha mahngia, kahmatinga aka-om kha tlungna sik torchena tlo hi kae.

TIMOTHY INKHATNA 6:11

Achang ravâng Pathen mi kachang nang in, hivahei rakip hi dahlon hei roh. Dikna, bek-ôina, taksenna, lungsetna, dehratna leh nunhōina changna sik tak intlo roh.

TIMOTHY INHNINA 2:22

Khangdông laia madu rangei dahlon roh, khana malung inthengtak a Rōngpu inthōpuina sik a akabek hei leh inṭhōia dikna, taksenna, lungsetna leh lung mōngna hei hi tak tlo inna jong roh.

HEBREWHEI 12:14

Mi rakip leh intōk inchamna sik leh hringkhō inthenga omna sik tak intlo ruh, ajârchu khava loa chu tûte’n Rōngpu kha hmutor mak ning.