ISAIAH 5:16 - LEKHARABU INTHENG (BSI)

¹⁶ Tâk-kha Chunghnung Rōngpu’n akadik kha atloa alenna kha amalâr, khana amihei ṭong atanna a’nthengna kha amalâr.

ISAIAH 5:16 ပူးပေါင်းရင်းမြစ်များ

HLAHEI 46:10

Ama’n ati, “Retlo bâng ruh. Kei Pathen eng kae ti hi manhret ruh, jât-hei kâra torna kaneipen leh vânhnōia torna kaneipen eng kha kae.”

ISAIAH 12:4

Mipuihei hla hi ansakna sik kani lakahong sik, “Rōngpu kha manpâk ruh! A’nthōpuina sik a ama bek ruh! Ama’n atlona hei kha jât rakip hneng manthei hei ruh! Ama heituk akalen mo manthei hei ruh!

THUHMINGHEI INKHATNA 29:11

Nang chu akalenpen akahratpen, akalûr, ngam kanei leh kaja ka-om che kae. Marvân leh raleichunga neinâk heirakip nangta kae, heirakip chunga reng vaikarôn Chunghnung che kae.

PETER INKHATNA 2:15

Mikamo he’n hei manhret loa anhrina kha, nanṭōn kaṭha tlo vâng nantamandai sik hi Pathen in amadu chei.

EZEKIEL 36:23

Jât-hei kâra hmeset nantapek rahming, kei rahming kalen inthengna hi jât-hei hnenga kamanhmu hei pha, kei hi Rōngpu eng kae tia anmanhret sik jo eng. Chunghnung Rōngpu ke’n kahri jo kae. Jât-hei hneng kei hi intheng eng ti malârna sik nangni kahmang sik chei.

ISAIAH 29:23

Ke’n kapek chei naidônghei nanhmu pha leh, kei hi Israel Pathen intheng eng ti nanmanhret sik jo. Nankaja sik eng khana kei kaṭit a kangir sik chei.

ṬONGPHÔNG 3:7

“Philadelphia bekrup ngeva hneng hi mazet roh: “Hivahi a’ntheng leh akadik inkhat a inphut ṭong kae. David shokir kachoi, amahlâng kha tûte’n khâr theimak, akhâr kha tûte’n mahlâng theimak.

ISAIAH 33:5

Rōngpu kha heituk-hrep a akalen jo mo? Ama’n heirakip chunga vai arôn. Ama’n Jerusalem kha kadik a inrônna leh malung inrena khan amansip sik,

ISAIAH 8:13

Mandon sōt roh, Rōngpu Chunghnungpen kei intheng eng; nantaṭit nger sik kha kei eng kae.

EZEKIEL 38:23

Hing’hin jât rakip hei hneng kei hi kalen eng khana intheng eng ti hi kamalâr sik kae. Kei hi Rōngpu eng kae tia anmanhret sik jo eng.”

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

ISAIAH 2:17

Mihring inlensakna kabâng sik, khana mihring êngsetna hei seng kha amanbōi sik. Limsyemhei hi akhenga inhmangsō sik, khava ning Rōngpu rōk kha choi manshâng sik kae.

ṬONGPHÔNG 4:8

Khava ranhring 4 hei kha inkhat et in mathla 6 sâm annei, ashung avâng hmit he’n akatōmbit heia kae. Sûn leh jân bânglo jena hla ansak: “A’ntheng, a’ntheng, a’ntheng, Rōngpu Pathen Akahratpen kha kae, aleika-om, aka-om, alaka-om sik kha kae.”

ISAIAH 61:8

Rōngpu’n ahri, “Ke’n ṭongdik kamadu khana mi suk manrimna leh dân kaler kamater. Ke’n kamihei kha taksentak a inpâkman kapek sik hei. Khana ahei tik a sik anmani leh ṭong intepna inkhat kasyem sik.

ISAIAH 28:17

Ṭongtan kadik kha innhmun kahnet sik a temantōkna hrui kachang sik, khana malung intheng kha anṭōn enmansinna thirhlom hrui kachang sik.” Na’nhngatna maleisei rakip kha thli leh kahre inthōna khan asêm manjōng sik jo, khana nang inhrungna kha tuikalen in asuk manhmang sik jo.

ISAIAH 6:3

Anmani inkhat leh inkhat inbek hei: “A’ntheng, A’ntheng, A’ntheng! Chunghnung Rōngpu kha a’ntheng kae! Ama lûrna’n vânhnōi ralei kasip sō,” anti.

HLAHEI 21:13

Rōngpu, narathahrat alen jâra kanmanpâk che! Naratha hratna kha hla vânga kansak a kanchoi ka-ân sik che.

ISAIAH 30:18

Kha’num Rōngpu’n lungset sik alahngâk ṭhak chei. Ama’n ahei tik a ṭōn kadik atlo ṭhak jâra nangni lumlo sik cheia intluk a kae. Rōngpu chunga taksenna kaneihei kha mahâm kaṭhahei kae.

ISAIAH 2:11

Mihring inlensakna manbângna leh racham kase manhmangna sik a kani inkhat kahong sik. Khava pha Rōngpu rōk kha choi manshâng sik kae.

HLAHEI 9:16

Rōngpu kha aṭongtan kadik vâng khan abinga inlâra kae; khana mikaṭhamak-hei kha anṭōntlo kalalen khan akhit heia kae.

LEVI-DÂN 10:3

Khava pha Moses’n Aaron hnenga ahri, “Rōngpu’n hiva chungchânga aleihri kha hinga kae, ‘Kei inzen seng in ka’nthengna hi antakaja sik kae; kamipuihei hneng kalûrna kamalâr sik kae.’ ” Tâk-kha Aaron chu kadai hngera leika-om.

PETER INKHATNA 1:16

Ṭong intheng in ahri, “Intheng ruh ajârchu Kei intheng eng.”

ROMANHEI 2:5

Tâk-kha malung kasak leh ṭong inngeimak malung kha nanei, khava jâra Pathen hnuk natna leh aṭongtan kadik ajōng inlâr ninga sik karâkna kalen chet nabinga sik nansyem joa kae.

EZEKIEL 28:22

Khana ka-om mihei kha anchungchânga Chunghnung Rōngpu ke’n kahri hi manthei hei roh: Kei nang kadōi eng kae, Sidon; nahnenga ṭōn hi katlo sik jâra mipui he’n anchoi ka-ân sik eng. Nashunga aka-om hei kha karâkna kapek heia heituk a a’ntheng eng mo ti kha kamalâr pha, anmani he’n kei Rōngpu eng kae tia anmanhret sik jo eng.

PETER INKHATNA 3:15

Tâk-kha nanmalunga Christa kha nan-Rōngpu manchang una kajana nei ruh. Nan-inhōrna kha tu mo inkhat in ader cheia achang inchu, nanhri manchên torna sik ahei tik a inrin ṭhak ruh,

ISAIAH 33:10

Rōngpu’n jât-hei hneng ahri, “Tûnchu ṭōn katlo sik jo. Ke’n heituk-hrep a ratha kanei mo ti kha kamalâr sik jo.

EZEKIEL 20:41

Nangni inchek a nan-omna ram rakip a inphut kaheiṭhōi chei sōa, khana kamanchun chei sōa, nangni ro-inthoinahei kha karahlâng sik, khana jât he’n kei intheng eng ti kha anhmu sik jo eng.

EZEKIEL 38:16

Nang in kami Israelhei kha thlipui in ram chârna ajōngsem kapōa anchunga re natlo sik kae. Apha kha ahong tlung leh, jât he’n kei hi tu eng mo kae tia anmanhretna sik, khana nanga inphut ṭōn katlosōt sik heia inphut hin kei inthengna kha malârsōt theina sik a karam chunga re katlo sik a katir sik che kae.

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

MIJAHEI 20:13

Hivahi Israel he’n Rōngpu juina chunga anbei tamna leh ama’n a’nthengna amalârna Meriba hmun a akasōk kha kae.

ISAIAH 2:9

Mi rakip anhmai kamōk sik, khana inzak anratō sik. Rōngpu, anmani rangei mandam mak hei roh!

EZEKIEL 28:25

Rōngpu’n ati, “Ke’n Israelhei akimvea jât-hei hneng kachai kathekna heia inphut kaheiṭhōi male sik hei, khana jât rakip in kei hi Chunghnung Rōngpu eng kae ti hi anmanhret sik eng.”