ISAIAH 48:1 - LEKHARABU INTHENG (BSI)

¹ Hivahi rangei ruh, Israel mihei, Judah sona inphut ahong kasōk nangni: Nangni Rōngpu rahminga inhâksêr chei Israel Pathen kha kamuk sik a nanti, tâk-kha nanṭong hri inkhatbek tlo sik a intluk mak chei.

ISAIAH 48:1 ပူးပေါင်းရင်းမြစ်များ

JEREMIAH 4:2

karahminga ṭong nan-intep sik hi kadik sik. Khan chu jât rakip in vângṭhat anchenna sik a ander sik jo eng khana anmanpâk sik jo eng.

HLAHEI 68:26

“Amipuihei intûpna khan Pathen kha choi ka-ân ruh; Jacob sōn nankhenga Rōngpu kha choi ka-ân ruh!” anti.

JEREMIAH 5:2

Rōngpu kha kankamuk nanti’num, nantati kha tlomak chei.

ISAIAH 65:16

Tu achang inum khava ram shunga mahâmṭhatna sik akader khan Taksen Ka-om tak Pathen in mahâmṭhat apekna sik a antader sik kae. Tu achang inum intepna kanei mi khan Taksen Ka-om tak Pathen rahminga a’ntep sik kae. Hmalaia inrengna hei seng kha mahngisō pet kachang sik jo.”

DÂNRABU INHNINA 6:13

Rōngpu nan-Pathen kha kaja ruh, ama rōk kha kamuk ruh, khana ama rahming rōk a intepna nei ruh.

A’NPHUTNA 32:28

Pase khan, “Narahming Jacob inti mak jo ning. Israel inti sik jo, ajârchu nang in mihring leh Pathen na’nrepui jo hei, khana nang in nator jo hei; khava jâra narahming hi Israel a’nti sik jo kae,” ati.

ṬONGPHÔNG 3:9

Rangei roh! Seitan ta kachang rup-hei, Jehudi chu changlo heia kachang ung katia malei kaseihei kha, nangni inmuk sik a, nanhmai kunga inkun sik a, kamanhong sik hei kae. Kalungsetna chei hi anmani seng in antamanhret sik kae.

ṬONGPHÔNG 2:9

Namalung inrimna hei ke’n kamanhret; nang sara nachang ke’n kamanhret, tâk kadiktak a chu kahao che! Jehudi chu changlo heia kachang ung kati he’n nang kadōia akaṭhamak antahri kha kamanhret, anmani Seitan ta kachang rup-hei kae!

TIMOTHY INKHATNA 4:2

Thir kalum tarohlon kapō, mandon ṭhen theina kaneimak hei, malei kasei mikahōn inthla heia inphut khang khava intheina kha ahong kasōk kae.

ROMANHEI 9:8

Hiva tina chu, taksa dungjuia a’nte sahei khachu Pathen sa changmak hei, khanga changloa Pathen ṭongtep dungjuia a’nte sahei seng rōk kha atu asa kadik-hei kae, tia inlo hei.

ROMANHEI 9:6

Ke’n Pathen ṭongtep kha inṭhe jo katina changmak; ajârchu Israel mi rakip kha Pathen mi changmak heia kae.

ROMANHEI 2:17

Nang heikhonga che mo? Nang nabinga Jehudi inkhat eng nati; Dân a khan a’nngai chea, Pathen na’nlensak pui;

JOHN 4:24

Pathen hi Rathla kae, khana ama Rathla hratna vâng rōk khan mihe’n ama antakamuk tor kae.”

JOHN 1:47

Jesu’n Nathanael ahnenga akahong kha ahmu pha, ama chungchâng ṭong ahri: “Enruh, Israel inchêntak inkhat so! Achunga ṭhena heite om mak.”

MATTHEW 23:13

“Nangni Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Marvân Rengram kot kha mihei hmaikunga nankhârpek hei; nangni nanbinga’m hlutmak chei, akahlut sik a a’ntluk hei um nangni’n nankhâr hei.

MALACHI 3:5

Chunghnung Rōngpu’n ati, “Ṭong katan sik a nankâra hongkangir sik eng, hmitphedôi kachoihei, mikajônghei, sâkhi kadikmak kapek hei, anṭōn katlohei rathaman kapek mak hei, khana renghmeihei, khana nu leh pa kasehei, khana ram hlop heia inphut hnemna kajōng hei, khana kei kajana anikapek mak hei seng chunga ṭong katan sik.

ZEPHANIAH 1:5

Innphu chunga akakea kani leh thla khana ârsihei kamukna akaneihei kha kamanhmang sik hei. Kei inmuk hei khana kei kajui sik a intepna kaneihei, tâk-kha Molech pathen rahminga intepna kaneihei kha’m kamanhmang sik hei.

ISAIAH 62:8

Rōngpu’n intepna marittak inkhat anei jo, Khana ama rathahrat vâng atlosōt sik jo: “Nasâng hei kha na’nrepui he’n sâk nôk mak jo hei ning, Khana ramlak mihe’n naju kha in nôk mak jo hei ning.

ISAIAH 58:2

Anmani’n ani katai ankamuk eng, kadânhei anjui hnōm khana kahlam anmanhret hnōmhêr anti. Dân intheng kapek sik heia kanmadu anti khana kei kamukna chunga anmani’n kahōi ansak anti.”

ISAIAH 45:23

Ka ṭongtep hi akadik kae, khan chu hivahi inthlengmak ning. Kei ka-ena rakip vânga a’ntep eng kae: Mi rakip kahong sik hei khana ankamuk sik eng. khana kaṭong juina sik a intep sik hei.

ISAIAH 44:5

“Inkhat khat a, mihe’n anhri sik, ‘Kei Rōngpu eng kae,’ tia. Anmani Israel mipui leh injom sik a kahong sik hei. Anmani inkhat et in anbâna Rōngpu rahming anmazet sik khana anbinga Pathen mi inti sik hei.”

ISAIAH 26:13

Rōngpu, kan-Pathen, milak he’n kanchunga vai anleirôn tâk nang rōk kan-Rōngpu che kae.

ṬONGCHÎK-HEI 5:16

Nuhmei ralak leh nantanei sahei kha nang sik anhnemna om mak ning.

HLAHEI 66:3

Pathen hneng hri ruh, “Naṭōn tlohei hi heituk-hrep a a’nlak mo! Naratha hi hingtuk hrep kahrat ti chu nakadōihei kha nahmai kunga ṭittak a inkun hei.

HLAHEI 63:11

Rn kha inpâk sik jo, ajârchu Pathen in retorna amannei jo. Pathen rahminga intepna kaneihei khan anmanpâk sik jo, tâk mimalei kaseihei bei khachu hippek sik hei kae.

RENGHEI INHNINA 17:34

Tuning katlung an-omchen marō kha anlatlo ṭhak a kae. Anmani’n Rōngpu kha kamuk mak hei, khan chu ama’n Israel tia rahming aleiphō Jacob sōn leh pârhei hnenga aṭongpek-hei kha’m juimak hei.

DÂNRABU INHNINA 33:28

Khava jâra Jacob sōnhei kamōnga ka-om hei, bōirōk a radaitui in ralei tui apekna hmun a hmuchi leh vomhrui ju siptakna ram a inngama ka-om hei.

DÂNRABU INHNINA 10:20

Rōngpu nan-Pathen ṭong jui ruh khana ama rōk kha kamuk ruh. Ahnenga taksenthei chang ruh khana ama rahming rōk a intepna nei ruh.

DÂNRABU INHNINA 5:28

“Rōngpu’n hivahi athei pha, kahnenga aleiti, ‘Hiva mihei ṭonghri ke’n kathei jo, khana anmani kadik-hei.

MIJAHEI 24:7

Anmani’n khōtui katluk a annei sik, Kaṭhatak a tui omna hleiheia hmuchihei anmankek sik. Anrengpa kha Agag kanek a kalen jôk sik. Khan chu anvairôn kha kalen kaseisa sik.

LEVI-DÂN 19:12

Nanta juimak sik achang inchu kei rahminga intep mak ruh; khava khan karahming amanset a kae. Kei nan-Pathen Rōngpu eng kha kae.

SŌKSŌT 23:13

“Rōngpu, ke’n kahri hei seng hi rangei ruh. Aralak pathenhei hneng derna neimak ruh; arahming bek um phamak ruh.

A’NPHUTNA 35:10

Pathen in ahnenga, “Narahming hi Jacob inti, tâk tuna inphut chu Israel a’nti sik jo che kae,” ati. Hing’hin Pathen in Israel tia aleiphō jo.

ISAIAH 46:12

“Kaṭong hri rangei ruh, malung kasak nangni, retorna kha kahlajap a ka-om tia a’ndon hei.

ISAIAH 64:6

Keini kankhenga mi kasettak leikachang ung; kanṭōn tlosōt akaṭhapen hei kapha kha’m akachok dâk kapō kae. Kansetna hei jâra thingbō invōia thli’n asêm manjōng kapō kachang ung.

JEREMIAH 44:26

Tâk-kha Rōngpu ke’n tlotorna kanei karahming vânga, Egypt a ka-om Israel sa rakip hnenga intepna kanei kae, tûnchu rangei ruh: nangni’n heitik chen’um avea karahming panna, ‘Ke’n akahring ṭhak Chunghnung Rōngpu rahminga intep eng,’ tia intepna mannei mak jo chei ning!

ZECHARIAH 5:3

Khana ngeva khan kei hneng ahri, “Ram pumpuia ajōng katlung sik hâksêrna sik kha hiva lekha shunga inzet. Hiva lang khat ting hin inru rakip, ram shunga inphut losōt sik hei tia inzet; alang khat tinga khan ṭongtepna thōia malei kasei rakip, losōt sik hei tia inzet.

RENGHEI INHNINA 5:20

Elisha sōkpa Gehazi’n abinga aleimandon, “Naaman in ka-oja hneng heite pek loa amanse jo! Syria mipa pekna so arahlâng sik kae. Akahring Rōngpu rahminga, akahnung kathlur sik khana heikhat ahnenga inphut kalo sik.”

HLAHEI 68:27

Ahma inkeipena Benjamin, phung kasinpen kahong; abâna Judah hlamkakeihei leh arup hei, abâna, Jebulun leh Naphtali hlamkakeihei khan anheijui hei.

ISAIAH 51:1

Rōngpu’n ahri, “Kaṭong hri rangei ruh, hukna indu hei, inthōpui sik a kahnenga akahong nangni. Nanhong inphutna hlungpui kha mandon ruh, nangni inchômsōtna hmun kha jongsōt ruh.

ISAIAH 51:2

Nanpusōn, Abraham, leh Sarah nanhong kōnna hei kha mandon ruh. Ke’n Abraham kabeksōt lai, ama sa leinei mak a kae, tâk-kha ke’n mahâmṭhat kapek a sa leh nai kaleipek; atu asa anja kamantam pek hei.

MICAH 2:7

Israel mihei hi hâksêr kachen sik a nanmandon mo? Rōngpu kha thōktorna neimak jo mo? Khava kapōtak a ama’n atlo sik mo? Akadik katlohei hneng ama’n lungset a hrina neimak a mo?”