ISAIAH 42:3 - LEKHARABU INTHENG (BSI)

³ Ama’n peng inhrop inkun kha dortan mak ning. khana thaihmei kathi de-de kha sêmthat mak ning. Ama’n mi rakip hneng aka-om ṭhak sik ṭongdik kha ahong rôn sōt sik.

ISAIAH 42:3 ပူးပေါင်းရင်းမြစ်များ

HLAHEI 147:3

Malung kakōi hei kha amandam pek nôk hei khana annatbi hei kha akatōmpek hei.

HLAHEI 54:5

Kei inrepuihei ṭhatmakna kha anchung kalan a karâkna sik Pathen in hmang rasoh. Anmani asuk manhmang sik hei ajârchu ama chu taksenthei kae.

HLAHEI 94:15

Ṭongtan hmun heia akadik kha inhmusōt nôk sik, khana mikadik rakip hei khan anmajôm sik.

HLAHEI 96:13

raleichung vai karôn sik a Rōngpu kha ajōng pha. Ama’n raleichunga amihei kha kadik leh kaṭhatak a vai arôn sik jo hei.

HLAHEI 98:9

ajârchu ama kha raleichung vai karôn sik a kajōng! Ama’n ralei mi rakip chunga akadik leh akaṭha vâng vai arôn sik.

ISAIAH 2:4

Ama’n jât kalenhei kâra innâkna ṭong atanpek sik hei. Anmani’n anchemjâm hei kha lôngkhuma ankheng sik hei khan chu ankasei hei kha thing bâk thlâkna chemcha a ankheng sik hei. Jât-hei kha re katuk se nôk hêrmak jo hei ning, re tlona sik a intluk hêrmak jo hei ning.

ISAIAH 40:11

Ama’n kemōng kakhem kapōa akemōnghei kha a-en kaṭha sik hei; Ama’n kemōnghei kha akhôm manchun sik hei khana abân vâng akadom sik hei; malung innemtak a anpui hei kha hlam akei sik hei.

ISAIAH 42:2

Ama’n ôngmak ning khana akare manhrek mak ning a-emak leh hlamdunga rasa inshânga ṭong hrimak ning.

ISAIAH 50:10

Nangni Rōngpu kajana kanei seng, khana asōkpa ṭong kajuihei seng, nanhlam hro kha inthim thei sik, tâk-kha Rōngpu taksen ruh, nan-Pathena in-ngai ruh.

ISAIAH 50:4

Akatlâksam hei ratha manngar torna sik a, Chunghnung Rōngpu’n hri sik kha amanthei eng. Amanthei sik eng kha rangeina sik a jîngkâr katai manhret hnōmna amannei eng.

ISAIAH 63:1

“Tu mo Edom ram a Bozrah khōpuia inphut a akajōng hi? Tu mo songhrep a ret kasen vânga kalûrtak a a’nvon, ratha hratna leh ngarna inṭhōia ahong injôk so?” Ama hi Rōngpu, huksōtna sik a ratha kahrat, aretorna akahri inthang sik a akajōng kae.

ISAIAH 66:2

Ke’n vânhnōi ralei pumpui hi kasyem kae! A’nsinsak a malung insir hei khana ani kaṭit leh kaṭong kajuihei chunga kei kamalung katlai.

ISAIAH 9:7

Areng ratha neina kakhang injôn sik; arengrama chamna ka-om ṭhak sik. Ama’n Reng David karōi kahlō inkhat a vai arôn sik, aratha neina kha ṭongdik leh ṭongtak chunga inhnga sik, tuna inphut pha inchai katlunga. Chunghnung Rōngpu’n hiseng hi tlo sik a amandon jo.

JEREMIAH 31:25

Ke’n akaṭōiber hei kha kamanngar sik hei khana vonṭâma akatlasam hei kha kamankhop sik hei.

EZEKIEL 34:16

“A’nhmanghei kha kajongsōt sik hei, akalôn lele hei kha kaheiṭhōi male sik hei, an-intônbi hei kha kakatōm pek sik hei, akanahei kha kaman dam sik hei; tâk-kha khava akathai leh ratha kaneihei kha kamanhmang sik hei, ajârchu kei akadik katlo kemōng kakhem eng kae.

MICAH 7:9

Keini Rōngpu kadōia setna kanleitlo jo, khava sik a tûnchu pha chomkhat sik a ahnuk natna kha kantade sik kae. Tâk-kha achaina ting chu ama’n keini ahrung sik ung khana kanchunga ṭhenahei kha amandikpek sik ung. Khōvâr hmun a aṭhōi sik ung, khana ama huksōtna kahmu theia kahring sik ung.

MATTHEW 11:28

“Phur kahrik karôna akachâm hei, nankhenga kahnenga hong ruh, ke’n châm manhngat chei rong.

MATTHEW 12:20

Mahre inkun inkhat ama’n sukthlek mak ning, khana thaihmei kathi de-de sêmthat mak ning. Dikna khan re amantor mak kârseng ama’n athōk sik,

JOHN 20:27

Khava sōa ama’n Thomas hneng, “Hin nakut hong kahmei roh, kakut hei hong-en roh; khan chu nakut heikalâng inna kamanâk hongsit roh, na’nkei-chio kha bâng jo roh khana taksen jo roh!” ati.

JOHN 5:30

“Ke’n kabing rōk rachama heite tlotor mak eng; Pathen tamanthei eng dungjuia ke’n ṭong katan. Khava jâra kaṭong tan kadik, ajârchu ke’n kamadu kha tlo sik reimak eng, tâk anijōng katirpa tamadu rōk kha katloa kae.

ṬONGPHÔNG 19:11

Khava sōa marvân inhlânga, shakor kabang inkhat aka-om ke’n kahmu. Achunga kachōngpa kha Akadik leh Taksenthei inti; Ama’n akadik vâng ṭong atana, are kha atuk a kae.