ISAIAH 41:5 - LEKHARABU INTHENG (BSI)

⁵ “Ram kahlatak a ka-om mihe’n kaṭōntlo rakip kha anleihmu; anmani kaṭi heia innok jo hei. Khava jâra anmani ankhenga intûp heia kahong hei.

ISAIAH 41:5 ပူးပေါင်းရင်းမြစ်များ

A’NPHUTNA 10:5

anmani hei hi tuipanga leh tuikekhuma aleika-om mipuihei pusōnhei kae. Hihei hi phung leh ram khana ṭong hlop-hlop kajôm Japheth sōn leh pârhei kha kae.

HLAHEI 65:8

Nang in ṭōn kalenhei natlo jâra vânhnōia mihe’n ṭittak a sip katia kangir hei. Naṭōn tlohei khan kekung kelera inpâk a ôngna kha amansōk.

HLAHEI 65:9

Nang in khō najōng mansûra, ralei hi kaṭha na-ensuina kha namalâr; ralei hi namanhao khana athai namansip. Kava dunghei tui namansip hei; khana raleia hmuchi namankek hei. Natlodân kha hi kae:

HLAHEI 66:3

Pathen hneng hri ruh, “Naṭōn tlohei hi heituk-hrep a a’nlak mo! Naratha hi hingtuk hrep kahrat ti chu nakadōihei kha nahmai kunga ṭittak a inkun hei.

HLAHEI 67:7

Pathen khan vâng apek jo me; hmuntina mi rakip in ama kha kaja hei rasoh.

SŌKSŌT 15:14

Jât he’n anthei jo, khana kaṭi heia innok hei; Philistihei kha ṭitna’n kasip jo hei.

ISAIAH 41:1

Pathen in ati, “Kadai hngera om ina kahri rangei ruh, nangni ram kahla hei! Nanṭong sōk kha ṭongtan hmun a hrisōtna sik a intlukdek ruh! Nangni ṭong hrina sik pha kaṭha nanchen sik. Eini intluk et me sona tu mo akadik ṭong mathlâkna nei rih.

ISAIAH 41:6

Kut kathemhei inkhat leh inkhat inbômtō hei khana malung mathokna innei jo hei.

EZEKIEL 26:18

Tûnchu, khava apur ning khan, Tui takake khum ram rakip innok jo hei, Khana anmihei khava inhmangna khan amanchâm jo hei.”

JOSHUA 2:10

Nangni’n Egypt nanhei dahlon pha Rōngpu’n Tuipui Kasen amanchâr kha kanthei jo. Jordan nisōtinga Amor reng 2, Sihon leh Og nantathat hei kha’m kanthei jo.

JOSHUA 5:1

Jordan tlaitlâk tinga Amor reng rakip, Mediterranean Tuipui panga Canaan reng rakip in Jordan kha Israel mipui he’n anrakansō mak kârseng Rōngpu’n amanchâr pek hei ti kha anleithei jo. Israelhei jâra anmani leikaṭi hei khana an-in ngamna le’nhmang jo.