ISAIAH 40:9 - LEKHARABU INTHENG (BSI)

⁹ Jerusalem, tlâng inshânga ketou roh, khana ṭong kaṭha kha hrimanthang roh! Zion, rasa inshângtak a ông roh; ṭong kaṭha kha phôngsōt roh! Hrisōt roh, ṭitmak roh. Judah khōpuihei kha manthei hei roh, an-pathen kha kajōng jo tia.

ISAIAH 40:9 ပူးပေါင်းရင်းမြစ်များ

THUHMINGHEI INHNINA 13:4

Remihei kha Ephraim tlângrama re intlo jo hei. Reng Abijah khan Zemaraim Tlânga kaketoua Jeroboam leh Israel mihei abek hei: Ama’n ati, “Kaṭong rangei ruh!

ISAIAH 1:1

Hiva lekharabu shunga hin Amoz sapa Isaiah hnenga, Judah ram a Uzziah, Jotham Ahaz leh Hezekiah he’n reng anchanglaia ṭonghei kha ka-om hei.

ISAIAH 12:2

Pathen kha kakahuk inhring kae; Ke’n ama kataksen sik khana kei ṭimak ning. Rōngpu’n kei ratha leh hratna apek eng; Ama kakahuk inhring kae.

ISAIAH 25:9

Hiva omchen hi asōk pha, mi rakip in anti sik, “Ama hi ni-Pathen kae! Eini’n ahnenga taksenna ninei. Ama hi Rōngpu kae ahnenga taksenna ninei, khan chu eini inpâk me, kahōi me, ajârchu ama’n ahuk mea kae.”

ISAIAH 35:2

Nêrdiram in hla asak sik, khan inpâk a ka-ông sik Lebanon tlâng enhnōm ka-om tak a aṭhatna kapōhrep kachang sik, khana Carmel ram leh Sharon ram a hleiheia ralei thai aṭhat kapōa kachang sik. Mi rakip in Rōngpu lûrna leh lenna anhmu sik, Alenna leh arathahrat anhmu sik jo.

ISAIAH 41:27

Rōngpu kei hi Ziona ṭongphông inthei hma-inkei eng kae; ke’n Jerusalema tirle inkhat hinga avakahri sik a kalei tir, ‘Namipuihei kha kahong sik hei!’

ISAIAH 44:26

Tâk-kha kasōk in hnungṭong asânsōt pha, kaṭōn mantlukna akaphôngsōt sik ngeva katirhei pha, Khava ṭōnhei kha ke’n kamantluk hei khana hnungṭong sânsōt hei kha kadiktak a kasōk heia kae. Ke’n Jerusalem hnenga mipuihei ashunga hong ka-om nôk sik hei, khana Judah khōpui kha athera anta hongsak sik hei kae tia kahri pek. Khava khōpuihei kha ansukset sōa inphut hongkathōi nôk sik hei.

ISAIAH 51:12

Rōngpu’n ahri, “Nangni rathahrat kape kha kei eng kae. Heisa mo akathithei kha nantaṭit, kahar kanek a akasôt aka-om mak hei kha?

ISAIAH 51:7

“Kaṭong rangei ruh, nangni akadik inhret hei, nanmalunga kaman theina kahnet a a’nvon hei. Mihe’n êngset antlo cheia inzakna anpek chei pha ṭitmak ruh;

ISAIAH 52:6

Akahong sik pha khan kei hi Pathen eng kae khana nanhnenga ṭong kahri kae ti hi nanhong manhret sik jo.”

ISAIAH 58:4

Nanthlai hngōi khan hnuk kase amanchang chei khana innâk-inse cheia kae. Hinghiva thlai hngōi derna nei hi ke’n karangei pek sik chei tia nantamandon mo?

ISAIAH 61:1

Chunghnung Rōngpu’n arathla intheng amansip eng. Ama’n kei akadei enga atir eng, Sarahei hneng ṭong kaṭha karôn sik, Malung kakōi hei indam sik, Rehringa khum hei masōsōtna kaphông sik, Khana kurkhum a ka-om hei ning leh hnōma masōna sik.

JEREMIAH 22:20

Jerusalema mihei, Lebanona se una va-ông ruh, Bashan ram a se una vapeng ruh; Moab tlâng heia inphut behei ruh, ajârchu nansap changpui senghei kha hmaimôk anhmu joa kae.

JEREMIAH 29:11

Nangni sik a kei mantlukna, inrengna sik changloa khangsōtna sik ṭōnmantluk khana hnunga sik nan-inhōrna mantlukna hei kha kei rōk in kamanhret.

NAHUM 1:15

Enruh, tlâng rekhat a inphut mi inkhat in ṭong kaṭha leh inṭhōia kajōng! Ama kha retorna ṭong kaphông sik a hlam a kajōng. Judah mihei, nanrevei kha tlo ruh khana Pathen hneng naṭong tepna kha pek ruh. Mikaṭhamak he’n nanrama ahei tik a’m re tlomak jo hei ning. Anmani tha manrampet jo hei kae!

LUKE 24:47

khana Jerusalema inphut a jât rakip hneng malung thlengna leh set rangei mandamna sik ama rahminga ṭong inhri inthang sik kae.

ṬŌNTLOHEI 2:14

Khava pha Sonle 11 hei leh inṭhōia Peter kangirsōt a rasa inhnaktak a mipuihei hneng hing’hin ṭong aleihri: “Ka-Jehudi changpui hei leh Jerusalema ka-om hei, hivahi heitina mo hripek chei rong rangei ruh.

ṬŌNTLOHEI 4:13

Themna-singna kaneimak anchang ravâng Peter leh John in khang hrep a inngamna antanei kha Sehmang-pachong he’n anmanhret pha anlei mandonhla hêr hei. Khantō khan Jesu leh ale’nloisōm anchang kha anhei mandonsōt jo.

ṬŌNTLOHEI 4:29

Tûnhin Rōngpu, keini anmaṭhitna ung hi amanhret pek roh, khana nasōk keini’n naṭong hi kangamtak a kanhri torna sik ahnōm pek roh.

ROMANHEI 10:18

Tâk-kha ke’n kader: ṭong hi antathei mak mo kae? Anmani’n antheikhet jo ajârchu Ṭong intheng in ahri: “Anṭonghri karesō raleichung pumpuia kase sō jo; anṭong rahme raleichung inchaina katlung sō jo.”

EPHESIANHEI 6:19

Ke’n hri sik a ka’ntluk pha, Pathen ṭong kha apekna sik eng, khana ṭong intheng in-ip kha kangamtak a kahrisōt torna sik leh mi manhretna katlo theina sik aderpek ruh.

TIMOTHY INKHATNA 3:16

Eini bekṭong in-ip lenje hi tûte’n emak titheimak hei ning: Ama mihringa hong inlâr, Rathla khan kadik tia amalâr, khana ngeva he’n anleihmu. Jât-hlop hei kâra ama ṭong le’nhrile, vânhnōi pumpui in anleitaksen, khana marvâna ṭhōitoua leika-om jo.

PETER INKHATNA 3:14

Tâk-kha nangni’n akadik ṭōn nantlo jâra khōdeng nantathei achang inchu, heituk mikahōi chei mo! Tûte ṭitmak hei ruh, nanmalung um manrim mak ruh.

ṬONGKATANHEI 9:7

Jotham in ṭong hi athei pha, ama kasesōt a Gerizim Tlâng lera le’ntung khana anhnenga leika-ông, “Kei ṭong rangei ruh, Shechema mihei, Pathen in nangni arangei sik chei!