ISAIAH 4:6 - LEKHARABU INTHENG (BSI)

⁶ Ama lûrna khan khōpui kha sûn kani kaluma inphut daihlim vâng amakhu sik, khana inhuk theina hmun a asyem sik, khōsûr leh khōjang kapōk a inphut in-ungna asyem sik.

ISAIAH 4:6 ပူးပေါင်းရင်းမြစ်များ

HLAHEI 27:5

Khōdeng theina a-om pha ama’n in-ungna apek sik eng; Abek-inn shunga ama’n kei kahōia ada sik eng khana hlungpui inshâng chunga akahuk a ada sik eng.

HLAHEI 55:8

Thlipui khōpui phâk makna sik a inrangtak a ka-omna sik hmun kha kajongsōt sik.

HLAHEI 91:1

Inhuksōtna sik a Rōngpu hneng akase rakip, Akahratpen sânsōtna thōia aka-om rakip hei khan,

ṬONGCHÎK-HEI 18:10

Rōngpu chu repa hngakna berte kahnettak kha kae, mikadik he’n ṭongpek a inthupthei hei khana inhukthei hei.

ISAIAH 14:32

Philisti inphut ṭongkarôn nihnenga akahong hei kha heikhong mo nimasôn sik hei? Rōngpu’n Zion hi aphunsōt jo, khana ami inreng he’n khana khan inhukna anchen sik tia nimanthei sik hei kae.

ISAIAH 25:4

Sara inṭangpui kaneimak he’n nahnenga hong katlân hei khana inrengna pha inhukna annei che. Thlipui thlihrem kâra leh sûn kani kalum thōia in-ungna napek hei. Mi kakhôk he’n phebi thlipui kapōa mi anbuhlu hei,

ISAIAH 30:30

Rōngpu’n alûrna kare rasa leh ahnuknat rathahrat kha mi rakip amanthei et sik hei. Khana khan hmei male, sumtuk kapōk-khōi, kahre leh khō kasûr inhnak kasōk sik.

ISAIAH 32:1

Kani ṭhahrep sōa reng inkhat malung pui katluk a vaikarôn inkhat ka-om sik, khana akadik a ṭongkatan jât-hei hlamkakeihei ka-om sik hei.

ISAIAH 32:2

Anmani inkhat et kha thlipui khōpui kâra mihei inthupna leh thlihrâng pha in-ungna ka-ang sik hei. Anmani kha nêrdiram a kavadung leh ramhânga hlungpui ka-ang sik hei.

ISAIAH 8:14

Kei ṭit ka-om tak inthengna jâra, kei hi mihei inpaina hlungpui inkhat ka-ang eng; kei hi Judah leh Israel rengram khana Jerusalem mihei in-ôkna sik châng ka-ang eng.

EZEKIEL 11:16

“Tûnchu nasap rehringa antasur mihei hneng manthei hei roh. Hmun kahlatak a ka-om jât-hei hnenga ankatirsōt leh ram hlop a a’nchai kathek kha kei eng kae. Kha’num, pha khat sik a anleisena ramheia khan ka-ompui sik hei.

HEBREWHEI 11:7

Taksen jâra Noah’n aleihmu phâkmak hnunga omchen sik a Pathen gîkna aleitheia kae. Khana ama’n aṭong ajuia rakōng inkhat asuia khava shunga ama leh a-innshung le’nhuk hei. Khava jâra, vânhnōi hi themmô manchen jo kae, khana taksen jâra mandikna kha Pathena inphut Noah’n aleichen jo.

HEBREWHEI 6:18

Hiva thlengthei kaemak 2 hi ka-om hei, khahei chunga Pathen amalei seitor mak. Khava jâra ama leh inhukna kachen jo me eini hmaikunga inhōrna adapek me kha kahnet a nimatu tlitna sik inhnaktak a amathok me kae.

ṬONGPHÔNG 7:16

Anmani anvon ṭâmhêr mak jo ning, antui um hrehêr mak jo ning; khan chu kanisat in kâng mak jo hei ning,