ISAIAH 4:3 - LEKHARABU INTHENG (BSI)

³ Jerusalema dahlona laka-om seng, Pathen in akahring sik a akadeisōt senghei kha a’ntheng a’nti sik hei kae.

ISAIAH 4:3 ပူးပေါင်းရင်းမြစ်များ

HLAHEI 69:28

Hringna lekharabu shunga inphut anrahming losōt a om rasoh; namihei rahming mazetna shunga khan inveisa mak hei rasoh.

HLAHEI 87:6

Rōngpu’n mi rakip amazet man-gôr sik, ankhenga Jerusalem mihei tia amanveisa sik hei.

ISAIAH 1:27

Ajârchu, Rōngpu kha akadik kae; ama’n Jerusalem leh ashunga ka-om rakip malung kathlenghei kha ahuk sik hei.

ISAIAH 28:5

Chunghnung Rōngpu kha ami alakahring senghei sik a lûrna lenlukhu kapō akachang sik kani kha kahong jo.

ISAIAH 35:8

Khava hmun kha hlampui hongkachang sik “Hlamlen Intheng”, anti sik. Mikaset in khava hlamlena khan hrothei hêrmak ning; mikamohei khan khava hlam a kase hei kha hōn mathla tor mak hei ning.

ISAIAH 46:3

“Jacob sōn leh pârhei, kaṭong hri rangei ruh, kami inhlei akahring hei seng! Nan-intet bia inphut ke’n ka-ensui chei.

ISAIAH 52:1

Jerusalem, ngar roh, len nôk roh! Pathen khōpui intheng, pōnret kalûrtak a invon roh! Pathen ka-ôimak he’n nakekot a avea hlut nôk mak jo hei ning.

ISAIAH 6:13

Mi 10 shunga inkhat akathi inhlei a-om inum, ama kha’m suk manhmang sik kae; ama kha sasōkung tuktansa akungmui ka-ang sik.” (Thingkungmui hin Pathen mihei athera hong inphutna manhmuna inkhat kae.)

ISAIAH 60:21

Nang mihei seng in ṭōn kadik antlo sik, Khana ram kha ahei tik a anhlō sik jo. Ke’n anmani kaling hei, Ke’n kasyem hei, Vânhnōia kalenna phôngsōtna sik a kae.

ISAIAH 62:12

Nangni “Pathen Mi Intheng hei,” “Rōngpu Tahuksōt mihei,” tia anbek sik jo chei. Jerusalem kha, “Rōngpu Talungset Khōpui,” “Pathen Tadahlon mak Khōpui,” inti sik jo.

EZEKIEL 13:9

Hmangtalâr kadikmak leh hlamlea ṭhōi theina hnungṭong kahri sânkathem nangni ke’n karâkna kapek sik chei. Kami he’n inbektōna annei pha nangni chu khan leiom mak tin; Israelhei ram mi changna lekharabu shunga nanrahming inveisa mak ning; nangni nanrama inle hêrmak tin. Khan chu nangni’n kei hi Chunghnung Rōngpu eng kae tia nanhong manhret sik eng.

EZEKIEL 43:12

Hivahi Bek-inn sedân kae ti chu: tlâng bilik a akimve ram seng kha akaṭha leh a’ntheng kae.”

JOEL 3:17

“Khana, Israel, nang in kei hi Rōngpu na-Pathen eng kae tia namanhret sik eng. Jerusalem hi khōpui intheng kachang sik; miram he’n ahei tik a’m hlō tor nôk mak hei ning.

OBADIAH 1:17

“Tâk-kha Zion Tlânga mi ṭhahrep chu katlânsōt sik hei, khavakha hmun intheng akachang sik kae. Antaneidôr kasōk ram kha Jacob mihe’n anlachen sik.

ZECHARIAH 14:2

Rōngpu’n phung tin jâttin rakip Jerusalem dōina re tlona sik a amantûp sik hei. Khōpui kha anhlō sik, innshunghei anchom sik hei, nuhmeihei kha ansetpui sik hei. Mipui harkhat rehringa ankei sik hei, khana a’nhleiseng chu khōpuia inphut keisōt mak hei ning.

MALACHI 3:16

Khan chu Rōngpu kaṭit seng khat leh khat inbek hei, khana Rōngpu’n an-inbekna kha arangei heia athei pek hei. Ama hmaikunga, lekha inkhat shunga Rōngpu kaṭit leh kajana kaneihei rahming kha anmazet manhlut jo.

LUKE 10:20

Tâk-kha rathla kaṭhamak he’n nanṭong anjui jâra inpâk mak ruh, khava kanek a marvân chunga nanrahming a’nzet inhlut jâra inpâk jôk ruh.”

ṬŌNTLOHEI 13:48

Khava ṭong kha Jât-hlop he’n anthei pha, inpâk heia Rōngpu ṭong kha anchoi ka-ân jo; khana kumsôt hringna kachen sik a kadeisōt hei khan atakkasen kachang jo hei.

ROMANHEI 11:4

Pathen in heikhong mo amasôn, “Malei kasei Baal Pathen inmukmak kei sik a mi 7,000 kalada hei.”

ROMANHEI 11:5

Tûn kha leh in-anghrep a, alungset maritna jâra Pathen takadeisōt mi katlômtek inhleia ka-om hei.

EPHESIANHEI 1:4

Eini ahmai kunga ṭhenakase a’ntheng nichangna sik, vânhnōi ralei ansyem mak hma inphut Pathen in atâ kachang sik a, Christa leh inchunna shunga aleikadei jo me kae. Ama lungset jâra

PHILIPPIANHEI 4:3

Khana taksenthei kaṭōn tlopui hei, nangni um hiva nuhmeihei hi nanta’nthōpui sik heia kamadu chei; ajârchu anmani hin, akahring Pathen lekharabu a’nzet jo Clement leh kaṭōn tlopui heirakip leh, Pathen ṭong intheng semsōtna khan kei leh kahrat a ṭōn kanta leitlosap kae.

COLOSSIANHEI 3:12

Nangni Pathen mi chei kae; atâ kachang sik a alungset chei khana akadei jo chei. Khava jâra lungsetna, lum lona, insinsakna, nunkahōi leh dehratna kha a’nvon nger sik chei kae.

HEBREWHEI 12:14

Mi rakip leh intōk inchamna sik leh hringkhō inthenga omna sik tak intlo ruh, ajârchu khava loa chu tûte’n Rōngpu kha hmutor mak ning.

PETER INKHATNA 2:9

Tâk-kha nangni chu kadeisōt phung, Rengpa thempu, a’ntheng jât, Pathen khet mi, Pathen ṭōntlo inlak kahrile sik a a’nthima inphut a vâr inlak a abeksōt jo chei kha kae.

ṬONGPHÔNG 13:8

Raleichung ansyem mak hma ale’nthat jo Kemōngte hringna lekha shunga rahming a’nzet hei tei loa raleichung mi rakip in ama antakamuk sik kae.

ṬONGPHÔNG 17:8

Ranhring nahmu kha vōi khat leikahring, tâk tûnchu hringmak jo, ama kha suk manhmang theina sik adongna kase dôpkhura inphut ahei kasōkvet jo kae. Ralei ale’nphut mak hma hringna lekharabu shunga rahming ale’nzet inhlutmak raleichunga akahring he’n, ranhring kha anhmu pha inlak hêra anmandon et sik. Khavakha pha khat a leikahring; tûnchu hringmak jo, tâk avea laho’nlâr nôk sik.

ṬONGPHÔNG 20:15

Tu achang inum hringna lekharabu shunga arahming aka-om mak mi khachu hmei dîr shunga anhlon manhlut jo hei.

ṬONGPHÔNG 21:27

Tâk-kha khōpui shunga khan a’nnim heite hlutthei mak ning, khan chu malei kasei leh inzakna ṭōnkatlo hlutthei mak ning. Kemōngte hringna lekharabu shunga arahming a’nzet hei rōk kha khōpui shunga akahlut sik hei kae.

ṬONGPHÔNG 3:5

Torna kaneihei kha hiva kapōa pōn kachek an-invon sik, khana hringna lekharabu shunga inphut anrahming losōtpek mak hei ning. Khana kapa hmaikunga leh angevahei hmaikunga anmani keita hei kae tia inlârtak a kaphông sik.