ISAIAH 3:12 - LEKHARABU INTHENG (BSI)

¹² Sêrpûk kasem he’n kamihei ansuk manrim hei, ansêr inpûk hei kha’n anhōn heia kae. Kamihei nanhlam kakei he’n hlamlea anṭhōi chei, khava jâra khonting mo ahe’nle sik chei ti, manhret mak jo chei.

ISAIAH 3:12 ပူးပေါင်းရင်းမြစ်များ

RENGHEI INHNINA 11:1

Ahaziah rengpa nu Athaliah’n asapa anthat jo ti ṭong athei pha reng-innpuia ka-om reng innkō rakip thatsōna sik a ṭong apek jo hei.

JOB LEKHARABU 30:13

Anmani’n kei tlânsōtna hlam anikhar khana manhmangna sik antlo eng. Anmani kakhâm sik a tûte om mak hei.

ṬONGCHÎK-HEI 28:16

Akaṭha mandonna kaneimak vaikarôn khachu nun kase, lungset inhret mak kachang sik. Malung intheng mak kahōt mi khan pha kasôttak vai arôn sik.

MI INTHEIPA 10:16

Ram inkhat in arengpa kha khangdông achanga khana aram vaikarônhei khan jânsôt rehōi antlo’nchu khōdeng theina adea kae.

ISAIAH 19:14

Rōngpu’n anmani kha inhmakna sik mansena kha aman pek hei. Khava jâra, Egypt in ṭōn kadikmak rōk atloa ju inrui inkhat in amalōkna chunga akatlu kapōa kachang jo.

ISAIAH 3:4

Rōngpu’n mihei kha pui alakatluk mak pase naihei vai amanrôn sik hei.

ISAIAH 51:22

Rōngpu, nan-Pathen in ahrung cheia ahri, “Ke’n kahnuknat a kapek chei kōklei kha kalosōt jo. Khava ju nanlôn invekna kha nangni’n in nôk mak jo tin.

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

MICAH 3:5

Sêr kapek hei hneng mōngna ka-om sik antia inhâksêr hei, akapek mak hei hnenga re kahong sik tia maṭhitna annei heia kamipuihei kha sânkathem he’n anhōn heia kae. Khava kapō sânkathemhei hneng Rōngpu’n ati,

NAHUM 3:13

Naremihei kha nuhmei kapō hei kae, khana naram kha nakadōihei hmaikunga inhrung tor loa kangira kae. Nasōngkot kot khârhei hmei in akângsō sik hei.

MATTHEW 15:14

Anmani chunga nanmalung manrim mak ruh! Anmani hmitkachohei hi hmitkachohei hlamkakeihei kae; hmitkacho inkhat in hmitkacho inkhat hlam akei inchu, an-inhnibât a khur kōk a akatla sik hei kae.”

MATTHEW 23:13

“Nangni Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Marvân Rengram kot kha mihei hmaikunga nankhârpek hei; nangni nanbinga’m hlutmak chei, akahlut sik a a’ntluk hei um nangni’n nankhâr hei.