ISAIAH 27:3 - LEKHARABU INTHENG (BSI)

³ “Ke’n rahōn hi ka-en ṭhak a tui kachep ṭhak. Tûte’n anmanset makna sik ke’n asûn-ajân kahrung ṭhak a kae.

ISAIAH 27:3 ပူးပေါင်းရင်းမြစ်များ

A’NPHUTNA 6:17

Ke’n akahring ranhring rakip manram petna sik tuishâng kahei manlen sik. Raleichunga heirakip kathipet sik jo hei,

A’NPHUTNA 9:9

“Tûn ke’n nang leh natu-nasahei hneng intepna kanei kae,

RENGHEI INKHATNA 8:59

Hiva ke’n derna leh ngekna ahnenga kanei hi ahei tik a Rōngpu ni-Pathen in amandonṭhak pek rasoh. Ama’n Israel mipui leh anrenghei chunga, ani tina antarangei dungjuia, lungset ṭhak hei rasoh.

HLAHEI 46:11

Chunghnung Rōngpu’n a-ompui me; Jacob Pathen kha ni’nthupna kae!

HLAHEI 46:5

Khōpuia khan Pathen ka-om, suk manset chang hêrmak jo ning; jîng khōvâr hmatak a khava inthōpui sik a kahong sik.

ISAIAH 31:5

Va inkhat in vate hei hukna sik a arabu chunga ahrung kapōa akahrângpen Rōngpu ke’n, Jerusalem kahrunga kahngâk sik kae.”

ISAIAH 42:6

“Rōngpu ke’n nangni kabek chei kae khana ratha kapek jo chei kae, raleichunga akadik intlo ti kha hmusōtna sik a. Nangnia inphut mi rakip leh intepna inkhat kasyem sik; nangnia inphut jât-hei hneng vâr kajōng rôn sik.

ISAIAH 44:3

“Ke’n ram kachâr hmun a tui kapek sik, ralei chârna kavadung kaman lōng sik. Ke’n nasahei chunga karatha hratna kajōng bun mathlâk sik, khana nasōnhei chunga kamahâm ṭhatna kapek sik hei.

ISAIAH 46:4

Kei nan-Pathen eng kae; katinta ṭhak sik chei. nanter mak hma seng khana nansam abangmak hma seng. Ke’n nangni kasyem chei khana ka-ensui sik chei; ka’nṭangpui sik chei, khana kahuksōt sik chei.

ISAIAH 46:9

Tenlaia omchen kasōk kha mandonsōt ruh; kei rōk hi Pathen eng kae khana kei kapō tûte ralak om mak ti hi hnōm ruh.

ISAIAH 49:8

Rōngpu’n amihei hneng ahri, “Nangni huksōtna kha ajōng tlung pha, lungsetna kha kamanhmu sik chei. khana inṭangpui sik a nanṭapna kha kamasôn sik chei. Kahngâk a kahrung sik chei khana nangnia inphut mi rakip leh intepna kasyem sik. Tûna akarōksaia ka-om nanrama ave nôk a kaman om sik chei.

ISAIAH 5:6

Kahar kha kamanbuksi sik. Abâk-hei manhleng mak jo ning, akung um mavurmak jo ning; khava nek a, phibuk leh rahling chap in kabuksi jo rasoh. Sumtuk in achunga khō amansûr sik kapha, kakhâm sik jo.”

ISAIAH 58:11

Khana ke’n ahei tik a hlamkakei sik jo chei khana akaṭha neinâk vânga kamantlai sik jo chei. Ke’n nangni kamanhrat sik chei khana kamanhōi sik chei. Nangni tui katamtak omna, akakang hêrmak tuiripût ka-ang sik jo chei.

ISAIAH 60:16

Jât leh reng he’n antinta sik che, Anu’n asa kaṭha nenga arazen kapōa Rōngpu ke’n, kahuksōt che Ratha kahrat Israel Pathen khan ning leh hnōma amasō jo che ti hi nahong manhret sik jo.

EZEKIEL 34:11

“Kei Chunghnung Rōngpu’n kamanthei chei hi kae, kakemōnghei kha kabinga kajong sik hei khana ka-ensui sik jo hei.

EZEKIEL 34:24

Rōngpu kei hi an-Pathen kachang sik eng, khana kasōkpa David kapō reng inkhat in anvaikarôn kachang sik. Ke’n kahri jo.

EZEKIEL 37:14

Kei kaphuk anshunga kamasâ sik, kamanhring nôk sik hei, khana anrama kaman om sik hei. Khava sōa anmani’n kei hi Rōngpu eng kae tia anmanhret sik eng. Ke’n tlo sik a intep jo eng, katlo sik kae. Rōngpu ke’n kahri jo kae.”

EZEKIEL 37:28

Anmani kâra ahei tik a aka-om sik a kabek-inn kha kada pha, Rōngpu ke’n Israel hi kami sik a kakadeisōt kae tia jât he’n anmanhret sik jo.”

SAMUEL INKHATNA 2:9

“Ama’n taksenthei kachang mihei hringkhō kha ahrung, tâk mikaṭhamak-hei khachu inthim thōia inhmanghei; mi inkhat hi arathahrat vânga hme asō changmak.