ISAIAH 26:7 - LEKHARABU INTHENG (BSI)

⁷ Rōngpu, nang in mikaṭhahei sik a hlam namanne pek hei; anhlam hro namancham pek hei.

ISAIAH 26:7 ပူးပေါင်းရင်းမြစ်များ

THUHMINGHEI INKHATNA 29:17

Nang in mi rakip malung na-enmansin ti ke’n kamanhret, khana malung intheng hei chunga namalung katlâi. Ke’n malung inthengtak a khana pek hnōmtak a hiseng hi katōk che kae, khan chu nimipuihei hinna ahon’tûp seng hin inpâktak a nang hneng tōk sik a anta heichoi kahmu sōt a kae.

JOB LEKHARABU 31:6

Akadik khartena vâng Pathen in kei ate rasoh heituk a ṭhena kaneimak eng mo ti hi amanhret sik.

HLAHEI 1:6

Mikadik-hei kha Rōngpu’n hlam akei hei khana ahrung hei; Tâk-kha mikaṭhamak-hei chu inrengna hlam anhroa kae.

HLAHEI 11:4

Rōngpu kha abek-inn intheng shunga ka-om; marvân chunga alen in-ongna anei. Ama’n hmuntina mihei a-ensui hei khana anmani’n heimo antatlo amanhret.

HLAHEI 11:7

Rōngpu chu akadik kae, ṭōn kaṭha hei kha amadu; akaṭha katlohei kha a-âng shunga ka-om sik hei.

HLAHEI 25:4

Nahlamhei kha amanthei roh, O Rōngpu, khahei kha manhretna amannei roh.

HLAHEI 25:5

Nadikna dungjuia hringna sik amanthei roh, ajârchu nang chu kakahuk inhring ka-Pathen che kae. Ke’n ahei tik a kataksen che.

HLAHEI 27:11

Rōngpu, namantlo hnōm eng kha amanthei roh, khana hringna hlamting khan aṭhōi roh, ajârchu inrepui hingja kaneihei.

HLAHEI 5:9

Ka’nrepuihei tahri kha taksenthei chang hêrmak: anmani’n suk manhmang sik rōk anmadu. Anbeisō kha kahōia inne, tâk thitheina mihōnna kasiptak.

ṬONGCHÎK-HEI 11:5

Malung intheng in mikaṭha hringkhō amanhōi pek, tâk mikaṭhamak he’n anbinga tlâksukna ansyem.

ṬONGCHÎK-HEI 20:7

Sahe’n malung intheng leh akadik katlopa inkhat annei inchu anmahâm kaṭha.

ṬONGCHÎK-HEI 21:8

Ṭhena kanei he’n hlam kalet anhroa kase hei; ṭhenakase he’n akadik antlo.

ṬONGCHÎK-HEI 3:6

Natlona rakip chunga Rōngpu kha mandonsōt roh, khana ama’n hlam kadik kha amanhmu sik che.

ṬONGCHÎK-HEI 4:18

Mikadik tahro hlam khachu kani ahong kasōk a, sûn pha ahong tlung mak kârseng ahong kavâr chet-chet kapō kha kae.

ISAIAH 30:18

Kha’num Rōngpu’n lungset sik alahngâk ṭhak chei. Ama’n ahei tik a ṭōn kadik atlo ṭhak jâra nangni lumlo sik cheia intluk a kae. Rōngpu chunga taksenna kaneihei kha mahâm kaṭhahei kae.

ISAIAH 35:8

Khava hmun kha hlampui hongkachang sik “Hlamlen Intheng”, anti sik. Mikaset in khava hlamlena khan hrothei hêrmak ning; mikamohei khan khava hlam a kase hei kha hōn mathla tor mak hei ning.

ISAIAH 42:16

“Ke’n kami hmitkachohei kha antahro phung hêrmakna hlamdung heia kaṭhōi sik hei. Ke’n ankhō inthim kha vâr kamanchang pek sik hei khana anram kaphok hei kha anhmai kunga kamannejap pek sik hei. Hihei hi kei intepna kae, khana ke’n sôilo jen a katlo mathluk sik hei kae.

ISAIAH 52:12

Tûna pha hinchu inhnottak a nantadahlon mak sik kae; tlânsōtna sik a a’nrei mak sik chei kae. Rōngpu nan-Pathen in hlam akei sik chei. khana ramkei rakip a akahuk sik chei.

ISAIAH 57:2

Hringkhō kaṭha kahmang hei kha mōngna leh inhngatna anchen joa kae.

JEREMIAH 10:23

Rōngpu, mi inkhatbek hi abing hringkhō tlunghmun katinta om mak ti hi ke’n kamanhret jo; tûte inkhatbek in abing hringkhō hi inkhimtor mak.

HOSEA 14:9

Mikasing he’n hinna inzet hei hi manhret rasoh, anmalunga inda hei rasoh. Rōngpu hlam chu akadikhei kae, mikadik he’n khahei kha anjuia kahring hei, mikaset he’n andon mak jâra inpai heia katlu ri hei.

ZEPHANIAH 3:5

Tâk-kha Rōngpu kha khōpuia laka-om ṭhak, akadik rōk kha atlo; akadik mak kha tlojen mak. Jîngkâr katai sôilo jen a amihei hnenga akadik kha ahei rôn pek hei. Tâk-kha mikadik mak he’n akadik mak kha antloṭhak khana inzak um manhret mak hei.

CORINTHIANHEI INKHATNA 4:5

Khava jâra pha atluk hma nangni’n tu inkhat chunga ṭong tanloimak ruh. Achaina ṭongtan khan Rōngpu ajōngmak kârseng ahngâk nger sik kae; ama’n mihring malung shunga a’n-ip ṭōnmantluk, khō inthim thōia ṭōn marûk-hei kha khōvâra amalârsōt sik hei. Khana mi rakip anrahōi kasōk choi ka-ânna kha Pathena inphut antarahlâng et sik kae.

CORINTHIANHEI INHNINA 1:12

Hiva raleichunga kanhringkhō, akarôn pena nangni leh ni’nmetna chunga hin Pathen tapek me malung ipna omlo leh inthengna vâng, Pathen maritna ratha neina vâng, mihring singna vâng changloa, nichunga vai arôn ti hi keini malung ṭhen theina hin amanchên jâra inlensakna kannei.

EPHESIANHEI 2:10

Nikahring hi Pathen tasyem me kae, Jesu Christa leh inchunna shunga nihringkhōa tlosōt sik aman tlukdek jo ṭōn kaṭha katlo sik a asyem me kae.

JOHN INKHATNA 3:10

Hivahi Pathen sa leh Diabol sa inkârna inchêntak a inlârna kha kae; tu achang inum ṭōndik katlomak leh mihlop inlungset mak mi kha Pathen sa changmak hei.

JOHN INKHATNA 3:7

Kasahei, tûte’n hōnmathlâk mak chei rasoh! Christa kha akadik achang kapōa, tu achang inum ṭōndik katlo kha mikadik kae.