ISAIAH 26:3 - LEKHARABU INTHENG (BSI)

³ Rōngpu, nang in pui katluk lung mōngna pek hei roh mandonna kahnet a kaneihei leh nahnenga taksenna kaneihei hnenga.

ISAIAH 26:3 ပူးပေါင်းရင်းမြစ်များ

THUHMINGHEI INKHATNA 5:20

Pathen hneng taksenna anneia, inthōpuina sik a andera kae, khana Pathen in anderna athei pek heia Hagrihei leh anmani inthōpui hei chunga retorna amannei heia kae.

THUHMINGHEI INHNINA 13:18

Khang’khan Judah mihe’n Israel chunga re antor jo hei, ajârchu anmani anpu sōnhei Pathen Rōngpu hnenga inhnga heia kae.

THUHMINGHEI INHNINA 16:8

Ethiopia leh Libya remihei kha shakor gâri leh shakor katôr remi katamtak antanei hei changmak mo? Tâk-kha nang in Rōngpu hneng na’nngai jâra anmani torna kha aleipek che kae.

HLAHEI 119:165

Nadân inlungset hei khachu pui katluk a inhukna antanei jo kae, khana heite’num mathlûk tor mak jo hei ning.

HLAHEI 125:1

Rōngpu kataksenhei kha, a’nnok hêrmak leh a’nthon hêrmak sik, Zion tlâng kha leh in-ang hei.

HLAHEI 9:10

Rōngpu, nang inhret mihei khan antaksen sik che; nahnenga akahong tûte dahlon mak che.

ISAIAH 12:2

Pathen kha kakahuk inhring kae; Ke’n ama kataksen sik khana kei ṭimak ning. Rōngpu’n kei ratha leh hratna apek eng; Ama kakahuk inhring kae.

ISAIAH 26:12

Rōngpu, nang in keini khangsōtna napek sik ung; keini chen heirakip hi nang ṭōntlo kara kae.

ISAIAH 27:5

Tâk-kha kami indōipui mihei khan kei tahuk sik anmadu’n chu, kei leh inchamna syem hei rasoh. Ôk, kei leh inchamna sik syem hei rasoh.”

ISAIAH 31:1

Egypt a inṭangpuina kader sik a akase hei kha inhmang jo hei! Anmani’n Egypt ratha kanei remi katamtak chunga inngam heia kae — shakorhei , shakor gârihei leh remihei chunga. Tâk-kha Israel Pathen intheng Rōngpu hneng semak hei, inthōpuina sik ahnenga dermak hei.

ISAIAH 32:17

Ajârchu mi rakip in akadik leh akaṭha antlo sik jo, khana khan mōngna leh inhukna ahei tik a ka-om sik jo.

ISAIAH 32:18

Pathen mihei kha malung inrimna neimak jo hei ning, khana an-innshunga mōngna leh inhukna ka-om sik jo.

ISAIAH 42:19

Kasōkpa kanek a hmitkacho tu mo aka-om, ṭong kasem a katirpa kakhea tu mo kōr kaset aka-om?

ISAIAH 42:6

“Rōngpu ke’n nangni kabek chei kae khana ratha kapek jo chei kae, raleichunga akadik intlo ti kha hmusōtna sik a. Nangnia inphut mi rakip leh intepna inkhat kasyem sik; nangnia inphut jât-hei hneng vâr kajōng rôn sik.

ISAIAH 48:2

Achang inum nangni inlensak cheia hinga nanhri, khōpui intheng mi ung kae Israel Pathen chunga a’nngai ung kae arahming Chunghnung Rōngpu inti chunga khan ka-om ung nanti.

ISAIAH 49:8

Rōngpu’n amihei hneng ahri, “Nangni huksōtna kha ajōng tlung pha, lungsetna kha kamanhmu sik chei. khana inṭangpui sik a nanṭapna kha kamasôn sik chei. Kahngâk a kahrung sik chei khana nangnia inphut mi rakip leh intepna kasyem sik. Tûna akarōksaia ka-om nanrama ave nôk a kaman om sik chei.

ISAIAH 50:1

Rōngpu’n ahri, “Mi inkhat in anuhmei ada kapōa, kamihei hi kei tahnong sōt hei kae tia nantamandon mo? Kha achang inchu, kadana hei lekha kha khomo? Mi inkhat in asahei sōk sik a ajōrsōt hei kapōa, rehringa sur sik a kajōrsōt cheia mo nantamandon? Changmak, nansetna jâra rehringa akase chei kae; nanṭhena jâra tirsōt akae chei kae.

ISAIAH 50:10

Nangni Rōngpu kajana kanei seng, khana asōkpa ṭong kajuihei seng, nanhlam hro kha inthim thei sik, tâk-kha Rōngpu taksen ruh, nan-Pathena in-ngai ruh.

ISAIAH 66:12

Rōngpu’n ahri, “Ke’n aka-omsôt sik nei leh hao kajōng rôn pek sik chei; Vânhnōia nei leh hao kha tuidung akakang hêrmak kapōa nanhnenga jōng kalōng sik jo. Nangni kha naidông inkhat anu’n arazen, akut vâng apom, khana lungset a arazen ka-ang sik jo chei.

JEREMIAH 39:18

Ke’n kahuk sik che, nang that mak hei tin che. Nahringkhō inhuksōt sik che ajârchu nang in kachunga taksenna naneia kae. Rōngpu ke’n kahri jo kae.”

DANIEL 3:17

Kantarajen Pathen in keini hmeipun a inphut khana naratha neina inphut anihuk tor ung inchu, ama’n ajōng tlo sik.

DANIEL 3:28

Rengpa’n ahri, “Shadrach, Meshach, khana Abednego hei Pathen manpâk ruh! Ama’n angeva ajōng tira ama inzen leh akataksen mihei hi ahuksōt hei kae. Anmani’n kaṭong pek juimak hei khana an-Pathen tei loa pathen ralak hneng inkuna kamuk sik kanek a anhringkhō inrimna jôk kha anthōk.

DANIEL 6:23

Rengpa kha inpâk hêr joa shabakkai rōng shunga inphut Daniel kha keisōtna sik ṭong apek jo hei. Khava jâra anmani’n Daniel ankeisōt a, Pathen ataksen jâra ama heite a’ntônmak kha anhmu jo.

MICAH 5:5

khana ama’n mōngna ahei choi sik. Assyria he’n nirama re anheitloa nirekur hei ansukkhōi pha, nihlam kakei kahratpen hei kha anmani re katuk sik a nitir sik hei.

JOHN 14:27

“Ke’n kadahlon pek chei khachu mōngna hi kae, kapek chei hi kei khet mōngna kha kae. Vânhnōi tapek chei kapōa kapek chei changmak. Nanmalung mandong mak ruh, ṭi’m ṭimak ruh.

JOHN 16:33

Nangni kei leh ni’nchuna inphut lung mōngna nanneitheina sik hivahi kahri pek chei kae. Vânhnōi in nangni khōdeng anmanthei sik che. Tâk nanmalung manngam ruh! Ke’n raleichung hi kator jo kae!”

ROMANHEI 5:1

Tûnchu eini taksen jâra Pathen leh akadiksap kachang jo me, ei-ni’n Rōngpu Jesu Christa jâra Pathen leh inchamna ninei jo.

PHILIPPIANHEI 4:7

Mihring tamandon phâk tor mak, Pathen lung mōngna khan Jesu Christa leh inchunna shunga nanmalung leh nanmandonna kha amanmōng pek sik chei.