ISAIAH 26:1 - LEKHARABU INTHENG (BSI)

¹ Judah ram a mipui he’n hiva hla ansakna kani kha lakahong sik: Keini khōpui kahnet! Pathen khet in akur kha ahngâk!

ISAIAH 26:1 ပူးပေါင်းရင်းမြစ်များ

EZRA 3:11

Anmani’n Rōngpu manpâkna hla ave-avea anmalet a hinga ansak: “Rōngpu kha kaṭha, Israel alungsetna kha kumleikōa kae.” Mi rakip in antor chenna kapeng heia Rōngpu kha anmanpâk, ajârchu Bek-inn sakna sik innhmun andeng manphut jo.

HLAHEI 31:21

Rōngpu kha choi ka-ân ruh! Kei ankakekhum enga anbuhlu eng lai khan, heituk a inlaktak a alungsetna eng kha amalâr jo mo!

HLAHEI 48:12

Pathen mipuihei, Zion kimvea lôn una inn inshâng hei kha tei hei ruh;

HLAHEI 48:4

Zion tlâng kabuhlu sik a, renghei intûp hei.

ISAIAH 12:1

Mipui in hla hi ansakna sik kani lakahong sik, “Ke’n kachoi ka-ân che, Rōngpu! Nang kei chunga nahnuk leikana, tâk-kha tûnchu lungmōng nathlâk eng, nahnuk namak jo.

ISAIAH 14:31

Inthōpuina sik a ông una ṭap ruh, Philisti khōpui rakip in! Inpir ruh, nankhenga! Sak tinga inphut ravut khu inthim kahong, khavakha ṭitna kaneimak remihei kae.

ISAIAH 2:11

Mihring inlensakna manbângna leh racham kase manhmangna sik a kani inkhat kahong sik. Khava pha Rōngpu rōk kha choi manshâng sik kae.

ISAIAH 2:20

Khava kani ajongtlung pha, sana leh dangka vânga antasyem limhei kha anhlonsōt sik jo hei, khahei kha matîr leh bâk-hei hnenga hlonsōt pek kachang sik hei.

ISAIAH 25:9

Hiva omchen hi asōk pha, mi rakip in anti sik, “Ama hi ni-Pathen kae! Eini’n ahnenga taksenna ninei. Ama hi Rōngpu kae ahnenga taksenna ninei, khan chu eini inpâk me, kahōi me, ajârchu ama’n ahuk mea kae.”

ISAIAH 31:5

Va inkhat in vate hei hukna sik a arabu chunga ahrung kapōa akahrângpen Rōngpu ke’n, Jerusalem kahrunga kahngâk sik kae.”

ISAIAH 31:9

Anreng kalenhei kha ṭit-inpir pum a katlân sik hei, khana ṭōnpui karônhei kha anṭit reia anre pōnlek kha andahlon sik.” Rōngpu’n, Jerusalema antakamuk Rōngpu’n romanvâm inthoina tōkna sik a ahmei akakâng ṭhak a khan ka-om jo.

ISAIAH 33:5

Rōngpu kha heituk-hrep a akalen jo mo? Ama’n heirakip chunga vai arôn. Ama’n Jerusalem kha kadik a inrônna leh malung inrena khan amansip sik,

ISAIAH 33:6

khana jât hnenga ngir inhnetna apek sik. Ama’n ahei tik a amipuihei ahrung hei khana singna leh manhret theina apek hei. Anmani karōi manbukna khachu Rōngpu kajana antanei kha kae.

ISAIAH 4:2

Rōngpu’n ram shung thingkung rakip pui katluk a amankekna leh anhme amanṭhatna sik pha kha lakahong sik. Alakahring Israel mipui seng anramthlai kara chunga inpâk sik hei khana inlensak sik hei.

ISAIAH 5:1

Hiva hla hi kasak pek lai che rangei roh, kaṭhōnpa leh avomhrui rahōn hla kae: kaṭhōnpa’n vomhrui rahōn inkhat anei, ralei ṭhatna hmebung chunga.

ISAIAH 56:5

narahming kha kabek-inn shunga khana sanu sapa katamtak nanei kanek a kamihei kâra kasôt chet a mandonsōtna aka-om sik kae. Nang ahei tik a mahngi changmak jo tin che.”

ISAIAH 60:18

Hnuknat rasa inthei nôk mak jo ning; Naram kha suksetna khan sukkhōi nôk mak jo ning. Ke’n nang bang kapōa kahrung sik chei; Nang in kei namanpâk sik eng ajârchu ke’n nang kahuksōt jo che.

ISAIAH 62:10

Jerusalem mihei, khōpuia inphut sōksōt ruh Khana nanmi ahong inle hei heihlutna sik hlamlen syem ruh! Hlampui mantluk ruh; hlunghei losōt hei ruh! Jât-hei manhretna sik a mêrchîkna inkhat da ruh.

ISAIAH 62:11

Khachu Rōngpu’n raleichung pumpuia aphôngsōt jo: “Jerusalema mihei manthei hei ruh Rōngpu kha nangni kahuk sik a kajōng jo, Ama’n ahuksōt mihei kha aheiṭhōi heia kahong.”

JEREMIAH 33:11

inpâkna leh hōina ông rasa khana hmōiṭhōi revei mahring rasa hei. Mipui he’n ka-Bek-inna inpâkna tōkna anheichoi pha hla antasak kha nanthei sik; anmani’n hinga anti sik, ‘Chunghnung Rōngpu hneng manpâkna pek ruh. ajârchu ama akaṭha kae, alungsetna kha kumleikōa kae.’ Ke’n hiva ram hi hma kapōa kamanhao nôk sik. Rōngpu ke’n kahri jo kae.

EZEKIEL 40:5

Kei tahmu khachu Bek-inn kae, akimvea khan bangrape inkhâr. Mipa khan ramtena metre 3 kasei kha aloa rape bang kha ate jo. Khavakha metre 3 inshâng khana metre 3 insâ.

ZECHARIAH 2:5

Rōngpu’n ṭong aṭep jo, ti chu ama khet khōpui hrungna sik a akimvea hmei rape kachang sik jo khana ama’n khana khan alûrna rakip leh ka-om sik jo.”

ZECHARIAH 2:9

“Rōngpu khet in nangni re kadōi sik chei, pha khat a nansōk kachang hei khan nangni ansukset sik jo chei.” Hivahi asōk pha, Chunghnung Rōngpu’n kei hi ajōngtir eng kae tia nanmanhret sik.

MIJAHEI 21:17

Khava pha Israelhei khan hiva hla hi anleisak: “Tuikhurhei, nantui manpût ruh; Hla leh inṭhōia kanrahlâng sik–

MATTHEW 16:18

Khava jâra Eh Peter, nahnenga kahri kae: nang hlungpui che kae, khana hiva hlungpui innhmun chunga hin ka-Bekrup kasak sik kae, khana thina kapha’n khava chunga ratha nei tor mak ning.