ISAIAH 21:3 - LEKHARABU INTHENG (BSI)

³ Hmangtalâra kahmu leh katheihei seng khan ṭitna, natna amannei eng, khava nat dân khachu nuhmei naiha phut ka-ang.

ISAIAH 21:3 ပူးပေါင်းရင်းမြစ်များ

HLAHEI 48:6

Khava hmun khan, anmani nupui nai kanei sik inkhat kapōa, ṭit leh malung inrimna kasip jo hei.

ISAIAH 13:8

Anmani, nupui naiha kaphu kapōa, anmani ankhenga inpir sik hei khana lung nat in akatōm sik hei. Anmani ṭitpum a khat leh khat in-en sik hei, inzak a anhmai kanguireng sik hei.

ISAIAH 15:5

Moab sik a kamalungria kaṭap eng! Mihei kha Zoar khōpuiting leh Eglath Shelishiya khōpuiting katlân jo hei. Ṭhahrep Luhith hlampui ting, anṭap pum a kake hei; ṭhahrep khat in Horonaim ting, malung natpuma ka-ông heia katlânsōt hei.

ISAIAH 16:11

Moab-hei sik a malung inrenga kei inkōi eng, Kir Heres sik a kachâm eng.

ISAIAH 16:9

Tûn kei Jazer sik a kaleiṭapna kapōa Sibma vomhrui sik a kaṭap eng. Heshbon sik a leh Eleale sik jâra kahmit rathli katla, ajârchu mihei inpâkna sik om mak jo ning.

ISAIAH 26:17

Rōngpu, nang in namanṭap naman-ông ung, naiha phut laia nuhmei inkhat nat kapōa.

JEREMIAH 4:19

Lung natna! Lung nat hi kei thōktor mak eng! Kamalung! Kamalung hi invaia tuk-tuk ati jo! Kei sip katia om tor mak jo eng; ke’n pengkun rasa hei leh rekōnna anpeng rasa kathei.

JEREMIAH 48:41

khana akhōpuihei leh arekur hei kha anhlō sik. Khava kani ning khan Moab remihei kha nupui naiha kaphu kapōa inpir sik hei.

JEREMIAH 49:22

Hmuvânlai inkhat in amathla azera ajōng inthla kapōa indōipuihei khan Bozrah chunga anjōng buhlu sik. Khava kani ning khan Edom remihei kha, nupui naiha kaphu kapōa, ṭit-inpirna annei sik.”

JEREMIAH 50:43

Babylon rengpa’n ṭong kha athei jo, khana akut kha amakheia kazeng jo. Nupui naiha kaphu kapōa malung nat in asur jo.

JEREMIAH 6:24

Jerusalem mihe’n anti, “Ṭong kha keini’n kanthei, kankut kangōi jo, nupui naiha kaphu a’nkōi leh akana ka-ang jo ung.

HABAKKUK 3:16

Hiseng hi kathei jo, kei innok eng; ṭit jâra karakam innok jo. Kataksa hi innok inthing jo, kake intlunhrek a thontor mak eng. Pathen in keini ani kabuhlu hei akarâkna sik pha kha ahong tlung sik kha sip katia kanhngâk sik.

JOHN 16:21

Nuhmei inkhat in nai anei sik ting amalung inrim, ajârchu a’nrengna pha kha jōng katlung jo; tâk nai kha aneisō pha anat ade manrim seng kha amahngi jo, ajârchu amanu’n raleichunga nai inkhat anei jo jâra inpâk joa kae.

DÂNRABU INHNINA 28:67

Nantahmuna rakip a ṭitna’n nanmalung amannok sik. Jîngkâr rakip a khōhlei nanmanhong hnōm sik; khōhlei rakip a jîngkâr nanmanhong hnōm sik.

THESSALONIANHEI INKHATNA 5:3

Mihe’n, “Tûnchu kadai jo, ṭit sik om mak jo,” anti laitak khan manhret manloa inhmangna khan anchunga ajōng suk manhmang sik hei kae! Hivahi nupui nai kanei sik naiha kaphu a’nphut kapōa ajōng katlung sik kae, khana mihei kha tlânsōt tor mak hei ning.