ISAIAH 2:8 - LEKHARABU INTHENG (BSI)

⁸ Anram kha limsyem kasip, anmani kut kalalen vânga antasyem neinâk-hei kha ankamuk hei.

ISAIAH 2:8 ပူးပေါင်းရင်းမြစ်များ

RENGHEI INKHATNA 16:7

Baasha khan Rōngpu dōina setna atlo jâra khava ṭong kha Baasha chunga Rōngpua inphut sânkathem Jehu hneng ale’npek kae. Ama mak hma a Reng Jeroboam taleitlo kapōa ṭhatmak atloa Rōngpu hnuknat akachōr rōk kha changmak, ama’n Jeroboam innshung rakip athatsa heia kae.

RENGHEI INHNINA 17:10

Anmani’n hmebung rakip leh thingkung daihlim rakip a hlung kachohei khana Asherah pathennu limsyem anmatunga kae,

RENGHEI INHNINA 17:16

Anmani’n Rōngpu an-Pathen dân rakip ansukkhōi khana kamuk sik sum-êng sehratche 2 ansyem; khana Asherah pathennu limsyem um ansyem, ârsihei ankamuk, khana Baal pathen anrazen.

THUHMINGHEI INHNINA 27:2

Ama’n apa kapōa Rōngpu tlaina aleitlo: tâk-kha apa kapōa Bek-inn shunga bero chu leiro mak a kae. Kha’num mipuihei chu setna anleitlo ṭhak a kae.

ISAIAH 17:8

Anmani’n ankut a antasyem maichâm chunga anmalung hlutmak jo ning, achangmak leh ankut themna chunga taksen mak jo hei ning, an-pathennu Asherah lim leh marim katui ro mankhutna maichâmhei chunga khan.

ISAIAH 26:13

Rōngpu, kan-Pathen, milak he’n kanchunga vai anleirôn tâk nang rōk kan-Rōngpu che kae.

ISAIAH 37:19

Khana an-Pathen he’m aro manvâm sō jo. Khava Pathen um aka-emak hei kha, thing leh hlung vâng mihringhei kut a ansyem hei kae.

ISAIAH 40:19

Ama khachu kut kathem he’n antasyem lim kapō kha changmak, thir kakheng he’n sana vânga antakatōm kapō dangka intungna chunga antamanngir kapō kha changmak.

ISAIAH 41:29

Hiva pathenhei seng hi hmangna kase rōk hei kae; anmani’n heite tlotor mak hei, hiva limsyemhei hi katlasam hei khana ratha neimak hei.”

ISAIAH 57:5

Nangni thingkung intheng thōia taksa inchun cheia saneina pathen kha nankamuk a kae? Khana tuidung panga hlungkōk a nansahei inthoina nantōk a kae.

JEREMIAH 1:16

Kami he’n setna antlo jâra karâkna kapek sik hei kae; anmani’n kei andahlon jo eng, pathen ralak hnenga inthoi hei, lim ansyema ankamuk heia kae.

JEREMIAH 11:13

Judah mihe’n khōpui antanei kapō jahrep a pathen annei heia kae, khana Jerusalema aka-om mihe’n khōpui shunga hlamdung aka-om jahrep a mater ka-om Baal pathen hnenga inthoina sik a maichâm ansyemsōt a kae.

JEREMIAH 2:28

“Nanbing sik a nantasyem pathenhei kha khon mo aka-om jo hei? Antor inchu, nangni khōdengthei lai huk chei rasoh! Judah, nang in khōpui nanei chenna pathen um naneiheia kae.

HOSEA 12:11

Kha’num Gilead a limhei ankamuk, khava inmuk hei kha akathi sik hei kae. Gilgal a sehratchehei inthoina annei, khava maichâmhei kha ramhânga hleiheia hlung manbukna kachang sik hei.”

HOSEA 13:2

Anmani’n kamuk sik a thir vânga lim ansyema kae, dangka limhei, mihring mandonna hei leh mihring kut vânga ansyem heia kae. Khan chu anmani’n anti, “Khahei hnenga inthoina tōk ruh!” Heikhonga mo mi inkhat in amajôptor sik hei, khava sehratche limsyem mama kha!

HOSEA 14:3

Assyria he’n keini ahei tik a’m ahuk tor mak ning, re shakor he’n ahrungtor mak ning. Kanlimhei hnenga, ‘Kan-Pathen, O Rōngpu’ ti nôk mak jo ning, anka-en sik tûte aka-om mak hei hnenga nang in lungset namalârpek heia kae.”

HOSEA 8:6

Israel kut kathem in lim kha ansyem, khavakha pathen chang hêrmak! Samaria sana sehratche limsyem antakamuk kha ahar-ahak a sukkhōi sik kae!

MICAH 5:12

Nantahmang dôi rakip kasuk manhmang sik khana tlâ-sân kathem kasea kadahlon sik che.

ṬŌNTLOHEI 17:16

Athena Paul in Silas leh Timothy aleihngâk hei lai khan, akhōpui shunga limsyem kasiptak kha ahmu sōt pha amalung leihōi hêrmak.

DÂNRABU INHNINA 4:28

Khana khan mihring kut vânga ansyem pathen, thing leh hlung pathenhei kha nanrazen sik hei, hmit kahmu mak leh kōr katheimak, akasâk theimak leh marim katheimak pathenhei kha.

ṬONGPHÔNG 9:20

Khana hiva hrise tathatmak hei seng kha’num, anṭōnse tlona inphut anmalung thleng dekmak hei. Anmani’n rathla ravaihei leh sana vâng, dangka vâng, sum-êng vâng, hlung vâng leh thing vânga limhei, rasa katheitor mak leh hmit kahmu tor mak, lôn um akalôntor mak hei kha, kamukna bângmak hei.