ISAIAH 2:2 - LEKHARABU INTHENG (BSI)

² Akahong sik kani heia Bek-inn ngirna tlângbung kha tlâng rakip kâra a’nshângpen hongkachang sik, hmebung rakip amakhupet sik hei. Jât katamtak kahong inhlut sik hei,

ISAIAH 2:2 ပူးပေါင်းရင်းမြစ်များ

A’NPHUTNA 49:1

Jacob in asahei abek heia anhnenga, “Kakimvea hei intûppet ruh, nanchunga ahong kasōk sik hei kha hripek chei rong:

JOB LEKHARABU 19:25

Tâk-kha marvâna tu mo inkhat kei ani kahrung sik achaina pena lakahong sik ti hi kamanhret.

HLAHEI 102:23

Kasinlai Rōngpu’n akatlasama aleisyem eng; kahringkhō amanbongpek eng.

HLAHEI 2:8

Ader roh, ke’n nang jât rakip nakut a kapek sik che; raleichung pumpui hi nangta kachang sik.

HLAHEI 22:27

Jât rakip in Rōngpu kha anmandonsōt sik. Raleichung hmun rakip a inphut ahnengting hong inhe sik hei; jât leh phung rakip in ama ankamuk sik.

HLAHEI 22:28

Rōngpu chu reng kae, khana jât-hlop hei chunga vai arôn.

HLAHEI 48:2

Pathen tlâng Zion kha inshânga kaṭha hêr; reng kalenpa khōpui khan vânhnōi pumpuia inpâkna ahei rôn.

HLAHEI 68:17

Ashakor gâri lishing katamtak leh Rōngpu’n Sinaia inphut hmun inthenga khan jōng kaṭum.

HLAHEI 72:8

Arengram kha tui-ôngpui inkhat in inkhat a sunbit rasoh, Euphrates tuidunga inphut ralei inchaina katlung chang rasoh.

HLAHEI 86:9

Naleisyem jât rakip hei kha kahong sik hei khana nahnenga hong-inkun sik hei; nalenna kha anchoi ka-ân sik jo.

HLAHEI 87:1

Rōngpu’n akhōpui kalen kha tlâng intheng chunga asak;

HLAHEI 87:2

Jerusalem khōpui kalen kha Israel hmun ralak kanek a alungset chet.

ISAIAH 11:10

David reng hruia inphut rengther inkhat jât-hei sik a mêrchîkna ahong changna sik kani kha kahong. Anmani reng khōpuia intûp sik hei khana ama kajana antapek sik kae.

ISAIAH 25:6

Hina Zion Tlâng chunga Chunghnung Rōngpu’n raleichunga jât rakip sik sâktlâng amantluk sik, akatuipen thlai leh ju sâktlâng kae.

ISAIAH 27:13

Khava kani ahong tlung pha, Egypt ram a leh Assyria ram a Israel sahei rekahringa antakei hei seng bekmalena sik a Pengkun inkhat intum sik. Anmani kahong sik heia kha, ahmebung intheng Jerusalema Rōngpu kha ankamuk sik.

ISAIAH 30:29

Tâk nangni, Pathen mi chei chu, a’ntheng revei tlo ning khōhlei kapōa inpâk a hla nansak sik jo. Nangni Israelhei kahrungpa, Rōngpu Bek-innting nanselai bunglir tum rasa katheihei inpâk kapōa inpâk sik chei.

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

ISAIAH 56:5

narahming kha kabek-inn shunga khana sanu sapa katamtak nanei kanek a kamihei kâra kasôt chet a mandonsōtna aka-om sik kae. Nang ahei tik a mahngi changmak jo tin che.”

ISAIAH 56:7

“Ke’n nangni katlâng intheng Ziona kaṭhōi sik chei, kei derna innshunga inpâkna kapek sik chei, khana kamaichâm chunga nan-inthoina tōknahei kha karahlâng sik jo. Kabek-inn hi vânhnōi jât rakip sik a derna inn a’nti sik kae.”

ISAIAH 60:3

Jât-hei kha navâr khan nahnenga ahongkei sik hei, Khana renghei kha’m nakani ther ting kahong sik hei.

ISAIAH 65:11

“Tâk-kha kei kadahlon nangni, katlang intheng Zion heitea kasak mak, vângṭhat leh vângset pathen Gada leh Meni inmuk hei sik a chu ahlop kachang sik.

ISAIAH 66:20

Anmani’n nansap Israelhei kha jât-hei kâra inphut kei hnenga kutchoi kapōa anta heiṭhōi male sik hei kae. Anmani kha Israel he’n Bek-inna tōk sik hmuchi beklanga a’ntheng atena heia anta heirôn kapōa katlang intheng Jerusalema hin, shakor, shakōrtung, sharîngsei chunga khan chu shakor gâri chunga anta heiṭhōi male sik hei kae.

ISAIAH 66:23

Thlather revei ning leh Châmhngat kani ning rakip a, jât mi rakip in Jerusalema hin kei inmuk sik a akahong sik hei kae,” Rōngpu’n ati.

JEREMIAH 16:19

Rōngpu, nang karatha ngarna leh ani kahrung che kae, inrengna pha na’nthōpui eng. Raleichung inchaina inphut jât-hei nahnenga kahong sik hei khana anhri sik, “Kanpu kanpa he’n pathen kadikmak kha tei loa heite leinei mak hei, akahnem mak limhei tei loa heite leinei mak hei.

JEREMIAH 23:20

khana ama’n atlohnōm seng kha atlosō mak kârseng bângmak ning. Kani hnung kakhôr ning khan ama mihe’n hivahi inthengtak a anhong manhret sik.”

JEREMIAH 26:18

“Hezekiah’n Judah reng achanglai, Moresheth a sânkathem Micah’n mipuihei hneng Chunghnung Rōngpu ṭonghri kha aleimanthei hei, ‘Hleipuk kapōa Zion kha ankhōi sik; Jerusalem kha sukset neinâk-hei manbukna hongkachang sik, khana Bek-inn hmebung kha ratu ramhâng hongkachang sik.’

JEREMIAH 3:17

Khava pha kha ahong tlung pha Jerusalem hi ‘Rōngpu len in-ongna’ inti sik, khana jât pumpui in khana khan kei ankamuk sik jo eng. Anmalung kasak leh akaṭhamak in amanse hei kha tlomak jo hei ning.

JEREMIAH 31:12

Anmani kahong sik hei Zion tlâng chunga inpâkna hla ansak sik, kakutchoi pek hei chunga anmani katlâi sik hei sâng, ju, olive thai, kemōnghei leh sehei seng chunga. Anmani tui kaṭhatak a a’nchap rahōn kapō inkhat kachang sik hei; anmani’n antamadu rakip annei sik.

JEREMIAH 48:47

Kha’num akahong sik pha chu Rōngpu’n Moab-hei alamanhao nôk sik hei. Rōngpu tahri rakip hi Moab-hei chunga alakasōk sik kae.

JEREMIAH 49:39

Tâk-kha hnung leh chu, Elam mihei kha avea kamanhao nôk sik hei. Rōngpu ke’n kahri jo kae.”

JEREMIAH 51:44

Ke’n Babylon pathen Bel karâkna kapek sik, khana amarûk a anei ahao hei kha kamansōsōt sik hei, jât he’n avea kamuk nôk mak jo hei ning. “Babylon kurbanghei kachim inset jo hei.

EZEKIEL 38:16

Nang in kami Israelhei kha thlipui in ram chârna ajōngsem kapōa anchunga re natlo sik kae. Apha kha ahong tlung leh, jât he’n kei hi tu eng mo kae tia anmanhretna sik, khana nanga inphut ṭōn katlosōt sik heia inphut hin kei inthengna kha malârsōt theina sik a karam chunga re katlo sik a katir sik che kae.

EZEKIEL 40:2

Hmangtalâra Pathen in Israel ram a aṭhōisōt enga tlâng inshângtak chunga ada eng. Kahmating ke’n inn inshâng ṭhahrep khōpui kapōa kahmu hei.

DANIEL 10:14

Namihei chunga hnunga heimo ahong kasōk sik kha manthei che rong tia akahong eng kae. Hivahi hnunga ahong kasōk sik hmangtalâr kha kae.”

DANIEL 2:28

Tâk a’n-ip kaphôngsōt tor marvân Pathen inkhat ka-om. Ama’n Reng Kalûr nahnenga hnunga ahong kasōk sik kha ahri pek che kae. Tûn narahmang kha hripek che rong, khava najelaia rahmang kha.

DANIEL 2:35

Khava phatak a thir, matlak, sum-êng, dangka khana sanahei kha kakōi heia khōlum pha saphōra akajōngsōt vuibō ka-ang jo heia kae. Khahei kha thli’n asêmsō jo hei, inkhatbek inhmu phâkmak jo hei. Tâk-kha hlung khachu tlângbung inkhat hong kachanga ralei pumpui ahongmakhu jo.

DANIEL 2:45

Nang in hlung inkhat tûte’n sit loa tlângbung inkhat a inphut ajōng inlirsōt khana khava khan thir, sum-êng, matlak dangka leh sana vâng a’nsyem lim kha ajōng suk kha nahmu. Akalen Pathen in Reng Kalûr nahnenga hnunga ahong kasōk sik omchen amanthei che kae. Ke’n narahmang nei leh khava malena kha kadiktak a kamanthei jo che.”

HOSEA 3:5

Tâk-kha Israel mihe’n Rōngpu an-Pathen hneng, anrengpa David sōn hnenga avea anhei inhena pha kha anlanei sik. Khava pha Rōngpu kha anṭit sik jo,

ZECHARIAH 14:10

Sak tinga Geba inphut thlang tinga Rimmon katlung bit a, ramkei akhenga phaichama syem sik kae. Akimvea ka-om ramhei kanek a Jerusalem inn inshângpen sik; khōpui hin Benjamin Kekot a inphut hmalaia kekot leiomna Arakir Kekot kha aphâk sik, khana Hananel Ber a inphut reng innshunghei theitui epna hmun katlung kachang sik.

ZECHARIAH 14:9

Khava sōa Rōngpu kha raleichung pumpuia reng kachang sik jo; mi rakip in ama kha Pathen kapōa ankamuk sik jo, khana rahming inkhat rōk a manhretna annei sik jo.

ZECHARIAH 8:22

Mi katamtak leh jât kahrat hei kha’m Chunghnung Rōngpu inmuk sik leh ama vângpekna kader sik a Jerusalema kahong sik hei.

ZECHARIAH 8:3

Kakhōpui intheng, Jerusalema kei inle sik eng, khana khan ka-om sik eng. Hivahi taksenthei khōpui, Akahratpen Rōngpu hmebung, khana hmebung intheng tia inhret sik.

MALACHI 3:12

Khana jât rakip a mihe’n mikahōi anti sik chei, ajârchu nanram kha omna sik hmun kaṭha kachang sik a kae.”

MIJAHEI 24:14

Balaam in Balak hneng ati, “Tûnchu kei kamihei hneng inle sik jo eng, tâk Israel in hnung leh namihei chunga heimo anta hongtlo sik kha kasemak hma kamanthei dek che kae.”

ṬŌNTLOHEI 2:17

‘Kani hnung intonga katlo sik kha hivahi kae, Pathen in ati: Mi rakip chunga Karathla kajōng bun mathlâk sik. Nansanu leh nansapa he’n kaṭong anphông sik; Nankhangdông he’n hmangtalâr anhmu sik, khana nan-upahe’n rahmanghei annei sik.

TIMOTHY INHNINA 3:1

Kani hnung intongting chu intakna pha kachang sik, mandon ruh.

HEBREWHEI 1:2

tâk a’nchaina pha hinchu asapa vâng eini a’nbekpui jo me. Pathen in vânhnōi ralei asyem hi ama vânga kae, Pathen in achaina neinâk rakip akapu sik a akadei hi ama hi kae.

PETER INHNINA 3:3

Ahma inkeipena, kani hnung intongting mi ṭhahrep, anbing tamadu leh tarangei in athlim hei ho’nlâr sik hi nantamanhret sik kae. Anmani’n sem antlo sik chei

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 20:4

Khava sōa len in-ongna hei leh achunga a’n-ong hei kha ṭong tanna sik ratha antapek hei kha kahmu. Khan nôk chu Jesu tamalârsōt ṭongdik leh Pathen ṭong jâra antathat hei rathla kha’m kahmua kae. Anmani’n ranhring limsyem kha leikamuk mak hei, khan chu achîkna kha’m anmachea achanga ankut chunga achanga mazet mak hei. Anmani’n kum 1,000 Christa leh reng kapōa vai antarônsap sik a hong kahringsōt hei.